ꞌGalaaꞌthia 6:9 - ꞌBuuk cĩ Thõõth cĩ Nyekuci

⁹ Ma haharru ngaatĩ eellu ꞌgoonogu, hĩnĩngĩtĩ ajanaannu hatĩ niig ꞌbaaninit, kõr ꞌcĩ uduhaaĩ Nyekuci, hatĩ hõllõngaa aireeku dtiic cĩnnĩ.

ꞌGalaaꞌthia 6:9 ပူးပေါင်းရင်းမြစ်များ

ꞌThianaattõ 29:7

Nĩngĩtĩ annẽẽkĩ Yakobo tũhayyiook, “Ma nga waathĩn lõõcĩ ho, eellik aꞌtha nẽ nõõ iꞌngiddieehu geyyia tarĩ.”

Maatteeo 10:22

Aaburreekuung hatĩ eeta vẽlẽk, hĩnĩngĩtĩ nganĩĩta. Nẽ ẽẽtĩ ꞌcĩ aꞌthũũnnĩ lemiinit cĩnnĩ ĩꞌthõng dtuurnanĩt cĩ lootu, eelliaa hatĩ nẽẽnĩ.

Maatteeo 24:13

Nẽẽthĩ, ẽẽtĩ ꞌcĩ ẽlẽmma nganĩĩt ĩꞌthõng decciaanĩt cĩ lootu, eelliaa hatĩnĩ.

Maatteeo 25:17

Nẽ dticciannioohiti baa aggam ꞌtalẽnꞌnya ꞌramma buúk, ũmmũda ũgĩ ꞌramma tarĩ.

Maatteeo 9:19

Nĩngĩtĩ ĩꞌngaannĩ Yeesu hĩ nuyyiook cĩgĩnnĩg nẽ ookorit hĩ eet tĩho.

Maarko 3:3

Ma nĩngaata, ikia uduhaak Yeesu eet ꞌcĩ alalliaa aꞌthiiti ho ĩĩnnĩk, “Tĩnga ꞌjieena bĩĩl hõrggẽẽna ngaatĩ acĩnni eeta vẽlẽk.”

ꞌLuuka 18:1

Nĩngĩtĩ aduhaakĩ Yeesu nuyyiook cĩgĩnnĩg thõõth ꞌcĩ awantoothĩk ko, hẽtẽrẽth ĩhõõggõ hatĩ gõõng halayyio ooo nẽ iittiõõ hõllõngaa ũũnnĩk laiinit.

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

2 Korinthia 4:1

Nẽẽthĩ, hĩnĩngĩtĩ tamaati cĩ Nyekuci, hiita hidticatta naag dtiic cĩnnĩ, ĩnõõ ꞌcĩ hõllõngaa hũũnnĩka dtiic cĩnaang ko.

2 Korinthia 4:16

Hõllõngaa haaꞌnyĩka naag ꞌthinneeti cĩggaang hupuppudit, tananga adaaknothi eleeti cĩggaang, aalla nẽẽ ittoori kõmĩĩthĩ cĩ ꞌthinneeti cĩggaang waathinnioohĩ vẽlẽk.

2 Korinthia 9:6

Ummuhuttooth thõõth umwa cieeni, ẽẽtĩ ꞌcĩ athacĩ hinyomo ꞌcĩg abadtẽc haaga, ajana hatĩ nẽẽ buúk haal ꞌcĩg abadtẽc nẽ ẽẽtĩ ꞌcĩ athacĩ hinyomo ꞌcĩg mẽẽlĩg, ajana hatĩ nẽẽ buúk haal ꞌcĩg mẽẽlĩg.

Eevvetho 3:13

Ĩnõõ ꞌcĩ occa hõllõngaa aduulẽnĩ ngagiit ꞌthinneeti, hatĩ haccanannii naa hĩnĩngĩtĩ ngagiit ko. Nẽẽthĩ nẽẽꞌthẽk, aꞌnyahaakuung hatĩ ngagiit ꞌcannani caannĩ ho bulẽẽnĩt.

2 Tẽꞌthaloonika 3:13

ꞌGotoonoga hĩ ngoonoga, ma happĩĩrnannu ngaatĩ adticannu thooꞌthiok ꞌcĩg abũnnaa ũdũt.

Ebereei 12:3

Ummuhuttooth thõõth baa ẽmmẽẽꞌthĩ Yeesu doominit ꞌcĩ õdõõmĩ eeta ꞌcĩg ĩĩn ꞌthẽccanniook ĩnõõnnõ. Nẽẽthĩ, aitiõõ hõllõngaa hatĩ appĩĩrnannu nẽ ũtũngteehu lemiinit cunuung.

Ebereei 12:5

Ataarrioꞌthu occa niig thooꞌthiok baag akũtannuung Nyekuci hĩ lohollia cĩgĩnnẽẽgĩ? Baa aduha nẽẽ aĩ, “Má hamaaccu tilooinit cĩ Makayyiookto, nẽ ma huunniku lemiinit hatĩ etereꞌthuung nẽẽnĩ.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

ꞌJeemith 5:7

ꞌGotoonoga hĩ ngoonoga, ereeyyio ĩꞌthõng hõbõda Makayyioohiti. Aaut hĩ kattiooha cĩg maneenu aag gõõng ereeyyi ĩꞌthõng hĩtĩĩl tammu nẽ tarĩ, ereeyyio ĩꞌthõng hibbiir mana.

1 Pẽẽtũrũ 2:15

Adiimmuung Nyekuci ngagiit ibilli eet ꞌcĩg õthõõth thooꞌthiok cĩg ꞌgiithẽttaak, ꞌgõõlaa ꞌcĩ adĩmannu thooꞌthiok ꞌcĩg aũlanĩ.

1 Pẽẽtũrũ 3:17

Mẽẽn ngaatĩ accananiinnu, hĩnĩngĩtĩ adĩmannu thõõth ꞌcĩ abũnnaa, hatĩ adiim Nyekuci haau noho, hĩllõõan ngaatĩ accananiinnu, hĩnĩngĩtĩ adĩmannu thõõth ꞌcĩ abathĩ.

1 Pẽẽtũrũ 4:19

Nẽẽthĩ hoti ho, má accananniinnu niig ꞌgõõlaa ꞌcĩ aaꞌnyĩk Nyekuc haccamanoothĩk, aallattia ĩdĩmanit thooꞌthiok ꞌcĩg aũlan nẽ akattu Nyekuc baa ẽhẽnytaannuung hẽbẽrĩ rũgẽtaa cunuung, hĩnĩngĩtĩ aitiõõ hatĩ nẽẽ hõllõngaa ũũnnikuunga.

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”

Terethiinit 2:3

Baa emmeeꞌthu niig thooꞌthiok nẽ accanatteeu gẽrrẽẽt, hĩnĩngĩtĩ nganĩĩta nẽ aalla nga ippiirria ũdũt.

Terethiinit 2:7

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Haaꞌnyihi hatĩ naa eet ꞌcĩg abũrĩ thooꞌthiok ꞌcĩg abathĩ, huduhit hẽẽt cĩ rũgẽtõ ꞌcĩ aaĩ õlõõ cĩ Nyekuci.”