ꞌGalaaꞌthia 6:14 - ꞌBuuk cĩ Thõõth cĩ Nyekuci

¹⁴ Occa hirriani, hĩnĩngĩtĩ hurucce cĩ Makayyioohit cĩnaac Yeesu Krĩstõ diooni, hĩnĩngĩtĩ hurucce cĩnnĩ, ikia adaak lõõcĩ hĩ thooꞌthiok ꞌcĩg abathĩ vẽlẽk hĩ nganĩĩta nẽ hadaaha naa buúk hĩnĩngĩtĩ thooꞌthiok ꞌcĩg abathĩ cĩg looc nicci.

ꞌGalaaꞌthia 6:14 ပူးပေါင်းရင်းမြစ်များ

ꞌLuuka 20:16

Occa õkõ aruk ĩhõõggõ vẽlẽk nẽ aaꞌnyĩk mana eet ꞌcĩg ꞌrĩĩng hootti.” Ma baa athĩhĩ eeta thõõth icci ho, othoothito ĩĩtõ, “Aitiõõ hatĩ thõõth ciee hõllõngaa aku haau hoti.”

ꞌRooma 1:16

Hõllõngaa haꞌngaaoni naa ngaatĩ hirriõõnĩ nyeemuut ꞌcĩ abũnnaa, hĩnĩngĩtĩ ĩĩn nẽẽ ꞌtirrian cĩ Nyekuci ꞌcĩ eellianĩ eeta vẽlẽk ꞌcĩg ĩĩn lemmiook, ꞌJudeei nõõ ĩcĩ oou, nẽẽthĩ hatĩ ĩĩ eet ꞌcĩg hõllõngaa ĩĩn ꞌJudeei uruta.

ꞌRooma 6:2

Aitiõõ ũdũt! Hĩnĩngĩtĩ ꞌthẽccan, haauto naag hĩ eeta ꞌcĩg hadaahito ẽlẽk nẽ occa nga haalla harũgĩ naag ꞌthẽccaana hutuno?

ꞌRooma 6:6

Haga naag haĩ, otoddoyyioothĩk eleeti baaggaac ꞌrẽẽttĩg hurucceea hĩ Yeesu. Baa adĩmanni thõõth ciee, hátĩ hiittiõõ eleeti cĩggaac hõllõngaa ĩĩn appahacaaꞌnya cĩg ꞌthẽccaanak tarĩ.

1 Korinthia 1:23

nẽẽthĩ, hallimaneeka naag eet thõõth ꞌcĩ odooddini Krĩstõ hurucceea. Õkõmĩ hĩ eet cĩg ꞌJudeei thõõth cieeni nẽ ummuhit eeta ꞌcĩg mẽẽlĩg ꞌcĩg hõllõngaa ĩĩn ꞌJudeei ĩĩtõ, ĩĩn thõõth ciee ꞌgiithẽnĩt.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

1 Korinthia 2:2

Nẽ dĩdĩ, baa nga harũmĩ naag hĩ ngagiita, baa hẽbẽra ngaatĩ hõthõõthĩ thõõth cĩ Yeesu Krĩstõ, baa odooddothoothĩk hurucceea diooni.

1 Korinthia 3:21

Nẽẽthĩ hoti ho, occa iittiõõ hõllõngaa hathĩngõõnyan, hĩnĩngĩtĩ eeta! Ĩĩn hẽlẽggĩ vẽlẽk cugunnig,

2 Korinthia 11:12

Nẽ haalla hatĩ naa hadticani thooꞌthiok gõõng hadticani hõdõõkõthĩ, hátĩ hĩbĩlĩ eet ꞌcĩg adiim ammũda ꞌgõõl ꞌcĩ ĩthakꞌthẽẽkĩ dtiic cĩnĩĩng irrianĩ ho, hĩ dtiic cĩnaang.

ꞌGalaaꞌthia 1:4

Hĩnĩngĩtĩ athĩhĩ Yeesu Krĩstõ Nyekuc Baangeet cĩnaac, ĩnõõ ꞌcĩ aku aaꞌnyĩkĩ nẽẽ ẽlẽ cĩnnĩ hĩĩ ꞌgaarrieenit cĩ ꞌthẽccanẽẽt cĩggaac ko, hatĩ hẽẽlaeet ngagĩĩt looccaa cĩ ꞌthẽccaneetu.

ꞌGalaaꞌthia 2:17

“Má baa nga hadiim naag ꞌJudeei hummuddia ꞌgõõl ꞌcĩ elemmeet Krĩstõ ngagĩĩta, hiita hummuddia naag buúk ngaatĩ hĩĩgĩnnĩ ꞌthẽccanniook. Aĩ occa thõõth ciee Krĩstõ ꞌcĩ aaꞌnyeet hĩĩtõ ꞌthẽccanniook ko? Aitiõõ ũdũt!

ꞌGalaaꞌthia 2:19

Nyattal ꞌcĩ baa aruka nganĩĩt hadaak ko nẽ õõgawaa nganĩĩt, hátĩ hũrũg naa hĩ Nyekuc.

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

ꞌGalaaꞌthia 3:21

Occa aaburroo nyattalĩ hĩ thõõth baa aduha Nyekuci? Aitiõõ ũdũt! Má baa haaꞌnyeet nyattalĩ rũgẽt ꞌcĩ ĩĩn ngeju, occa baa aaꞌnyeet Nyekuci ngagĩĩt hũbũttaath ngaatĩ hathĩknĩ nyattal.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Pilippi 3:18

Baa gõõng hiloottuung naa ngagiit tabattĩ mẽẽlĩg nẽ hõbõdẽẽkĩ tarĩ, tilaalõnĩ hẽbẽrẽẽnnĩĩ cĩgannĩg hanneekuung, mẽẽlĩg eeta ꞌcĩg ĩĩn mĩrõk cĩg hurucce cĩ Krĩstõ.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Kolooꞌthe 2:20

Baa adaaktu niig hĩ Krĩstõ, hĩnĩngĩtĩ ꞌlimman cĩ eet cĩg looc nicci ẽlẽk nẽ tarĩ, aalla nga anuyyu niig ꞌlimman cĩnĩĩng ꞌcĩ aĩ,