ꞌJeemith 1:19 - ꞌBuuk cĩ Thõõth cĩ Nyekuci

¹⁹ ꞌGotoonoga hĩ ngoonoga, ĩthĩhĩt thõõth icci, aꞌnyĩĩk eet hõdẽĩ hõdẽĩ hĩthĩktõ hĩdĩĩkoothong nẽ ma hothooꞌthu hĩdĩĩkoothong nẽ ma haliilliyyu hataman.

ꞌJeemith 1:19 ပူးပေါင်းရင်းမြစ်များ

Maatteeo 5:22

Nẽẽthĩ, haduhaakuung dĩdĩ, má aliilliku niig eet umwa, ooyyu hatĩ lokihooa. Nẽ tarĩ, má akanneeku eet umwa ꞌgiithẽnĩt, occa hatĩ ammũdaannu niig bathi ꞌcĩ ooyyu lokihooa. Má ainnu ĩĩn eet umwaa ꞌgiimwa haaga, obokii hĩ ngagiit ꞌgwaa ꞌcĩ aalla ũdũt.

Maarko 12:37

Má nõõ aũ Daavide dẽẽdẽ ĩnõõnnõ anneek, ‘Makayyioohit,’ nẽ occa hatĩ ĩĩn Krĩstõ Ngeertĩ Daavide hutuno?” Nẽ tarĩ baa accamana eeta ꞌcĩg mẽẽlĩg ĩnõõnnõ nẽ ĩthĩhĩt thõõth cĩnnĩ ho taliitta.

Maarko 2:2

Nĩngĩtĩ allũnganniaanĩ eeta ꞌcĩg mẽẽlĩg auuni hĩbbĩt ꞌcieeth hõdõlan hattũũg, hiittiõõ nĩngĩtĩ idiongan tõõ. Nẽ ikia illimaneek Yeesu ĩhõõggõ thõõth cĩ Nyekuci.

ꞌLuuka 15:1

Kõr umwa, baa alũtoothĩk eeta ꞌcĩg alũt occoro hĩ ꞌthẽccanniook Yeesu, hátĩ hĩthĩhĩt ꞌlimman cĩnnĩ.

ꞌLuuka 19:48

Nẽẽthĩ, baa aꞌnyaman ĩhõõggõ ꞌgõõl ꞌcĩ occa aruhi, hĩnĩngĩtĩ baa aalla eeta vẽlẽk nĩngaata athĩhĩ ĩnõõnnõ.

Dtiicanĩ cĩg ꞌThooyyiahu 1:15

Ma waathinniook nicciag, ĩtĩnga Pẽẽtũrũ hõrggẽẽnaa cĩ nuyyiook cĩg Yeesu vẽlẽk ꞌcĩg baag ĩĩn ꞌmiia hõdẽĩ hĩ hẽẽn ꞌramma,

Dtiicanĩ cĩg ꞌThooyyiahu 10:33

Nĩngĩtĩ hĩthõõanĩĩ eet hĩdĩĩkoothong nẽ abũnnaa gẽrrẽẽt ngaatĩ akuuni. Nẽẽthĩ ꞌyioko, hattiyyia naag vẽlẽk ngaati muumaa cĩ Nyekuci, hĩthĩkta thooꞌthiok ꞌcĩg anneeki nganiit Makayyioohiti duhaaheet ngagĩĩta.”

Dtiicanĩ cĩg ꞌThooyyiahu 13:48

Ma baa athĩhĩ eeta ꞌcĩg hõllõngaa ĩĩn ꞌJudeei nyeemuut icci ho, iita accamattoothĩk gẽrrẽẽt nẽ ubuluthit thõõth cĩ Makayyiookto. Nẽ eeta vẽlẽk ꞌcĩg baag ẽbẽra rũgẽt ꞌcĩ aalla ũdũt, elemit Makayyioohit Yeesu.

Dtiicanĩ cĩg ꞌThooyyiahu 17:11

Baa abũnnaa eeta cĩg Berea hĩllõõanit cĩg Tẽꞌthaloonika nẽ baa accamana nyeemuut gẽrrẽẽt. Korrioohĩ vẽlẽk, agiil nẽẽg ꞌBuuk cĩ Nyekuci, hátĩ hummuddia hatĩ ĩĩn thooꞌthioha ꞌcĩg aduha Paaulo ho dĩdĩ.

Dtiicanĩ cĩg ꞌThooyyiahu 2:42

Nẽ baa alliman ꞌthooyyiaha ĩhõõggõ nẽ ũrũmtĩ hõdẽĩ, hĩ eeta cĩg halang hõdẽẽthõng. Aggatan ũbũnĩ buúk nẽ alayyio hõdẽĩ.

Eevvetho 4:26

Ma haaꞌnyĩku liilii hĩĩnanaahuung ꞌthẽccan. Ma hooyyu ũꞌnyaahĩ lĩĩlĩẽẽtta,

Eevvetho 4:31

Ũtũngteek tõngõrõrẽẽꞌthĩt hĩ liilii hĩ ngoongoi hĩ jore hĩ thõõth ꞌcĩ othooꞌthu ꞌgoonogu ꞌbuth hĩ thooꞌthiok vẽlẽk ꞌcĩg abathĩ.

Kolooꞌthe 3:15

Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.

Kolooꞌthe 3:8

Nẽẽthĩ ꞌyioko, ũtũbũrĩt thooꞌthiok ꞌcĩg aattĩg hĩ cieegi. Liilii hĩ ngaatĩ aaburreeku ꞌgoonogu nẽ ĩdĩmattu thooꞌthiok ꞌcĩg abathĩ hĩ ngaatĩ addangaaku eet ũgĩ, hĩ ngaatĩ othooꞌthu thooꞌthiok ꞌcĩg abathĩ.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

ꞌJeemith 1:16

ꞌGotoonoga hĩ ngoonoga, ma haaꞌnyiku eet umwa higgooluung ngagiita.

ꞌJeemith 1:2

ꞌGotoonoga hĩ ngoonoga, má attĩmaniinnu niig ꞌgoolliohĩ cũũmõ cũũmõ, aanytĩk hĩĩ ꞌgõõl ꞌcĩ occa accamanoothiku niig gẽrrẽẽt.

ꞌJeemith 1:26

Má ammuk eet umwaa aĩ hĩĩnĩ eet cĩ Nyekuci nẽ õthõõth tahatak, ĩggõõl nẽẽ ẽlẽ cĩnnĩ nẽ iittiõõ hõllõngaa adticanni thõõth cĩ Nyekuci hĩ ĩnõõnnõ.

ꞌJeemith 2:1

ꞌGotoonoga hĩ ngoonoga, hĩcĩ hẽlẽmĩ naag Makayyioohit cĩnaac Yeesu Krĩstõ ꞌcĩ abuli ho, ma hahallu eeta.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

ꞌJeemith 3:10

Aku dĩhĩthẽẽnĩtĩ hĩ ꞌcĩĩnẽnĩt ũtũũga hõdẽẽthõng. ꞌGotoonoga hĩ ngoonoga, occa hõllõngaa aaĩ noho.

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.

ꞌJeemith 5:12

ꞌGotoonoga hĩ ngoonoga, thooꞌthiohĩ vẽlẽk, ma habũtannu ꞌthaarĩĩ cĩg hẽẽtkujjieen hode ĩcĩg looc nicci hode ĩcĩg ꞌgiimwa. Udukta thõõth ꞌcĩ aĩ eei hode aitiõõ, hátĩ hiittiõõ hõllõngaa ẽꞌthẽcannu hode etteedoothĩkuung hinnia hatĩ thõõtha.

ꞌJeemith 5:19

ꞌGotoonoga hĩ ngoonoga, má baa arahan eet umwaa hõrggẽẽnaa cunuung thõõthaa ꞌcĩ ĩĩn dĩdĩ, immiirria ĩnõõnnõ.

1 Yõaannẽ 2:21

Nẽẽthĩ hoti ho, hõllõngaa hẽhẽẽdakuung naa ngagiit waraga icci, hĩnĩngĩtĩ hõllõngaa agayyu niig thõõth ꞌcĩ ĩĩn dĩdĩ. Nẽẽthĩ, hẽhẽẽdakuung, hĩnĩngĩtĩ agayyu thõõth ꞌcĩ ĩĩn dĩdĩ hĩcĩ ĩĩn õlõng nẽ tarĩ, agayyu ngaatĩ hõllõngaa akuuni thõõth ꞌcĩ ĩĩn dĩdĩ thõõthaa ꞌcĩ ĩĩn õlõng.