ꞌGalaaꞌthia 6:16 - ꞌBuuk cĩ Thõõth cĩ Nyekuci

¹⁶ Aaꞌnyĩk hatĩ Nyekuci eet vẽlẽk ꞌcĩg anũ thõõth icci, authet ꞌcĩ aattiyyi lõꞌngõõc hĩ tamaati cĩnnĩ, tananga eet cĩg Ĩꞌthĩraẽlĩ cĩg Nyekuci.

ꞌGalaaꞌthia 6:16 ပူးပေါင်းရင်းမြစ်များ

Yõaannẽ 1:47

Ma baa acĩn Yeesu Nathaniele aku obokii ho, ikia õthõõth ĩnõõnnõ ĩĩ, “Eet ꞌcĩ ĩĩn Ĩꞌthĩraẽleenit dẽẽdẽ cieeni, ꞌcĩ hõllõngaa ĩĩn oloꞌngiaahit.”

Yõaannẽ 14:27

Haaꞌnyuung naa ngagiit ganõn, nganĩĩt dioo ꞌcĩ occa haaꞌnyuung ganõn icci. Aitiõõ ganõnĩ ciee hõllõngaa aduhõõ hĩ ganõn ꞌcĩ occa aaꞌnyuung eeta cĩg looc nicci. Nẽẽthĩ, ma haaꞌnyiku ꞌthinneeti hupuppudit hode ma hiteelinnu.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

ꞌRooma 4:12

Nẽ tarĩ ĩĩ Abũrahaamõ buúk maaꞌnyĩ eet ꞌcĩg etteeddi eleeti nẽ hõllõngaa ĩĩn maaꞌnyĩ eet ꞌcĩg etteeddi eleeti diooni, nẽẽthĩ, ĩĩn maaꞌnyĩ eet ꞌcĩg anũ ꞌgõõl cĩ lemiinit baa aꞌnyak baangẽẽtĩ cĩnaac Abũrahamĩ baa nga hẽttẽẽdĩ ẽlẽ.

ꞌGalaaꞌthia 1:3

Hala naa Nyekuc Baangeet hĩ Makayyioohit Yeesu Krĩstõ, hátĩ haggatattuung ngagiit ĩĩtõ tarbalĩg nẽ aauttu lõꞌngõõc.

ꞌGalaaꞌthia 3:29

Nẽ ma iittu niig eet cĩg Krĩstõ, iita iittu niig eet cĩg halang cĩ Abũrahamĩ. Nẽ iita hatĩ ummuddiaau niig ꞌgattan cĩ thõõth baa aduhaak Nyekuci Abũrahaamõ.

ꞌGalaaꞌthia 5:16

Nẽẽthĩ, hĩĩna naa nẽẽ, aꞌnyahit rũgẽt cunuung Loriiaa ꞌcĩ Ẽllẽẽmĩthĩ, nẽẽthĩ hatĩ iittiõõ hõllõngaa adticannu ꞌthẽccanẽẽt ꞌcĩg abathĩ ꞌcĩg abũraneeku niiga.

ꞌGalaaꞌthia 5:25

Aaꞌnyeet ngagĩĩt Lorii ꞌcĩ Ẽllẽẽmĩth rũgẽt nẽ ꞌyioko hũnnẽẽc naag buúk Lori ꞌcĩ Ẽllẽẽmĩthĩ.

Eevvetho 6:23

Aꞌnyĩĩk ganõn hĩ mĩnnan hĩ lemiinit ꞌcĩ aku hĩ Baangeet Nyekuc hĩ Makayyioohit cĩnaac Yeesu Krĩstõ, haau hĩ ngagiit ꞌgotoonoga hĩ ngoonoga.

Pilippi 3:16

Nẽẽthĩ ꞌyioko, adiim occa haalla haꞌthũũnnĩ naag thõõth ꞌcĩ ĩĩn dĩdĩ ꞌcĩ haꞌnyahit ẽlẽk ko.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Pilippi 4:7

Nẽ amũdaannu hatĩ ganõn cĩ Nyekuci, ꞌcĩ ĩllõõan ꞌgii vẽlẽk ꞌcĩ occa aga eeta. Aꞌthũũnnĩ hatĩ ganõnĩ cĩnnĩ muhẽẽnĩt cĩ ꞌthinneeti cugguung, hĩcĩ aattiyyu niig hõdẽĩ hĩ Yeesu Krĩstõ ho.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.

ꞌJuud 1:2

Halayyi naa, hátĩ haggatanuung Nyekuci gẽrrẽẽt tamaatitta hĩ ganõõna hĩ mĩnnaana.