ꞌJeemith 1:12 - ꞌBuuk cĩ Thõõth cĩ Nyekuci

¹² Aggatan Nyekuci eet ꞌcĩg aꞌnyaman ꞌtĩmman, hĩnĩngĩtĩ má ĩllõõanit nẽẽg ꞌtĩmman tĩho, ammũda hatĩ nẽẽg dũman cĩ rũgẽtõ, baa aduhaak Nyekuci eet ꞌcĩg ammĩnan ĩnõõnnõ.

ꞌJeemith 1:12 ပူးပေါင်းရင်းမြစ်များ

ꞌThianaattõ 22:1

Ma baa urutaa cĩ waathinniook ũgĩ, ikia ũtũvvũ Nyekuci Abũrahaamõ nẽ ĩttĩman ĩĩnnĩk, “Abũrahaamõ!” Ẽdẽcĩ Abũrahamĩ anneek, “Ee! Nganĩĩt cieeni!”

Luugithõõ 20:6

Nẽẽthĩ, heterꞌtheehi hatĩ naa mĩnnan caannĩ lõhõlĩ cĩg lõhõlĩ cugguung, ꞌcĩg hatĩ nga arrittiaa irkiꞌnyia aalibꞌnya hĩ aalibꞌnya ꞌcĩg ammĩnannaa nganĩĩt nẽ ĩthĩhĩt tilooinit caannĩ.

Maatteeo 10:22

Aaburreekuung hatĩ eeta vẽlẽk, hĩnĩngĩtĩ nganĩĩta. Nẽ ẽẽtĩ ꞌcĩ aꞌthũũnnĩ lemiinit cĩnnĩ ĩꞌthõng dtuurnanĩt cĩ lootu, eelliaa hatĩ nẽẽnĩ.

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

ꞌLuuka 6:22

Aggatatteeu niig hatĩ aaburreekuung eeta, nẽ ibiꞌthuunga nẽ odoomtuung nẽ utuburruung aaut hĩ eeta ꞌcĩg abaꞌthu, hĩnĩngĩtĩ Ngeertĩ Eeto.

ꞌRooma 5:4

nẽ má hẽmmẽẽthĩ thõõth nẽ hokomit lemiitta, hau hatĩ hĩĩgĩn naag lõhõlĩ cĩg Nyekuci ꞌcĩg haꞌnyak muhẽẽnĩt ꞌcĩ abũnnaa cĩ elliaattõ.

ꞌRooma 8:28

Nẽ haga naag buúk haĩ hẽlẽggẽẽnnĩ vẽlẽk, adtican Nyekuci ꞌgii ꞌcĩ abũnnaa, hĩnĩngĩtĩ eet ꞌcĩg ammĩnan ĩnõõnnõ, baag avvaa tabiittaa cĩnnĩ.

1 Korinthia 2:9

Nẽẽthĩ, hĩcĩ eheeddi ꞌBuuhaa cĩ Nyekuci aĩ, “ꞌGii ꞌcĩ baa ũkũmaneek Nyekuci hĩĩ cĩ eet ꞌcĩg ammĩnan ĩnõõnnõ, ĩĩn ꞌgii ꞌcĩ nga hĩcĩn hẽbẽrẽẽcĩ hode nga hĩthĩk ĩtatĩ. Nga haga õõ ũdũt!”

1 Korinthia 8:3

Nẽẽthĩ, ẽẽtĩ ꞌcĩ ammĩnan Nyekuc, aga Nyekuci ngaatĩ ammĩnanĩ nẽẽ ĩnõõnnõ.

1 Korinthia 9:25

Allimanni irettiooha gẽrrẽẽt, hátĩ hĩllõõanit nẽ hinnia allimanni nẽẽg nẽ umuddia ꞌbaaninit ꞌcĩ hõllõngaa aalla ũdũt, nẽẽthĩ, hallimanni naag, hátĩ hummuddia ꞌbaaninit ꞌcĩ aalla ũdũt.

2 Timotteeo 2:15

Dticcianõ gẽrrẽẽt, hátĩ ĩĩ dticciannioohit ꞌcĩ ẽlẽmĩ Nyekuci, ꞌcĩ ĩĩnĩ dticciannioohit cĩnnĩ ꞌcĩ hõllõngaa aꞌngaaõn ngaatĩ aꞌthũũnnĩ thõõth cĩnnĩ jurrung, nẽ illimaneehu eet thõõth cĩnnĩ ꞌcĩ ĩĩn dĩdĩ.

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

Ebereei 10:32

Ma hataarroꞌthu waathinniook baag oou, baag athiknu niig thõõth cĩ Yeesu, ummukta tarĩ ꞌgõõl baa elemmu niig thõõth cĩnnĩ, tananga baa hĩĩ maka pĩĩrnanĩtĩ cunuung gẽrrẽẽt.

Ebereei 11:17

Baa lemiinit ꞌcĩ aaꞌnyĩk Abũrahaamõ hittiha Iꞌthaako hĩĩ ꞌgaarrieenit, baa attĩman Nyekuci ĩnõõnnõ. Abũrahaamõ baa ũmmũda thõõth baa aduha Nyekuci ho, ikia ẽlẽm ngaatĩ ĩbbõõrĩkĩ ngeerĩnĩ ꞌcĩ odoyyii Iꞌthaako Nyekuc hĩĩ ꞌgaarrieenit,

Ebereei 12:5

Ataarrioꞌthu occa niig thooꞌthiok baag akũtannuung Nyekuci hĩ lohollia cĩgĩnnẽẽgĩ? Baa aduha nẽẽ aĩ, “Má hamaaccu tilooinit cĩ Makayyiookto, nẽ ma huunniku lemiinit hatĩ etereꞌthuung nẽẽnĩ.

Ebereei 6:15

Ma ho, ikia ẽrẽẽõ Abũrahamĩ ĩꞌthõng hikia hẽdẽẽnya Nyekuci thõõth baa aduha.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

ꞌJeemith 5:11

Hadĩhĩth naag eet baag adĩhan ꞌcannan. Ĩthĩktu niig ꞌcannan cĩ ꞌJõõbĩ nẽ icittu ꞌgii ꞌcĩ aku adĩmaneek Makayyioohiti ĩnõõnnõ uruta. Aꞌnyak Makayyioohiti tamaati cobbi.

1 Pẽẽtũrũ 3:14

Nẽẽthĩ, má occa accananiinnu niig, hĩnĩngĩtĩ adĩmannu thõõth ꞌcĩ abũnnaa, adũmannuung hatĩ Nyekuci, hĩnĩngĩtĩ thõõth tĩho. “Ma hapuppuddu hode hiꞌngollinnu thooꞌthiok ꞌcĩg occa adĩmaneekuung nẽẽg ngagiita.”

1 Pẽẽtũrũ 4:13

Accamattoothĩk ngaatĩ accananiinnu hĩ baa Krĩstõ. Akũmaneekuung hatĩ ꞌcannani ciee ngagiit umuddia taliinit ꞌcĩ maka, hatĩ õbõda nẽẽ bulẽẽttaa cĩnnĩ.

1 Pẽẽtũrũ 4:14

Nẽẽthĩ hoti ho, accamattoothĩk hatĩ odoommuung eeta, hĩnĩngĩtĩ ĩĩgĩnnu Lemmiook, hĩnĩngĩtĩ aaĩ bulẽẽnĩtĩ cĩ Lori cĩ Nyekuci hĩ ngagiita.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

1 Pẽẽtũrũ 5:4

Ma õbõda Krĩstõ tũhayyioohiti ꞌcĩ ĩĩn habu, ammũdaanu hatĩ dũman cĩ bulẽẽnĩt ꞌcĩ hõllõngaa edecciaa ũdũt.

1 Yõaannẽ 4:19

Hammĩnanõõ naag, hĩnĩngĩtĩ baa itiman Nyekuci ngaatĩ ammĩnanneet ngagĩĩt baa ĩĩcĩ oou.

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.

Terethiinit 3:19

“Hilooti naa eet ꞌcĩg hammĩnani, nẽẽthĩ ꞌyioko, ũtũngteek ꞌthẽccanẽẽt cugguung.

Terethiinit 3:21

“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ.