ꞌJeemith 1:1 - ꞌBuuk cĩ Thõõth cĩ Nyekuci

¹ Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

ꞌJeemith 1:1 ပူးပေါင်းရင်းမြစ်များ

Luugithõõ 24:4

Ma ngaati ẽtẽhẽẽd Mũũꞌtha thooꞌthiok vẽlẽk baag aduha Makayyioohiti loota. Ma baa loohoth ꞌcĩ ꞌrĩĩng, ĩtĩnga nẽẽ ẽtẽhẽny nĩngĩtĩ ĩbboorini ꞌgaarrieeniti muura uruta nẽ adaeek biyyiẽẽn õmmõtõ hĩ ꞌramma ꞌcĩg ĩthakꞌthoothĩk habucieeꞌnya õmmõtõ hĩ ꞌramma cĩg Ĩꞌthĩraẽlĩ.

Maatteeo 10:3

Pilippo hĩ Bartolomeeo, Tomaaꞌthio hĩ Maatteeo baa ĩĩn eet ꞌcĩg alũt occoro, ꞌJeemith ngeertĩ Aliveo, hĩ Tadeeo;

Maatteeo 13:55

Hõllõngaa nooyyia ĩĩn nẽẽ ngeertĩ toddoyyioohit cĩ heenu? Hõllõngaa nooyyia aattĩnnĩ Maria nẽ ĩĩtõ ꞌJeemith hĩ Yothebo hĩ ꞌThimõõnẽ hĩ ꞌJuuda ꞌgõtõõnõgĩ?

Maatteeo 19:28

Ẽdẽcĩ Yeesu ĩnõõnnõ anneek, “Eei, iittu niig vẽlẽk nuyyiook cĩgannĩg nẽ haduhaakuung dĩdĩ, ma iccioloongan Ngeertĩ Eeto dtaabawaa cĩnnĩ ĩĩcĩ bulẽẽttõ, iccioloongannu hatĩ niig buúk dtaabĩtĩĩ ꞌcĩg ĩĩn õmmõtõ hĩ ꞌramma nẽ etteeddu thooꞌthiok cĩg habuccieeꞌnya õmmõtõ hĩ ꞌramma cĩg Ĩꞌthĩraẽlĩ.

Maarko 3:18

Andrea, Pilippo, Bartolomeeo, Maatteeo, Tomaaꞌthio, ꞌJeemith ngeertĩ Aliveo, Tadeeo, ꞌThimõõnẽ baa gõõng ĩĩn ꞌThilot,

ꞌLuuka 22:30

hátĩ iita udukto nẽ uhuddieeu tẽrẽmẽẽjawa habuccieetaa caannĩ nẽ aauttu dtaabĩtĩĩ ꞌcĩg etteeddiku thõõth hattũũgẽt õmmõtõ hĩ ꞌramma cĩg Ĩꞌthĩraẽlĩ.”

ꞌLuuka 6:15

hĩ Maatteeo hĩ Tomaaꞌthio, hĩ ꞌJeemith ngeertĩ Aliveo hĩ ꞌThimõõnẽ ꞌcĩ baa haĩ ꞌThilot,

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Yõaannẽ 7:35

Nĩngĩtĩ ajinõõnĩ makayyiooha cĩg ꞌJudeei ẽmmẽn aĩnnĩ, “Õkõ occa hatĩ nẽẽ ĩĩna hanyamaneet hatĩ ngaatĩ hammũdaanĩ ĩnõõnnõ ho? Õkõ occa hatĩ looccaa cĩ ꞌGirihi, ĩĩ gõõng ĩꞌthanõthõõthĩkĩ eeta cĩggaac eetinii cĩg ꞌGirihi nẽ ũũk illiman eet cĩg ꞌGirihi?

Dtiicanĩ cĩg ꞌThooyyiahu 1:13

Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot, ꞌJuuda ngeertĩ ꞌJeemithi.

Dtiicanĩ cĩg ꞌThooyyiahu 12:17

Ma ho, othoothĩk Pẽẽtũrũ eet athĩnĩ hĩjjaaktõ nẽ ẽddẽẽbak ĩhõõggõ ꞌgõõl ꞌcĩ õõganĩ Makayyioohiti ĩnõõnnõ baabuutha ho. Nẽ tarĩ ĩĩnnĩk Pẽẽtũrũ ĩhõõggõ, “Uduktaak ꞌJeemith hĩ nuyyiook ũgĩ vẽlẽk thõõth icci.” Nĩngĩtĩ õkõõĩ nẽẽ ĩĩmwaanĩ.

Dtiicanĩ cĩg ꞌThooyyiahu 15:13

Ma baa ẽdẽcaak nẽẽg ngaatĩ õthõõthĩ ho, ĩtĩnga eet umwaa ꞌcĩ haĩ ꞌJeemith õthõõth ĩĩ, “ꞌGotoonoga hĩ ngoonoga, ĩthĩktaangu nganĩĩta.

Dtiicanĩ cĩg ꞌThooyyiahu 15:21

Hummuhuttooth baa allimanni nyattalĩ cĩ Mũũꞌtha õyõyyõr ꞌtaaũnnioohĩ irkiꞌnyia ꞌcĩg mẽẽlĩg nẽ itigiili hĩthĩhĩt eeta ꞌCieethinii cĩg Laiittak, ĩcĩg õmmõtõõnĩ eeta cĩg ꞌJudeei Korrioohĩ vẽlẽk ĩcĩg ꞌYiommaanak.”

Dtiicanĩ cĩg ꞌThooyyiahu 15:23

Baa ẽhẽẽd nẽẽg waraga ꞌcĩ aĩ, Hĩꞌthõõakuung naag ꞌthooyyiaha hĩ makayyiook ꞌthaainit ngagiit vẽlẽk eet ꞌcĩg hõllõngaa iiginnu ꞌJudeei ꞌcĩg aattiyyu Antioha hĩ loonyinii cĩg Thiiria hĩ ꞌCilicia.

Dtiicanĩ cĩg ꞌThooyyiahu 2:5

Baa ammũdeek aattĩg eeta cĩg ꞌJudeei ꞌcĩg itieelli Nyekuc ꞌcĩg allũnganniaa loonyini vẽlẽk ꞌJeruꞌthalẽma.

Dtiicanĩ cĩg ꞌThooyyiahu 21:18

Ma baa kõr ꞌcĩ ꞌrĩĩng, hookorria naag vẽlẽk hĩ Paaulo hõõt hĩcĩtta ꞌJeemith nẽ baa aattĩg makayyiooha vẽlẽk tõõ.

Dtiicanĩ cĩg ꞌThooyyiahu 23:26

ꞌThaainit ꞌcĩ aku hĩ Kalaudo Lithia, ꞌcĩ õkõ hĩ ꞌgaalac cobbi Pelicce.

Dtiicanĩ cĩg ꞌThooyyiahu 26:7

Ĩĩn ciee thõõth ꞌcĩ baa adukiaa ꞌcĩ ꞌyioko ẽrẽ habuccieeꞌnya cĩggaac ĩĩn õmmõtõ hĩ ꞌramma ho, baa adiim acĩn nẽẽg hedeeꞌnyia, hĩcĩ arrĩcana nẽẽg ngaatĩ adticanõõthĩkĩ Nyekuc waathĩn hĩ baalin. Habuu, addangaaka nganĩĩt eeta cĩg ꞌJudeei, hĩnĩngĩtĩ muhẽẽnĩt icci abũnnaa ho.

Dtiicanĩ cĩg ꞌThooyyiahu 8:1

Baa abĩlĩ ꞌThaaulo nĩngaata hĩcĩn hoddiaanĩt ꞌcĩ adaaknĩ Tẽẽvẽnõ ho. Ma kõr niccia, itigirriaak pĩĩrnanĩtĩ ꞌcĩ maka gẽrrẽẽt lothippit cĩ lemmioohu ꞌJeruꞌthalẽma. Nĩngĩtĩ ĩꞌthanõthõõthĩkĩ nuyyiooha vẽlẽk looccaa cĩ ꞌJudeea hĩ looccaa cĩ Thamaria, hidionganit ꞌthooyyiaha diooni.

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌGalaaꞌthia 1:19

Baa aitiõõ hõllõngaa homotoonna hĩ ꞌthooyyiak baag ũgĩ, ꞌJeemith dioo ꞌgõtõõnõgĩ Makayyioohit cĩnaac Yeesu, ꞌcĩ baa homotoonna.

ꞌGalaaꞌthia 2:12

Ma baa nga õdõlan Pẽẽtũrũ thõng, iita udukto hĩ Kristiaanĩt ꞌcĩg hõllõngaa ĩĩn ꞌJudeei. Ma urutaa ĩbaa iitaaĩ ꞌgõõnõgĩ ꞌJeemithi, iittiõõ Pẽẽtũrũ hõllõngaa aduhi hĩ eet ꞌcĩg hõllõngaa ĩĩn ꞌJudeei tarĩ. Baa iꞌngolli nẽẽ ꞌgõõnõgĩ ꞌJeemithi ꞌcĩg baag ara õthõõth aĩ, adiim Kristiaanĩt ꞌcĩg hõllõngaa ĩĩn ꞌJudeei hetteeddi eleeti.

ꞌGalaaꞌthia 2:9

Nẽ dĩdĩ, baa agayyi ꞌJeemithi hĩ Pẽẽtũrũ hĩ Yõaannẽ, ngaatĩ ĩĩnnĩ hitiirrwa cĩg lothippit cĩ lemmioohu. Baa agaoothi nẽẽg ꞌbaaninit baa aaꞌnya nganĩĩt Nyekuci nẽ ẽlẽmta nẽẽg nganĩĩt hĩ Baarnaba hidticattooa hõdẽĩ. Ma ho, iita ũkũtatteet nẽẽg ngagĩĩt hoottia hillimatta eet ꞌcĩg hõllõngaa ĩĩn ꞌJudeei nẽ õõt illimanit nẽẽg eet ꞌcĩg ĩĩn ꞌJudeei.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

2 Timotteeo 4:21

Tooyyia hataman, nga hõdõlaneehi tagĩĩthĩ. Ĩꞌthaayyi Eubulo hĩ Puden, hĩ Liino, hĩ Kalaudia, hĩ lemmiook vẽlẽk ꞌcĩg aattĩg ngaati.

Tiito 1:1

Waraga ꞌcĩ hẽhẽẽdakii naa Paaulo nganiit cieeni. Nganĩĩt appahaca cĩ Nyekuci nẽ hĩĩnĩ ꞌthooyyiahit cĩ Yeesu Krĩstõ. Baa hĩꞌthooyyia naa hikia hẽẽl eet baag ẽbẽra Nyekuci lemiitta hĩ ꞌgẽẽnyĩthaa cĩ thõõth ꞌcĩ ĩĩn dĩdĩ, hátĩ hiita haauto nẽẽg hĩ Nyekuci,

1 Pẽẽtũrũ 1:1

Waraga ꞌcĩ aku hĩ nganĩĩt Pẽẽtũrũ ꞌthooyyiahit cĩ Yeesu Krĩstõ cieeni. Heheedihi naa waraga icci eet ꞌcĩg ẽbẽra Nyekuci ꞌcĩg aattĩg hĩ tahana loonyinii cĩg Pontu hĩ ꞌGalaaꞌthia hĩ Kapadooccia hĩ Aaꞌthia hĩ Bithinia.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.

Terethiinit 7:4

Ma nĩngaata, hikia hĩthĩha lothippit cĩ eet ꞌcĩg amacaaranni muumti ho. Ĩĩn nẽẽg vẽlẽk aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg eberriaa hattũũgẽtĩĩ cĩg eet cĩg Ĩꞌthĩraẽlĩ.