ꞌGalaaꞌthia 6:2 - ꞌBuuk cĩ Thõõth cĩ Nyekuci

² Eellio nyaagwaana hatĩ adĩddĩngĩĩ thooꞌthioha nẽ ꞌgõõlaa cĩ, adĩmannu thooꞌthiok ꞌcĩg õthõõth nyattalĩ cĩ Yeesu Krĩstõ.

ꞌGalaaꞌthia 6:2 ပူးပေါင်းရင်းမြစ်များ

Luugithõõ 23:5

Má adtuuha nii thigir cĩ eet umwa ꞌcĩ aaburreeki nganiit, õcõõd ijjio hitihiici hẽttẽẽd looc, ma hedeceehi, bĩĩl nẽ eelu ĩnõõnnõ hĩ thigir cĩnnĩ ho.

Maatteeo 8:17

Baa adticanni thõõth ciee hẽdẽcaak thõõth baa aduha põrõvẽtaacĩ Iꞌthaia aĩ, “Iiggia nẽẽ mooriꞌthiook cĩggaang vẽlẽk nẽ aaꞌnyeet ngagĩĩt hũbũttayyia.”

ꞌLuuka 11:46

Ẽdẽcĩ Yeesu anneek, “Nẽ niig eeta ꞌcĩg agayyu nyattal ko, pĩĩrnanĩt hĩ ngagiita, hĩnĩngĩtĩ ahiiccu eet thooꞌthiohĩĩ ꞌcĩg hõllõngaa ũũlũ ngaatĩ irrionganĩ nẽ hõllõngaa eellu ĩhõõggõ.

Yõaannẽ 13:34

“Nẽ haaꞌnyuung naa ngagiit tilooinit ꞌcĩ ĩĩn ngeju, ĩmmĩnanit eleeti cugguung hĩ baa hammĩnannuung naa ngagiita.

Yõaannẽ 15:12

Aaĩ thõõth ꞌcĩ haduha naa hoti. Ĩmmĩnanit ꞌgoonogu haau hĩcĩ hammĩnannuung naa ngagiita.

ꞌRooma 15:1

Má õkõmĩ lemiiniti cĩnaac, occa haꞌnyak naag ꞌthinneeti ꞌcĩg makatĩg hĩ nuyyiook cĩg Makayyiooktak ꞌcĩg hõllõngaa attiran lemiiniti cĩnĩĩng. Occa haaꞌnyĩk ĩhõõggõ haccamattoothĩk hĩllõõan ngaatĩ haaꞌnyĩkĩ eleeti cĩggaac haccamattoothĩk.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

1 Korinthia 9:21

Nẽ má harũmeenna naag hĩ eet ꞌcĩg hõllõngaa aggam nyattalĩ, hataarothi naa nyattal nẽ hũlũllũũmana ĩhõõggõ hĩĩtõ lemmiook. Nẽẽthĩ nẽẽꞌthẽk, baa nga hataaroth naa thõõth cĩ nyattal cĩ Nyekuci. Nẽ dĩdĩ, aggamma nganĩĩt nyattalĩ cĩ Krĩstõ.

ꞌGalaaꞌthia 6:5

Hadiim naag hõdẽĩ hõdẽĩ, huꞌthuutti dtiicanĩ cĩggaac.

1 Tẽꞌthaloonika 5:14

Haduhaakuung thõõthaa ꞌcĩ õkõmĩ gẽrrẽẽt hõlõ, itilooc eet ꞌcĩg ĩĩn nyamuttiook hidticattõõ hĩ eeta vẽlẽk, uduktaak teelliak hokomit ꞌthinneeti, eelit pĩĩrnattiaak nẽ ĩdĩhattu thooꞌthiok hõrggẽẽnaa cunuung.

ꞌJeemith 1:25

Nẽẽthĩ, ẽẽtĩ ꞌcĩ arrĩcanaa ngaatĩ ammũdaanĩ thõõth ꞌcĩ aduha nyattalĩ ꞌcĩ abũnnaa, baa õõga eet haauto lõꞌngõõc nẽ aala ĩdĩman thõõth icci nẽ hõllõngaa ataarrothi thõõth baa athĩhĩ nẽẽnĩ nẽ ĩdĩmana, aggatan hatĩ Nyekuci ĩnõõnnõ, hĩnĩngĩtĩ thõõth ꞌcĩ adĩman nẽẽ ho.

ꞌJeemith 2:12

Othoothit nẽ idticattu thooꞌthiok hĩ eeta ꞌcĩg hatĩ etteedothoothĩk thooꞌthioha nyattaalaa ꞌcĩ õõga eet haauto lõꞌngõõc,

ꞌJeemith 2:8

Má aꞌthuunnu niig nyattal ꞌcĩ aaddi ꞌcĩ eheeddi ꞌBuuhaa cĩ Nyekuci ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnannu eleeti cugguung,” occa thĩ adĩmannu thõõth ꞌcĩ aũlanĩ.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

2 Pẽẽtũrũ 2:21

Occa baa mẽẽn hĩ ĩhõõggõ ngaatĩ hõllõngaa agaĩ ꞌgõõl cĩ bũnnaiitto, hĩllõõan ngaatĩ au agaĩ ꞌgõõl dĩdĩ, ma uruta nẽ ũtũngĩt tilooinit ꞌcĩ ẽllẽẽmĩth baa allimanoothĩk ĩhõõggõ.

2 Pẽẽtũrũ 3:2

Hadiimmuung naa ngagiit ummuhuttooth thooꞌthiok baag aduha põrõvẽtaaꞌnya baag ẽllẽẽmĩth baag baarkit, hĩ tilooinit cĩ Makayyioohit Ellioohit cĩnaac baa allimaneekuung ꞌthooyyiaha cugguung.

1 Yõaannẽ 4:21

Nẽ aaꞌnyeet nẽẽ ngagĩĩt tilooinit icci. Eeta ꞌcĩg ammĩnan Nyekuc, aꞌnyĩĩk hĩmmĩnanit ꞌgõtõõnõgĩ hĩ ngõõnõgĩ.