ꞌJeemith 1:25 - ꞌBuuk cĩ Thõõth cĩ Nyekuci

²⁵ Nẽẽthĩ, ẽẽtĩ ꞌcĩ arrĩcanaa ngaatĩ ammũdaanĩ thõõth ꞌcĩ aduha nyattalĩ ꞌcĩ abũnnaa, baa õõga eet haauto lõꞌngõõc nẽ aala ĩdĩman thõõth icci nẽ hõllõngaa ataarrothi thõõth baa athĩhĩ nẽẽnĩ nẽ ĩdĩmana, aggatan hatĩ Nyekuci ĩnõõnnõ, hĩnĩngĩtĩ thõõth ꞌcĩ adĩman nẽẽ ho.

ꞌJeemith 1:25 ပူးပေါင်းရင်းမြစ်များ

ꞌLuuka 11:28

Ẽdẽcĩ hinnia Yeesu anneek, “Aꞌnyĩĩk haggatattĩ eeta ꞌcĩg athĩhĩ thõõth cĩ Nyekuci nẽ elemita.”

Yõaannẽ 13:17

Iita ꞌyioko agayyu niig thooꞌthiok iccig nẽ aggatannuung hatĩ Nyekuci hatĩ adticannu ĩhõõggõ.

Yõaannẽ 8:36

Má õõgauung ngagiit Ngeertĩ Eeto, iita aauttu niig lõꞌngõõc dĩdĩ.

Dtiicanĩ cĩg ꞌThooyyiahu 13:43

Ma baa edeccia laiiniti, baa anũ Paaulo hĩ Baarnaba eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei, ꞌcĩg baag iita elemit thõõth cĩ Nyekuc cĩ Ĩꞌthĩraẽlĩ. Nĩngĩtĩ aduhaakĩ nẽẽg eet huꞌthuutti bũnnai cĩ Nyekuc gõõng ammaannĩk ĩhõõggõ hõdõõkõthĩ.

Dtiicanĩ cĩg ꞌThooyyiahu 2:42

Nẽ baa alliman ꞌthooyyiaha ĩhõõggõ nẽ ũrũmtĩ hõdẽĩ, hĩ eeta cĩg halang hõdẽẽthõng. Aggatan ũbũnĩ buúk nẽ alayyio hõdẽĩ.

Dtiicanĩ cĩg ꞌThooyyiahu 26:22

Nẽẽthĩ, hĩĩ kõr hĩ niccieeni, ẽẽlla nganĩĩt Nyekuci, hillimman eet ꞌcĩg kidicig hĩ ꞌcĩg makatĩg. Baa haduhaahi ĩhõõggõ thõõth baa aduha põrõvẽtaaꞌnya hĩ Mũũꞌtha diooni, aĩ aku hatĩ edeeꞌnyia.

ꞌRooma 11:22

Nẽẽthĩ hoti ho, ummuhit tarbalꞌthẽẽt hĩ kõmĩĩth cĩ Nyekuci. Kõmĩĩth hĩ eet ꞌcĩg etteedito looc, nẽẽthĩ tarbalꞌthẽẽt hĩ ngagiita, hatĩ aallannu niig tarbalꞌthẽẽtaa cĩnnĩ. Má aitiõõ, occa hinnia hatĩ eꞌngeddoothiku niig buúk tuu.

ꞌRooma 2:13

Hĩnĩngĩtĩ hõllõngaa eet ꞌcĩg athĩhĩ nyattal ꞌcĩg aũlan thõõth cĩnĩĩng muumaa cĩ Nyekuci, nẽẽthĩ hinnia eet ꞌcĩg aꞌthũũnnĩ nyattal dioo ꞌcĩg hatĩ adukiaa aĩ, ĩĩn eet ꞌcĩg abũnnaa.

ꞌRooma 7:12

Nga aalla ẽllẽẽmĩth nyattalĩ nẽ ẽllẽẽm tilooiniti cĩnnĩ buúk, aũlanĩ nẽ ũbũna.

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

2 Korinthia 13:5

Iiyyielit eleeti cugguung hátĩ ummuddia, má aꞌnyaku lemiinit cĩ Krĩstõ ꞌcĩ ĩĩn dĩdĩ. Ĩttĩmanit eleeti cugguung nẽ má ĩllõõattu ꞌtĩmman icci, ammũdaannu hatĩ ngaatĩ aayyi Yeesu Krĩstõ hĩ ngagiita nẽ má hõllõngaa aaĩ Krĩstõ hĩ ngagiita, udhuktaau thĩ ꞌthẽk niig ꞌtĩmman icci.

ꞌGalaaꞌthia 2:4

Baa hooyyia naag ꞌJeruꞌthalẽma, hĩnĩngĩtĩ eet ꞌcĩg õõlõng aĩ, hĩĩgĩnna lemmiook nẽ ĩnĩktaaheet hĩ hoppoccwaana ꞌcĩg au orootteet aĩ, haggamtaeetu thõõth ꞌcĩ haattiyyia lõꞌngõõc thõõthaa cĩ Yeesu Krĩstõ, adiim aarreet hĩĩtta appahacaaꞌnya cĩggĩĩng.

ꞌGalaaꞌthia 5:1

Nẽẽthĩ ꞌyioko, õõgaeet ngagĩĩt Yeesu Krĩstõ haaut lõꞌngõõc. Nẽ tarĩ, uꞌthuutti thõõth ꞌcĩ aattiyyu lõꞌngõõc ko jurrung, ma nga hĩĩgĩnnu appahacaaꞌnya cĩg nyattal cĩ Mũũꞌtha tarĩ.

ꞌGalaaꞌthia 6:2

Eellio nyaagwaana hatĩ adĩddĩngĩĩ thooꞌthioha nẽ ꞌgõõlaa cĩ, adĩmannu thooꞌthiok ꞌcĩg õthõõth nyattalĩ cĩ Yeesu Krĩstõ.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

1 Timotteeo 2:15

Nẽẽthĩ, ẽẽla hatĩ Nyekuci ngaaĩ hittirria lõhõlĩ, hatĩ aꞌthũũnnĩ nẽẽg lemiinit cĩnĩĩng hĩ mĩnnan hĩ ꞌlẽẽmĩth hĩ ngaatĩ aattiyyi jurrung.

1 Timotteeo 4:16

ꞌThũũtĩ authet cĩ rũgẽt cunni hĩ thõõth ꞌcĩ allimaneehi eet jurrung! Ala dĩman thooꞌthiok iccig jurrung, hĩnĩngĩtĩ má aꞌthũũnnĩ, ẽẽla hatĩ ẽlẽ cunni nẽ hatĩ ẽẽla eet ꞌcĩg athikni nganiit buúk.

Ebereei 12:15

Uꞌthuutti eleeti cugguung, hátĩ hiittiõõ ẽẽtĩ ꞌcĩ abacĩ bũnnai ꞌcĩ ẽllẽẽmĩth cĩ Nyekuci tõõ. Ma haaꞌnyiku eet umwa hĩlĩĩlĩ nẽ ĩkõõthahuung thooꞌthiok ꞌcĩg abathĩ.

ꞌJeemith 2:12

Othoothit nẽ idticattu thooꞌthiok hĩ eeta ꞌcĩg hatĩ etteedothoothĩk thooꞌthioha nyattaalaa ꞌcĩ õõga eet haauto lõꞌngõõc,

1 Pẽẽtũrũ 2:16

Hĩnĩngĩtĩ õõgtau niig aauttu lõꞌngõõc, nẽẽthĩ, nga iiginnu appahacaaꞌnya cĩg Nyekuci noho, nẽẽthĩ, ma hadticaniinnu thõõth ꞌcĩ ooggiannu aaut lõꞌngõõc ko, ĩdĩmattĩ thooꞌthiok ꞌcĩg abathĩ.

1 Yõaannẽ 2:24

Aallattia ummuhit nyeemuut baa athiknu ĩĩcĩ oou nẽ hatĩ ũrũmteeu hõdẽĩ hõdõõkõthĩ ꞌthinneetinitõõ hĩ Ngeertĩ Nyekuci hĩ Maaꞌnyĩ buúk.

Terethiinit 14:13

Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”

Terethiinit 22:14

“Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.