ꞌJeemith 1:26 - ꞌBuuk cĩ Thõõth cĩ Nyekuci

²⁶ Má ammuk eet umwaa aĩ hĩĩnĩ eet cĩ Nyekuci nẽ õthõõth tahatak, ĩggõõl nẽẽ ẽlẽ cĩnnĩ nẽ iittiõõ hõllõngaa adticanni thõõth cĩ Nyekuci hĩ ĩnõõnnõ.

ꞌJeemith 1:26 ပူးပေါင်းရင်းမြစ်များ

Maatteeo 15:9

Abathĩ ngaatĩ alayya nẽẽg nganĩĩt, hatĩ alliman nyattal cĩ eetu.’ ”

Maarko 7:7

Alayya nẽẽg nganĩĩt utugeetini haaga. ꞌLimmanĩ ꞌcĩ alliman nẽẽg ko, ĩĩn nyepitee cĩ eetu haaga.’

ꞌLuuka 8:18

Nẽẽthĩ, agaac authet ꞌcĩ athĩkneennu jurrung. Ẽẽtĩ ꞌcĩ aꞌnyak ꞌgiimwa, aaꞌnyĩhoothĩk hatĩ ꞌcĩ maka, nẽ ẽẽtĩ ꞌcĩ hiꞌthihi ꞌgiimwa ũdũt, aggammiaa hatĩ ꞌgii ꞌcĩ abadtẽc ꞌcĩ ammuk nẽẽ aĩ haꞌnyahi haau athĩnĩĩ ꞌtẽl.”

1 Korinthia 15:15

Hĩllõõan thõõth niccia, hummuddiaawa naag hĩĩtta oloꞌngiaak cĩg thõõth cĩ Nyekuci, hĩnĩngĩtĩ baa hothooꞌthia naag thõõth cĩ Nyekuci hĩĩtta, baa ũrũgũtha nẽẽ Krĩstõ daahĩtha. Nẽẽthĩ, nga hũrũgũtha nẽẽ ĩnõõnnõ daahĩtha, hatĩ baa nga hũrũgta daakiaha daahĩtha.

1 Korinthia 15:2

Nyeemuutaa ꞌcĩ abũnnaa ho, eelliau niig hatĩ aꞌthuunnu thõõth baa hirrioonĩkuung naa ngagiit jurrung. Nẽẽthĩ, má aitiõõ, ĩĩn thĩ lemiiniti cunuung ko ꞌgiimwa haaga.

1 Korinthia 3:18

Ma higgoollu eleeti. Má aĩ eet umwaa heggeenyi, hĩnĩngĩtĩ thõõth cĩ looc nicci, aꞌnyĩĩk hĩĩ ꞌgiiꞌthiahit, hátĩ hikia hẽggẽẽny.

ꞌGalaaꞌthia 2:6

Nẽ eeta ꞌcĩg baag aattĩg hĩ makayyiooha, baa hõllõngaa haallahi naa ĩhõõggõ, hĩnĩngĩtĩ etteedĩk Nyekuci eet thõõth ꞌgoolliohĩĩ ꞌcĩg aattiyyi nẽẽgĩ nẽ hõllõngaa ĩttoorĩk nẽẽg thõõth umwa ꞌlimmaanaa caannĩ.

ꞌGalaaꞌthia 2:9

Nẽ dĩdĩ, baa agayyi ꞌJeemithi hĩ Pẽẽtũrũ hĩ Yõaannẽ, ngaatĩ ĩĩnnĩ hitiirrwa cĩg lothippit cĩ lemmioohu. Baa agaoothi nẽẽg ꞌbaaninit baa aaꞌnya nganĩĩt Nyekuci nẽ ẽlẽmta nẽẽg nganĩĩt hĩ Baarnaba hidticattooa hõdẽĩ. Ma ho, iita ũkũtatteet nẽẽg ngagĩĩt hoottia hillimatta eet ꞌcĩg hõllõngaa ĩĩn ꞌJudeei nẽ õõt illimanit nẽẽg eet ꞌcĩg ĩĩn ꞌJudeei.

ꞌGalaaꞌthia 3:4

Accanatteeu niig gẽrrẽẽt, hĩnĩngĩtĩ Nyeemuut cĩ Abũnnaa, ĩcca ꞌyioko õkõ ꞌcannani niccia haaga? Akannõõ hatĩ ꞌcannani niccia hĩ ne?

ꞌGalaaꞌthia 6:3

Má ammuk ẽẽtĩ umwaa aĩ hĩllõõani ꞌgõõnõgĩ nẽ hõllõngaa ĩllõõan buúk, ĩggõõl eet tĩho ẽlẽ cĩnnĩ.

Eevvetho 4:29

Ma hothooꞌthu thooꞌthiok ꞌcĩg abathĩ. Aanytĩk thooꞌthiok ꞌcĩg aduhaannu hĩĩ ꞌcĩg abũnnaa, hátĩ hẽẽl eet ꞌcĩg athiknuunga.

Eevvetho 5:4

Hode ma hothooꞌthu thooꞌthiok ꞌcĩg ĩĩn ꞌriiring ꞌcĩg occa aꞌnyaha ngaaoni, hode thooꞌthiok ꞌcĩg occa hõllõngaa eelluunga, ꞌcĩg hõllõngaa abũnnaa, nẽẽthĩ, othoothit thooꞌthiok ꞌcĩg occa anneeku Nyekuc ĩlaallẽ.

Kolooꞌthe 4:6

Aanytĩk thõõth ꞌcĩ othooꞌthu niig hõdõõkõthĩ haaꞌnyĩk eet ꞌcĩg athiknuung ngagiit haccamattoothĩk, hátĩ agaac ngaatĩ occa attacannu eet vẽlẽk ꞌcĩg ajinnuung ngagiit ꞌgõõlaa ꞌcĩ abũnnaa.

ꞌJeemith 1:19

ꞌGotoonoga hĩ ngoonoga, ĩthĩhĩt thõõth icci, aꞌnyĩĩk eet hõdẽĩ hõdẽĩ hĩthĩktõ hĩdĩĩkoothong nẽ ma hothooꞌthu hĩdĩĩkoothong nẽ ma haliilliyyu hataman.

ꞌJeemith 1:22

Nẽẽthĩ, ma hathiknu thõõth cĩ Nyekuci thõng diooni. Adiim adĩmannu thõõth ꞌcĩ adukiaa ho. Má aitiõõ hõllõngaa adĩmannu, iggoollu hinnia eleeti cugguung haaga.

ꞌJeemith 2:20

Nii ꞌgiiꞌthiahiti, adiimi nii heterethoothihii thõõth ꞌcĩ aĩ, hõllõngaa ẽẽlannii nganiit lemiiniti ꞌcĩ aitiõõ dtiicanĩ ꞌcĩg abũnnaa tõõ?

1 Pẽẽtũrũ 3:10

Hĩnĩngĩtĩ aduha ꞌBuuhi cĩ Nyekuci aĩ, “Ammĩnannu ꞌthẽk niig rũgẽt dĩdĩ? Adiimmu ꞌthẽk niig accamanoothiku? Ma thĩ nga hothooꞌthu thooꞌthiok ꞌcĩg abathĩ nẽ ma nga hothooꞌthu thooꞌthiok ꞌcĩg ĩĩn õlõng.