ꞌJeemith 1:16 - ꞌBuuk cĩ Thõõth cĩ Nyekuci

¹⁶ ꞌGotoonoga hĩ ngoonoga, ma haaꞌnyiku eet umwa higgooluung ngagiita.

ꞌJeemith 1:16 ပူးပေါင်းရင်းမြစ်များ

Maatteeo 22:29

Ẽdẽcĩ Yeesu anneek, “Ẽꞌthẽcattu nĩngaata, hĩnĩngĩtĩ nga agaac niig ꞌBuuk cĩ Nyekuci hode makaaꞌthĩt cĩnnĩ.

Maarko 12:24

Baa hinnia ẽdẽcĩ Yeesu Thadutheei tĩko anneek, “Ẽꞌthẽcannu niig, hĩnĩngĩtĩ hõllõngaa agayyu thõõth ꞌcĩ eheeddi ꞌBuuhaa cĩ Nyekuci nẽ tarĩ hõllõngaa agayyu ꞌtirrian cĩ Nyekuci.

Maarko 12:27

Ĩĩn nẽẽ Nyekuc cĩ eet ꞌcĩg arũgĩ, hõllõngaa cĩ daakiahu. Nẽ aitiõõ niig hõllõngaa athiknu thõõth icci jurrung!”

Dtiicanĩ cĩg ꞌThooyyiahu 1:15

Ma waathinniook nicciag, ĩtĩnga Pẽẽtũrũ hõrggẽẽnaa cĩ nuyyiook cĩg Yeesu vẽlẽk ꞌcĩg baag ĩĩn ꞌmiia hõdẽĩ hĩ hẽẽn ꞌramma,

1 Korinthia 6:9

Hõllõngaa nooyyia agayyu niig aĩ, hõllõngaa hatĩ arigith eeta ꞌcĩg ĩĩn ꞌthẽccanniook habuccieet cĩ Nyekuci? Ma higgoollu eleeti! Aitiõõ hatĩ eeta ꞌcĩg adĩman thooꞌthiok ꞌcĩg ĩĩn ꞌriiring, hode eeta ꞌcĩg ala nyekuꞌnya ꞌcĩg hõllõngaa ĩĩn dĩdĩ, hode eeta ꞌcĩg attik ngaaĩ ꞌcĩg ꞌrĩĩng, hode ꞌwuaangiak ꞌcĩg maacĩg hode eet ꞌcĩg attik ꞌgõõnõgĩ ꞌcĩg maacĩg,

ꞌGalaaꞌthia 6:7

Ma higgoollu eleeti cugguung ẽmmẽn. Aitiõõ ẽẽtĩ ꞌcĩ occa aggiith Nyekuc tõõ, hĩnĩngĩtĩ ajana hatĩ ẽẽtĩ ꞌgii ꞌcĩ baa ꞌthẽk athacĩ nẽẽnĩ.

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Pilippi 4:1

Nẽẽthĩ hoti ho, ꞌgotoonoga hĩ ngoonoga ꞌcĩg hammĩnani, aallattia uꞌthuutti thõõth cĩ Makayyiookto jurrung. Hammĩnannuung naa ngagiit nẽ hadiimi hakuu hacinnuunga. Hirriani naa hõdõõkõthĩ nẽ hatala, hĩnĩngĩtĩ ngagiita.

Kolooꞌthe 2:4

Haduhaakuung naa thooꞌthiok iccig, hátĩ hiittiõõ ẽẽtĩ ꞌcĩ õmmõdannuung ngagiit thõõthaa ꞌcĩ aaĩ hĩcĩ ĩĩn dĩdĩ tõõ.

Kolooꞌthe 2:8

Ma haaꞌnyiku eet umwa higgooluung thooꞌthiohĩĩ ꞌcĩg hõllõngaa ĩĩn dĩdĩ. Aattĩg thooꞌthioha cĩggĩĩng ko hĩcĩ ĩĩn dĩdĩ, nẽẽthĩ, hõllõngaa occa ẽẽl eet umwa, ĩĩn nyepitee cĩnĩĩng ko ꞌcĩ aku hĩ eet ꞌcĩ holli õõ haaga. Aku nyepitee cĩnĩĩng ko ꞌgẽẽnyĩthaa cĩ looc nicci, hõllõngaa aku hĩ Krĩstõ.

2 Timotteeo 2:18

ꞌcĩg arahanit thõõthaa cĩ Nyekuci ĩcĩ ĩĩn dĩdĩ. Aĩ nẽẽg, ũrũgta eeta baag adaahito ẽlẽk. Nẽ ĩĩn thõõth ciee õlõng, ꞌcĩ ẽꞌthẽcan ooti cĩg eet ũgĩ ꞌcĩg elemit thõõth cĩ Nyekuci.

Ebereei 13:1

Aallattia ĩmmĩnanit ꞌgoonoggu haauto hĩ ꞌgotoonogu hĩ ngoonogu.

ꞌJeemith 1:19

ꞌGotoonoga hĩ ngoonoga, ĩthĩhĩt thõõth icci, aꞌnyĩĩk eet hõdẽĩ hõdẽĩ hĩthĩktõ hĩdĩĩkoothong nẽ ma hothooꞌthu hĩdĩĩkoothong nẽ ma haliilliyyu hataman.

ꞌJeemith 1:2

ꞌGotoonoga hĩ ngoonoga, má attĩmaniinnu niig ꞌgoolliohĩ cũũmõ cũũmõ, aanytĩk hĩĩ ꞌgõõl ꞌcĩ occa accamanoothiku niig gẽrrẽẽt.

ꞌJeemith 2:1

ꞌGotoonoga hĩ ngoonoga, hĩcĩ hẽlẽmĩ naag Makayyioohit cĩnaac Yeesu Krĩstõ ꞌcĩ abuli ho, ma hahallu eeta.

ꞌJeemith 2:14

ꞌGotoonoga hĩ ngoonoga, ne ꞌcĩ occa abũnnaa, hatĩ aĩ ẽẽtĩ haꞌnyahi lemiinit nẽ hiꞌthihi dtiicanĩ ꞌcĩg abũnnaa ꞌcĩg adtican nẽẽnĩ? Occa ꞌyioko ꞌthẽk ẽẽla ĩnõõnnõ lemiiniti cĩnnĩ ho?

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

ꞌJeemith 3:1

ꞌGotoonoga hĩ ngoonoga, occa hõllõngaa au ĩĩgĩnnu niig vẽlẽk ꞌlimmanniook lothippitaa cĩ lemmioohu, hĩnĩngĩtĩ, naag ꞌcĩg hallimanna eet ko, etteedothoothĩkeet hatĩ thõõth ꞌgõõlaa ꞌcĩ õkõmĩ gẽrrẽẽt.

ꞌJeemith 3:10

Aku dĩhĩthẽẽnĩtĩ hĩ ꞌcĩĩnẽnĩt ũtũũga hõdẽẽthõng. ꞌGotoonoga hĩ ngoonoga, occa hõllõngaa aaĩ noho.

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.

ꞌJeemith 5:12

ꞌGotoonoga hĩ ngoonoga, thooꞌthiohĩ vẽlẽk, ma habũtannu ꞌthaarĩĩ cĩg hẽẽtkujjieen hode ĩcĩg looc nicci hode ĩcĩg ꞌgiimwa. Udukta thõõth ꞌcĩ aĩ eei hode aitiõõ, hátĩ hiittiõõ hõllõngaa ẽꞌthẽcannu hode etteedoothĩkuung hinnia hatĩ thõõtha.

ꞌJeemith 5:19

ꞌGotoonoga hĩ ngoonoga, má baa arahan eet umwaa hõrggẽẽnaa cunuung thõõthaa ꞌcĩ ĩĩn dĩdĩ, immiirria ĩnõõnnõ.