ꞌGalaaꞌthia 6:8 - ꞌBuuk cĩ Thõõth cĩ Nyekuci

⁸ Ẽẽtĩ ꞌcĩ athacĩ hinyomo cĩg thooꞌthiok ꞌcĩg abathĩ, hĩnĩngĩtĩ abũraneek ẽlẽ cĩnnẽẽnĩ, ajana ꞌthẽk hatĩ nẽẽ bathi. Nẽẽthĩ, ẽẽtĩ ꞌcĩ athacĩ hinyomo, hátĩ hatal Lorii ꞌcĩ Ẽllẽẽmĩthĩ, ajana ꞌthẽk hatĩ nẽẽ rũgẽt ꞌcĩ aalla ooo.

ꞌGalaaꞌthia 6:8 ပူးပေါင်းရင်းမြစ်များ

Maatteeo 19:29

Ẽẽtĩ ꞌcĩ ũtũngeek õlõ cĩnnĩ hode ꞌgõtõõnõgĩ hĩ ngõõnõgĩ hode maaꞌnyĩ hĩ aattĩnnĩ, hode manẽẽn cĩgĩnnĩg, hĩnĩngĩtĩ nganĩĩta, ammũda hatĩ nẽẽ ꞌbaaninit tabattĩ ꞌmiia hõdẽĩ nẽ hatĩ ũmmũda rũgẽt ꞌcĩ aalla ooo.

Maatteeo 25:46

“Nẽ hatĩ õõt nẽẽg ukẽẽttaa cĩ ꞌgwoo ꞌcĩ aalla ooo, nẽẽthĩ, eeta ꞌcĩg abũnnaa, õõ hatĩ nẽẽg rũgẽtaa ꞌcĩ aalla ooo.”

ꞌLuuka 18:30

aaꞌnyĩhoothĩk hatĩ hẽlẽggĩ ꞌcĩg ĩllõõan loota nĩnga. Aaꞌnyĩhoothĩk hatĩ ĩnõõnnõ rũgẽtĩ ꞌcĩ aalla ũdũt hẽẽtahujjieen.”

Yõaannẽ 4:14

Nẽ ẽẽtĩ ꞌcĩ haaꞌnyihi naa maam cĩgannĩg, aitiõõ hatĩ hõllõngaa aam ĩnõõnnõ kõrra tarĩ ũdũt. Aattĩg maama cĩgannĩg ko hĩ maama ꞌcĩg ariha ũꞌngeecaa cĩ hidiowwo nẽ aaꞌnyĩk eet rũgẽt ꞌcĩ aalla ooo.”

Yõaannẽ 4:36

Tananga ꞌyioko, ummuddia janniooha ꞌbaaninit cĩnĩĩng ẽlẽk, ngaatĩ ajanaanĩ ꞌgẽẽn ꞌcĩ aꞌnyaha rũgẽt ꞌcĩ aalla ooo. Nẽẽthĩ, eeta vẽlẽk baag athacĩ hinyomo hĩ ꞌcĩg ajana ꞌgẽẽn, au hatĩ accamanoothĩk nẽẽg vẽlẽk hõdẽĩ.

Yõaannẽ 6:27

Ma harrĩcanaannu dtiic, hĩnĩngĩtĩ ꞌgẽẽn ꞌcĩ ugguba, nẽẽthĩ, ĩrrĩcatta dtiic ꞌcĩ aꞌnyak rũgẽt ꞌcĩ aalla ũdũt, ꞌcĩ hatĩ aaꞌnyuung Ngeertĩ Eeto ngagiita. Baa aaꞌnyĩk Maaꞌnyia Nyekuci ĩnõõnnõ ꞌtirrian ꞌcĩ adĩmanĩ thooꞌthiok ꞌcĩg ĩnaat eeta.”

ꞌRooma 13:14

Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

ꞌRooma 8:13

Má arũgnu niig hĩnĩngĩtĩ ꞌthẽccanẽẽt cugguung, adaaknu hatĩnĩ, nẽẽthĩ, má ũtũngteehu niig ꞌthẽccanẽẽt cĩg ẽllaak ꞌtirriaanaa cĩ Loriio, arũgnu hatĩnĩ,

ꞌRooma 8:6

Aꞌnyaha muhẽẽnĩtĩ cĩ eet ꞌcĩ ĩĩn ꞌthẽccannioohit daahĩth, nẽẽthĩ, muhẽẽnĩtĩ cĩ eet ꞌcĩ aggam Lorii, ĩĩn rũgẽt hĩ ganõn.

1 Korinthia 15:42

Aaĩ hatĩ noho hatĩ ũrũgta eleeti cĩggaac daahĩtha. Adaahĩ hatĩ eleeti cieegi, nẽẽthĩ, eleeti ꞌcĩg ũrũgta, hõllõngaa hatĩ adaahĩ tarĩ ũdũt.

ꞌGalaaꞌthia 6:7

Ma higgoollu eleeti cugguung ẽmmẽn. Aitiõõ ẽẽtĩ ꞌcĩ occa aggiith Nyekuc tõõ, hĩnĩngĩtĩ ajana hatĩ ẽẽtĩ ꞌgii ꞌcĩ baa ꞌthẽk athacĩ nẽẽnĩ.

1 Timotteeo 1:16

Nẽẽthĩ hinnia, baa aalla Nyekuci ammaannĩkaa nganĩĩt ꞌthẽccannioohit ꞌcĩ habathi noho, aĩ hátĩ hẽtẽrẽth eet ngaatĩ ẽmmẽẽꞌthĩ Yeesu Krĩstõ thooꞌthiok ooo nẽ iita elemit eeta ĩnõõnnõ, hátĩ hummuddia rũgẽt ꞌcĩ aalla ooo.

Tiito 3:7

hátĩ helemeet Nyekuci ngagĩĩt bũnnaiittaa cĩnnĩ nẽ horumwa hummuddia rũgẽt ꞌcĩ aalla ooo õlõõ cĩnnĩ.

ꞌJeemith 3:18

Ma irrioon eeta cĩg ganõõnaak ganõn, ammũda hatĩ nẽẽg bũnnai.

2 Pẽẽtũrũ 2:12

Aattĩg ꞌlimmanniooha cieeg ĩĩn oloꞌngiaak ko hĩ idiꞌngwaana cĩg moru ꞌcĩg aitiõõ muhẽẽnĩtĩ tõõ, ꞌcĩg arrittiaa, hátĩ hagamtĩ nẽ urugti thõng. Õthõõth nẽẽg thooꞌthiok ꞌcĩg abathĩ ꞌcĩg hõllõngaa aga buúk. Nẽẽthĩ, aduheek hatĩ ĩhõõggõ dtiicanĩ cĩggĩĩng ꞌcĩg abathĩ ho ẽmmẽn hĩĩtõ ꞌthĩĩ.

2 Pẽẽtũrũ 2:19

Ĩggõõl nẽẽg ĩhõõggõ anneek haaꞌnyuung aaut lõꞌngõõc nẽ ĩĩn nẽẽ nẽẽg appahacaaꞌnya cĩg ꞌthẽccaanak, hĩnĩngĩtĩ ĩĩn eeta appahacaaꞌnya cĩg hẽlẽggĩ ꞌcĩg aggam ĩhõõggõ.

ꞌJuud 1:21

Uꞌthuutti ꞌgoolliok cĩg mĩnnan cĩ Nyekuci, hĩcĩ nga ereeyyu Makayyioohit cĩnaac Yeesu Krĩstõ hẽtẽrẽtha tamaati cĩnnĩ ngaatĩ aaꞌnyuung rũgẽt ꞌcĩ aalla ooo.

Terethiinit 22:11

Ẽẽtĩ ꞌcĩ adĩman thooꞌthiok ꞌcĩg abathĩ, aꞌnyĩĩk haala hĩdĩman thooꞌthiok ꞌcĩg abathĩ noho nẽ ẽẽtĩ ꞌcĩ ara ꞌthẽccan, aꞌnyĩĩk hara ꞌthẽccan. Nẽ ẽẽtĩ ꞌcĩ adtican thooꞌthiok ꞌcĩg abũnnaa, aꞌnyĩĩk haala hĩdĩman thooꞌthiok ꞌcĩg abũnnaa nẽ aꞌnyĩĩk eet ꞌcĩ ẽllẽẽmĩth haala hẽllẽẽm ũdũt.”