ꞌGalaaꞌthia 6:3 - ꞌBuuk cĩ Thõõth cĩ Nyekuci

³ Má ammuk ẽẽtĩ umwaa aĩ hĩllõõani ꞌgõõnõgĩ nẽ hõllõngaa ĩllõõan buúk, ĩggõõl eet tĩho ẽlẽ cĩnnĩ.

ꞌGalaaꞌthia 6:3 ပူးပေါင်းရင်းမြစ်များ

ꞌLuuka 18:11

Õkõ alayyi Variꞌtheeniti ꞌjieena aĩ, ‘Nyekuc, hanneekii ĩlaallẽ, hĩnĩngĩtĩ aitiõõ naa hõllõngaa haaĩ hĩ eeta ũgẽẽgĩ. Aitiõõ naa hõllõngaa hĩgõrꞌthĩ nẽ hõllõngaa hĩĩnĩ lobolobbiaahit nẽ hõllõngaa hattihi ngaaĩ cĩg eetuk nẽ tarĩ hõllõngaa ꞌthẽk haaĩ hĩ luttioohiti cĩ occoro ho.

Dtiicanĩ cĩg ꞌThooyyiahu 5:36

Baa hũnũũk, baa aaĩ eet umwaa ꞌcĩ haĩ Theuda noho nẽ ĩĩ, hĩĩnĩ makayyioohit, nĩngĩtĩ aduknõõthĩkĩ eeta ꞌmiiaꞌnya ꞌwec thõõth cĩnnĩ. Ma ho, ikia uruhi nẽẽ hĩꞌthaattĩ nuyyiooha cĩgĩnnĩg ho hĩĩ lõõcĩ ꞌthĩĩ.

ꞌRooma 12:16

Aaut jurrung hĩ eet vẽlẽk. Ma hathĩngõõnyannu nẽ iittu eggeeꞌnyu ĩllõõannu ꞌgoonogu. Ookorrio hĩ eet vẽlẽk lõꞌngõõc.

ꞌRooma 12:3

Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

1 Korinthia 13:2

Má haꞌnyahi naa ꞌbaaninit ꞌcĩ haduhaanĩ thooꞌthiok cĩg horumwa hĩ gaiinit cĩ thooꞌthiok vẽlẽk ꞌcĩg hõllõngaa agayyi nẽ má haꞌnyahi lemiinit ꞌcĩ occa aaꞌnyĩk muurriok hõtõmõõcõ nẽ aitioonna mĩnnanĩ tõõ, hĩĩnĩ ꞌgiimwa haaga.

1 Korinthia 3:18

Ma higgoollu eleeti. Má aĩ eet umwaa heggeenyi, hĩnĩngĩtĩ thõõth cĩ looc nicci, aꞌnyĩĩk hĩĩ ꞌgiiꞌthiahit, hátĩ hikia hẽggẽẽny.

1 Korinthia 8:2

Nẽ dĩdĩ, eeta ꞌcĩg ammuk aĩ hagayyia thõõth gẽrrẽẽt, aitiõõ hõllõngaa aga thõõth vẽlẽk.

2 Korinthia 12:11

Baa haarĩha naa ẽlẽ caannĩ haau hĩ ꞌgiiꞌthiahiti nẽ baa ngagiit ꞌcĩg attĩnganeekaangu nganĩĩt hĩdĩman noho ho, hĩnĩngĩtĩ occa baa ngagiit ꞌcĩg ẽẽllaangu nganĩĩta. Tananga haau naa hĩ ꞌgiimwa haaga, habũnna hinnia naa buúk huduktooa hĩ ꞌthooyyiak ꞌcĩg tiirik ko thõng.

2 Korinthia 3:5

Aitiõõ ngagĩĩt ꞌtirriani ꞌcĩ occa haĩnna hidticatta thooꞌthiok vẽlẽk nyaagwaana tõõ. Nyekuc ꞌcĩ aaꞌnyeet ngagĩĩt makaaꞌthĩt vẽlẽk ꞌcĩ hadticanna hẽlẽggĩ vẽlẽk ꞌcĩg hadiimma hadticanna.

ꞌGalaaꞌthia 2:6

Nẽ eeta ꞌcĩg baag aattĩg hĩ makayyiooha, baa hõllõngaa haallahi naa ĩhõõggõ, hĩnĩngĩtĩ etteedĩk Nyekuci eet thõõth ꞌgoolliohĩĩ ꞌcĩg aattiyyi nẽẽgĩ nẽ hõllõngaa ĩttoorĩk nẽẽg thõõth umwa ꞌlimmaanaa caannĩ.

ꞌGalaaꞌthia 2:9

Nẽ dĩdĩ, baa agayyi ꞌJeemithi hĩ Pẽẽtũrũ hĩ Yõaannẽ, ngaatĩ ĩĩnnĩ hitiirrwa cĩg lothippit cĩ lemmioohu. Baa agaoothi nẽẽg ꞌbaaninit baa aaꞌnya nganĩĩt Nyekuci nẽ ẽlẽmta nẽẽg nganĩĩt hĩ Baarnaba hidticattooa hõdẽĩ. Ma ho, iita ũkũtatteet nẽẽg ngagĩĩt hoottia hillimatta eet ꞌcĩg hõllõngaa ĩĩn ꞌJudeei nẽ õõt illimanit nẽẽg eet ꞌcĩg ĩĩn ꞌJudeei.

2 Timotteeo 3:13

Nẽ eeta ꞌcĩg ẽꞌngẽjĩ ooti hĩ ꞌcĩg õõlõng aĩ hagayyia thõõth nẽ hõllõngaa aga dĩdĩ buúk ko, au hatĩ abathoothi nẽẽg gẽrrẽẽt, ĩggõõl ꞌgõõnõgĩ nẽ ĩggõõl eeta ĩhõõggõ buúk.

ꞌJeemith 1:22

Nẽẽthĩ, ma hathiknu thõõth cĩ Nyekuci thõng diooni. Adiim adĩmannu thõõth ꞌcĩ adukiaa ho. Má aitiõõ hõllõngaa adĩmannu, iggoollu hinnia eleeti cugguung haaga.

ꞌJeemith 1:26

Má ammuk eet umwaa aĩ hĩĩnĩ eet cĩ Nyekuci nẽ õthõõth tahatak, ĩggõõl nẽẽ ẽlẽ cĩnnĩ nẽ iittiõõ hõllõngaa adticanni thõõth cĩ Nyekuci hĩ ĩnõõnnõ.

1 Yõaannẽ 1:8

Má haĩ naag nga hẽꞌthẽcattõ, hĩggõõl naag eleeti cĩggaac thõng, nẽ aitiõõ thõõth ꞌcĩ ĩĩn dĩdĩ ꞌthinneetinii cĩggaac tõõ.