ꞌJeemith 1:5 - ꞌBuuk cĩ Thõõth cĩ Nyekuci

⁵ Má adiim eet umwaa hõrggẽẽnaa cunuung ꞌgẽẽnyĩth, aꞌnyĩĩk hala Nyekuc ꞌcĩ aaꞌnyĩk eet vẽlẽk ꞌgẽẽnyĩth ꞌthĩnĩtaa ꞌcĩ alalĩ nẽ hõllõngaa eggerꞌnyeek eet umwa, nẽẽthĩ hatĩ aaꞌnyĩhoothĩk ĩnõõnnõ.

ꞌJeemith 1:5 ပူးပေါင်းရင်းမြစ်များ

Maatteeo 11:20

Nĩngĩtĩ aku alĩĩllĩkĩ Yeesu ꞌtaaũnniook baag adticanĩ nẽẽ thooꞌthiok ꞌcĩg ĩnaat eeta, hĩnĩngĩtĩ baa abũrĩ eeta ngaatĩ ũũnnĩkĩ ꞌthẽccanẽẽt cĩggĩĩng.

Maarko 16:14

Ma urutaa cĩnnĩ vẽlẽk, ikia uppwaannak Yeesu nuyyiook ꞌcĩg ĩĩn õmmõtõ hĩ hõdẽĩ baa nga aduhi. Baa eggerꞌnyeek Yeesu ĩhõõggõ, hĩnĩngĩtĩ aitiõõ hõllõngaa aꞌnyak lemiinit. Hĩnĩngĩtĩ baa õkõmĩ nuyyiook ꞌthinneeti ngaatĩ ẽlẽmmĩ thõõth cĩ eet baag ĩcĩnĩt Yeesu, baa ũrũga nẽẽ daahĩtha.

Yõaannẽ 14:13

Ijittaangu nganĩĩta nẽ hatĩ hĩdĩmaneehuung naa thõõth ꞌcĩ adiimmu ho, hátĩ haaꞌnyĩk Ngeerĩnĩ Maaꞌnyĩ bulẽẽnĩt.

Yõaannẽ 15:7

Má aallannu niig hĩ nganĩĩta nẽ aallattia thooꞌthioha cĩgannĩg hĩ ngagiita, ijinit ꞌgii vẽlẽk ꞌcĩ adiimmu nẽ hatĩ aaꞌnyĩhoothĩhuung ngagiita.

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

2 Korinthia 2:16

Nẽ eeta ꞌcĩg iꞌngittõõthĩ, õꞌngõlĩ nyeemuut ꞌcĩ abũnnaa hĩ ĩhõõggõ, muyuuk ꞌcĩ õꞌngõlĩ daahĩth, nẽ hĩ eet cĩg eelliaa, õꞌngõlĩ nyeemuut hĩ ĩhõõggõ, muyuuk cĩ rũgẽtõ nẽ nganĩ ꞌthẽk ꞌcĩ occa ũũlũ ngaatĩ adticanĩ dtiic icci aaddi ho?

ꞌJeemith 1:17

Aku ꞌbaaniniti ꞌcĩ abũnnaa ꞌcĩ tẽllĩ hẽẽtahujjieen hĩ Baangeet ꞌcĩ ẽhẽnyta lanyit cĩ hẽẽtkujjieen, aalla nẽẽ hõdõõkõthĩ ꞌgõõla hõdẽẽthõng nẽ hõllõngaa ũũkcĩ hĩ ꞌriiyyiẽta.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

ꞌJeemith 5:16

Má baa ẽꞌthẽcattoou niiga, occa aduhaaku ꞌgoonogu ꞌthẽccanẽẽt ꞌcĩg baa adĩmannu ho. Nẽẽthĩ, alayyiooyyu eleeti hõdẽĩ, hátĩ hũtũngeek Makayyioohiti ꞌthẽccanẽẽt cugguung. Attiran laiiniti cĩ eet ꞌcĩ abũnnaa nẽ aga ngaatĩ eelluung ngagiit gẽrrẽẽt.

1 Yõaannẽ 3:22

Aaꞌnyeet hatĩ nẽẽ ngagĩĩt ꞌgii vẽlẽk ꞌcĩ hajin naag ĩnõõnnõ, hĩnĩngĩtĩ hathĩhĩ naag thõõth cĩnnĩ nẽ hĩdĩmanit thooꞌthiok ꞌcĩg accamana nẽẽnĩ.