ꞌJeemith 1:17 - ꞌBuuk cĩ Thõõth cĩ Nyekuci

¹⁷ Aku ꞌbaaniniti ꞌcĩ abũnnaa ꞌcĩ tẽllĩ hẽẽtahujjieen hĩ Baangeet ꞌcĩ ẽhẽnyta lanyit cĩ hẽẽtkujjieen, aalla nẽẽ hõdõõkõthĩ ꞌgõõla hõdẽẽthõng nẽ hõllõngaa ũũkcĩ hĩ ꞌriiyyiẽta.

ꞌJeemith 1:17 ပူးပေါင်းရင်းမြစ်များ

ꞌThianaattõ 41:16

Ẽdẽcĩ Yothebo habu anneek, “Hõllõngaa nganĩĩt ꞌcĩ hẽbẽanaakii thõõth icci ho. Nyekuc ꞌcĩ hatĩ ẽbẽanaaki thõõth cĩ honoothi cunni ho.”

Maatteeo 7:11

Má agayyu niig tananga abaꞌthu, ngaatĩ aaꞌnyiku lõhõlĩ cugguung ꞌbaaninit ꞌcĩ abũnnaa, ĩĩn occa hatĩ ꞌbaaniniti ꞌcĩ aaꞌnyĩk Maaꞌnyu cĩ aaĩ hẽẽtahujjieen eet ꞌcĩg ajin ĩnõõnnõ hutuno?

ꞌLuuka 11:13

Ma agayyu niig ngaatĩ aaꞌnyiku lõhõlĩ cugguung hẽlẽggĩ ꞌcĩg abũnnaa tananga iiginnu ꞌthẽccanniook, ma ꞌthẽk hinnia Maaꞌnyu cĩ hẽẽtkujjieen, aaꞌnyĩk hatĩ nẽẽ eet ꞌcĩg ala ĩnõõnnõ Lori ꞌcĩ Ẽllẽẽmĩth tabattĩ thõng?”

Yõaannẽ 1:9

Lanyit ꞌcĩ ĩĩn dĩdĩ, ꞌcĩ aku aara hĩ eet vẽlẽk ko, aku hĩ eet loota nĩnga.

Yõaannẽ 3:27

Ẽdẽcĩ Yõaannẽ ĩhõõggõ anneek, “Aitiõõ ẽẽtĩ ꞌcĩ occa ammũda ꞌgiimwa, hatĩ nga hẽlẽmaahĩ Nyekuci ĩnõõnnõ hũũk hẽẽtahujjieen.

Yõaannẽ 3:3

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

Yõaannẽ 8:12

Ma baa othooꞌthio Yeesu hĩ eet tarĩ, ikia ĩĩnnĩk nẽẽ ĩhõõggõ, “Hĩĩnĩ naa lanyit cĩ looc vẽlẽk. Ẽẽtĩ ꞌcĩ anũyya nganĩĩta, aitiõõ hatĩ nẽẽ hõllõngaa õvvõ muguratõõ, ammũda hatĩ nẽẽ lanyit cĩ rũgẽtõ.”

Dtiicanĩ cĩg ꞌThooyyiahu 11:18

Ma baa athĩhĩ eeta ꞌcĩg etteeddi eleeti thõõth icci õthõõth Pẽẽtũrũ ho, iittiõõ hõllõngaa ẽppẽhanõõ nẽ iꞌthiattaaĩ ubuluthit Nyekuc. Baa aĩ nẽẽg, “Ikia aaꞌnyĩk Nyekuci eet ꞌcĩg hõllõngaa ĩĩn ꞌJudeei, hũtũngteek ꞌthẽccanẽẽt cĩggĩĩng nẽ aaꞌnyĩk ĩhõõggõ rũgẽt ꞌcĩ aalla ooo!”

Dtiicanĩ cĩg ꞌThooyyiahu 5:31

Õdõng Nyekuci ĩnõõnnõ nẽ aarĩk attiaa cĩnnĩ ĩcobbi, hĩĩ habu hĩ Ellioohit hẽlẽmaahĩ eet cĩg Ĩꞌthĩraẽlĩ hũtũngteek ꞌthẽccanẽẽt hatamaatĩk Nyekuci ĩhõõggõ.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

1 Korinthia 4:7

Ne ꞌcĩ ẽllẽẽmĩth hĩ ngagiit gẽrrẽẽt ko? Ne ꞌcĩ aꞌnyaku niig ꞌcĩ baa nga haaꞌnyĩhoothĩhuung ko? Nẽ má baa aaꞌnyĩhoothĩhuung ngagiit ꞌgii tĩho nẽ occa athĩngõõnyannu niig hutuno?

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 2:8

Baa eelliannu niig, hĩnĩngĩtĩ elemmu Nyekuc ꞌcĩ aꞌthũũnneet ngagĩĩt jurrung, hĩllõõan ꞌgii ꞌcĩ hadiim naaga. ꞌBaaninit cĩ Nyekuci hĩ ngagiit cieeni nẽ hõllõngaa ĩĩn ꞌgiimwa ꞌcĩ baa adĩmannu niig ẽmmẽn.

Pilippi 1:29

nẽ aggatanuunga. Hõllõngaa aggatannuung, hĩnĩngĩtĩ aꞌnyaku niig lemiinit hĩ Krĩstõ diooni, nẽẽthĩ, aggatannuung, hĩnĩngĩtĩ accananiinnu niig buúk, hĩnĩngĩtĩ ĩnõõnnõ.

1 Timotteeo 6:16

Ĩnõõnnõ dioo ꞌcĩ arũgĩ ũdũt, aaĩ nẽẽ lanyitatõõ ꞌcĩ hõllõngaa occa õdõlan ẽẽtĩ umwaa hõbõktõ. Nga hĩcĩn eet umwaa Nyekuc nẽ aitiõõ hatĩ eet umwaa ꞌcĩ acĩn ĩnõõnnõ ũdũt tõõ. Hĩdĩhĩthĩt Nyekuc, aalla hatĩ makaaꞌthĩt cĩnnĩ ooo, Aamẽn!

Ebereei 13:8

Aitiõõ Yeesu Krĩstõ hõllõngaa ẽgẽẽranni. Aaĩ nẽẽ baalõ hĩ kõr nicci nẽ aalla ooo.

ꞌJeemith 1:5

Má adiim eet umwaa hõrggẽẽnaa cunuung ꞌgẽẽnyĩth, aꞌnyĩĩk hala Nyekuc ꞌcĩ aaꞌnyĩk eet vẽlẽk ꞌgẽẽnyĩth ꞌthĩnĩtaa ꞌcĩ alalĩ nẽ hõllõngaa eggerꞌnyeek eet umwa, nẽẽthĩ hatĩ aaꞌnyĩhoothĩk ĩnõõnnõ.

ꞌJeemith 3:15

Hĩnĩngĩtĩ hõllõngaa aku iniaani hĩ muruꞌthẽẽt ꞌgẽẽnyĩthaa cĩ Nyekuci. Ĩĩn nẽẽg hẽlẽggĩ cĩg lootu nẽ ĩĩn cĩg habu cĩ loriẽẽt ꞌcĩg abathĩ.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

1 Yõaannẽ 1:5

Nyeemuut baa hathĩkna naag hĩ Yeesu cieeni nẽ ꞌyioko, huduktaahuung ngagiit hĩĩttĩhuung, ĩĩn Nyekuci lanyit nẽ aitiõõ muguuri umwaa hĩ ĩnõõnnõ tõõ ũdũt.

1 Yõaannẽ 4:10

Mĩnnan ꞌcĩ ĩĩn dĩdĩ ꞌcĩ ammĩnnaneet Nyekuci ngagĩĩt, ngaatĩ ĩꞌthõõanĩ Ngeerĩnĩ ꞌcĩ odoyyi hikia hĩĩ ꞌgaarrieenit ꞌcĩ attik ꞌthẽccanẽẽt cĩggaac battaala, hõllõngaa hĩnĩngĩtĩ hammĩnan naag Nyekuc.

Terethiinit 21:23

Nẽ aara ꞌtaaũnĩ vẽlẽk thõng. Aitiõõ eeta hõllõngaa atab kõr hode nyĩlõk, hĩnĩngĩtĩ aara bulẽẽnĩtĩ cĩ Nyekuci ꞌtaaũn vẽlẽk nẽ Mĩꞌnyõõn ꞌcĩ ĩĩn lanyit.

Terethiinit 22:5

Iittiõõ hatĩ hõllõngaa adiim eeta kõr, hode ꞌgiimwa ꞌcĩ attũllẽẽnĩ, hĩnĩngĩtĩ iittiõõ hatĩ baalini tõõ. Makayyioohit Nyekuc dioo ꞌcĩ hatĩ ikia ĩĩ lanyit cĩnĩĩng nẽ hatĩ ĩĩtõ nẽẽg makayyiook hĩ Nyekuc ooo.