ꞌJeemith 1:22 - ꞌBuuk cĩ Thõõth cĩ Nyekuci

²² Nẽẽthĩ, ma hathiknu thõõth cĩ Nyekuci thõng diooni. Adiim adĩmannu thõõth ꞌcĩ adukiaa ho. Má aitiõõ hõllõngaa adĩmannu, iggoollu hinnia eleeti cugguung haaga.

ꞌJeemith 1:22 ပူးပေါင်းရင်းမြစ်များ

Maatteeo 12:50

Hĩnĩngĩtĩ ẽẽtĩ ꞌcĩ adĩman thõõth cĩ Baaba caannĩ cĩ hẽẽtkujjieen, ĩĩn morwahit caannĩ hĩ ꞌgõtõna hĩ ngõõna caannĩ.”

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

ꞌLuuka 11:28

Ẽdẽcĩ hinnia Yeesu anneek, “Aꞌnyĩĩk haggatattĩ eeta ꞌcĩg athĩhĩ thõõth cĩ Nyekuci nẽ elemita.”

Yõaannẽ 13:17

Iita ꞌyioko agayyu niig thooꞌthiok iccig nẽ aggatannuung hatĩ Nyekuci hatĩ adticannu ĩhõõggõ.

ꞌRooma 2:13

Hĩnĩngĩtĩ hõllõngaa eet ꞌcĩg athĩhĩ nyattal ꞌcĩg aũlan thõõth cĩnĩĩng muumaa cĩ Nyekuci, nẽẽthĩ hinnia eet ꞌcĩg aꞌthũũnnĩ nyattal dioo ꞌcĩg hatĩ adukiaa aĩ, ĩĩn eet ꞌcĩg abũnnaa.

1 Korinthia 15:33

Ma haggiiꞌthu eleeti cugguung haaga noho. Ẽꞌthẽcannuung hatĩ ngagiit ꞌgoonogu ꞌcĩg abathĩ.

1 Korinthia 3:18

Ma higgoollu eleeti. Má aĩ eet umwaa heggeenyi, hĩnĩngĩtĩ thõõth cĩ looc nicci, aꞌnyĩĩk hĩĩ ꞌgiiꞌthiahit, hátĩ hikia hẽggẽẽny.

1 Korinthia 6:9

Hõllõngaa nooyyia agayyu niig aĩ, hõllõngaa hatĩ arigith eeta ꞌcĩg ĩĩn ꞌthẽccanniook habuccieet cĩ Nyekuci? Ma higgoollu eleeti! Aitiõõ hatĩ eeta ꞌcĩg adĩman thooꞌthiok ꞌcĩg ĩĩn ꞌriiring, hode eeta ꞌcĩg ala nyekuꞌnya ꞌcĩg hõllõngaa ĩĩn dĩdĩ, hode eeta ꞌcĩg attik ngaaĩ ꞌcĩg ꞌrĩĩng, hode ꞌwuaangiak ꞌcĩg maacĩg hode eet ꞌcĩg attik ꞌgõõnõgĩ ꞌcĩg maacĩg,

ꞌGalaaꞌthia 6:3

Má ammuk ẽẽtĩ umwaa aĩ hĩllõõani ꞌgõõnõgĩ nẽ hõllõngaa ĩllõõan buúk, ĩggõõl eet tĩho ẽlẽ cĩnnĩ.

ꞌGalaaꞌthia 6:7

Ma higgoollu eleeti cugguung ẽmmẽn. Aitiõõ ẽẽtĩ ꞌcĩ occa aggiith Nyekuc tõõ, hĩnĩngĩtĩ ajana hatĩ ẽẽtĩ ꞌgii ꞌcĩ baa ꞌthẽk athacĩ nẽẽnĩ.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

Kolooꞌthe 3:17

Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.

2 Timotteeo 3:13

Nẽ eeta ꞌcĩg ẽꞌngẽjĩ ooti hĩ ꞌcĩg õõlõng aĩ hagayyia thõõth nẽ hõllõngaa aga dĩdĩ buúk ko, au hatĩ abathoothi nẽẽg gẽrrẽẽt, ĩggõõl ꞌgõõnõgĩ nẽ ĩggõõl eeta ĩhõõggõ buúk.

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

ꞌJeemith 1:26

Má ammuk eet umwaa aĩ hĩĩnĩ eet cĩ Nyekuci nẽ õthõõth tahatak, ĩggõõl nẽẽ ẽlẽ cĩnnĩ nẽ iittiõõ hõllõngaa adticanni thõõth cĩ Nyekuci hĩ ĩnõõnnõ.

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.

ꞌJeemith 4:17

Nẽẽthĩ, ẽẽtĩ ꞌcĩ aga thõõth ꞌcĩ abũnnaa ꞌcĩ occa adĩman nẽ hõllõngaa adĩmanĩ, ĩĩn ꞌthẽccannioohit.

2 Pẽẽtũrũ 2:13

Acuddiaa hatĩ nẽẽg, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽg ko. Aangal nẽẽg ngaatĩ adĩmanĩ karramẽẽt nẽ ĩdĩmanit thooꞌthiok ꞌcĩg ĩĩn ꞌriiring waath ꞌcĩg abũraneek eleeti cĩggĩĩng. Ĩĩn nẽẽg eet ꞌcĩg aꞌnyahaakuung ngagiit thooꞌthiok ꞌcĩg abathĩ hõrggẽẽnaa cunuung.

1 Yõaannẽ 1:8

Má haĩ naag nga hẽꞌthẽcattõ, hĩggõõl naag eleeti cĩggaac thõng, nẽ aitiõõ thõõth ꞌcĩ ĩĩn dĩdĩ ꞌthinneetinii cĩggaac tõõ.

1 Yõaannẽ 2:3

Má hathĩhĩ naag tilooinit cĩ Nyekuci jurrung, haga naag ngaatĩ hagaĩ ĩnõõnnõ dĩdĩ.

1 Yõaannẽ 3:7

Niig lohollia, ma haaꞌnyiku eet umwa higgooluung thõõthaa cĩ. Ma adĩman eeta thõõth ꞌcĩ aũlanĩ, ẽtẽrꞌtha thõõth tĩho aĩ, ĩĩn nẽẽg eet ꞌcĩg abũnnaa, hĩcĩ abũnnaa Krĩstõ.

3 Yõaannẽ 1:11

ꞌGõõna cĩ ꞌthĩnĩtõ, ma hĩthakꞌtha thooꞌthiok ꞌcĩg abathĩ ꞌcĩg adĩman eeta ũgẽẽgĩ! Nũũ terethiinit cĩ eet ꞌcĩg adĩman thooꞌthiok ꞌcĩg abũnnaa diooni. Gaooth ĩĩ, eeta ꞌcĩg adĩman dtiicanĩ ꞌcĩg abũnnaa, ẽtẽrꞌtha nẽẽg ngaatĩ ĩĩnnĩ lõhõlĩ cĩg Nyekuci. Nẽ eeta ꞌcĩg adĩman thooꞌthiok ꞌcĩg abathĩ, ẽtẽrꞌtha nẽẽg ngaatĩ nga hagayyi nẽẽg Nyekuc.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 22:7

“Ĩcĩnĩt nõõnĩ! Haini naa hakuu hatĩ hĩdĩĩkoothong! Aggatan hatĩ Nyekuci eet ꞌcĩg athĩhĩ nẽ uꞌthuutti thõõth ꞌcĩ aduha ꞌbuuhi ciee ho!”