ꞌJeemith 1:14 - ꞌBuuk cĩ Thõõth cĩ Nyekuci

¹⁴ Aku ꞌtĩmmanĩ hĩ ngagĩĩt, hĩnĩngĩtĩ thooꞌthiok ꞌcĩg abathĩ ꞌcĩg habũraneek naaga, ꞌcĩg arahanneet ngagĩĩt nẽ edettieet hẽꞌthẽcattõ.

ꞌJeemith 1:14 ပူးပေါင်းရင်းမြစ်များ

ꞌThianaattõ 3:6

Nĩngĩtĩ acĩnĩ ngaa ngaatĩ ẽllẽẽmmĩ hẽẽt ngaatĩ hacĩnĩ hĩ ngaatĩ haduhi nẽ tarĩ ummuk ngaatĩ occa ẽggẽẽꞌnyĩ haau hĩ Nyekuci. Ma ho, ũdũũca hẽẽt nẽ uduha nẽ ẽꞌngẽraak maac cĩnnĩ umwa huduk nĩngĩtĩ aduhi.

ꞌThianaattõ 6:5

Baa aga Makayyioohiti ꞌthẽccanẽẽt ꞌcĩg adĩman eeta loota nĩnga vẽlẽk nẽ aga ngaatĩ abaꞌthĩ muhẽẽnĩtĩ vẽlẽk ꞌcĩ aꞌnyak eeta ꞌthinneetinii cĩggĩĩng buúk.

ꞌThianaattõ 8:21

Ma baa õdõlan muyuuhĩ cĩ mẽdĩĩth cĩ idiꞌngwaanu Nyekuc ko, ikia atal Nyekuci, nĩngĩtĩ abũtanĩ aĩnnĩ, “Iittiõõ hatĩ naa hõllõngaa hacciini looc tarĩ, hĩnĩngĩtĩ ꞌthẽccanẽẽt cĩg eetuk. Tananga ammuk nẽẽg thooꞌthiok ꞌcĩg abathĩ ngaanĩngĩtĩ hĩdĩꞌthẽẽtõ, iittiõõ ꞌthẽk hatĩ naa hõllõngaa hacũda eet hĩ hẽlẽggĩ ꞌcĩg arũgĩ tarĩ.”

Maatteeo 15:18

Nẽ thooꞌthioha ꞌcĩg aduhaannu niiga, au ꞌthinneetinitõõ cugguung. Nẽẽthĩ, thooꞌthiok iccig ꞌcĩg aaꞌnyuung ngagiit ĩĩtõ ꞌriiring ko.

Maatteeo 15:20

Thooꞌthiok ꞌcĩg aaꞌnyĩk eet hĩĩtõ ꞌriiring ko nicciag, nẽẽthĩ, ma aduhi ẽẽtĩ nga hũtũũnyĩ, hõllõngaa occa aaꞌnyĩk ĩnõõnnõ hĩĩ ꞌriiring.”

Maatteeo 4:1

Ma baa urutaa cĩnnĩ, ũũhĩ Lorii ꞌcĩ Ẽllẽẽmĩth Yeesu horrwaa ꞌcĩ õdõhõhĩĩ kak, hũũk hĩttĩman habuui cĩ loriẽẽt ꞌcĩg abathĩ.

Maatteeo 5:28

Nẽ haduhaakuung dĩdĩ, ẽẽtĩ ꞌcĩ abũraneek ngaa umwa, ittik nẽẽ ngaa tĩho ꞌthĩnĩtatõõ cĩnnĩ ẽlẽk.

ꞌRooma 7:11

Adticaniini ꞌthẽccanĩ tilooinit cĩ Nyekuci hĩggõõlla nganĩĩta nẽ hĩnĩngĩtĩ ꞌgoolinit cĩ ꞌthẽccaanõ, hadaaha naana.

ꞌRooma 7:13

Ikia occa baa ũtũhũĩ thõõth baa abũnnaa ĩĩ daahĩth hĩ nganĩĩta? Aitiõõ tõõ! Nẽẽthĩ, hĩnĩngĩtĩ, hátĩ hagaĩ ꞌthẽccanĩ hĩĩ ꞌthẽccan dĩdĩ, ikia aꞌnyahaaha nganĩĩt daahĩth, hĩnĩngĩtĩ tilooinit ꞌcĩ abũnnaa, hátĩ hikia horoong habath ꞌthẽccanĩ ũdũt tilooitta.

Eevvetho 4:22

Udhukteek authet baalluung ꞌthẽccaneetu baa ꞌrẽẽnĩ tuu, ꞌcĩ ẽꞌthẽcan thooꞌthioha ꞌcĩg ĩĩn ꞌriiring hĩ õlõng.

Ebereei 3:13

Eellio nyaagwaana hõdõõkõthĩ hĩcĩ ꞌyioko adukiaakeet kõr nicci ho, hátĩ hiittiõõ ẽẽtĩ ꞌcĩ hatĩ ĩggõõl ꞌthẽccanĩ nẽ õkõm ngaatĩ athĩknĩ thõõth cĩ Nyekuci tõõ.

ꞌJeemith 1:13

Ma attĩmaniinnu niiga, occa aitiõõ ẽẽtĩ ꞌcĩ õthõõth aĩ, “Attĩmannaa Nyekuci nganĩĩt tõõ.” Hĩnĩngĩtĩ hõllõngaa occa attĩman ꞌThĩttaanĩ Nyekuc, hode aitiõõ Nyekuci hõllõngaa occa attĩman eet umwa.

ꞌJeemith 1:15

Nẽẽthĩ, ahĩĩnakeet thooꞌthioha ꞌcĩg abathĩ ho ngagĩĩt hẽꞌthẽcattõ nẽ ma ĩtĩlĩth ꞌthẽccanĩ ĩĩ maka, ikia ĩtĩhĩĩnaheet daahĩth.