ꞌGalaaꞌthia 6:10 - ꞌBuuk cĩ Thõõth cĩ Nyekuci

¹⁰ Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

ꞌGalaaꞌthia 6:10 ပူးပေါင်းရင်းမြစ်များ

Maatteeo 10:25

Ũũppan ngaatĩ occa aayyi loholeec cĩ ꞌthukuulo hĩ ꞌlimmannioohiti cĩnnẽẽnĩ nẽ occa ũũppan appahaca buúk ngaatĩ occa aayyi hĩ makayyioohiti cĩnnẽẽnĩ. Nẽ má aũyya eeta nganĩĩt baattĩ olu anneeka ꞌBeelthebub, aũ hinnia hatĩ eeta eet cĩg halang cĩnnĩ vẽlẽk anneek nganĩ?

Maatteeo 12:50

Hĩnĩngĩtĩ ẽẽtĩ ꞌcĩ adĩman thõõth cĩ Baaba caannĩ cĩ hẽẽtkujjieen, ĩĩn morwahit caannĩ hĩ ꞌgõtõna hĩ ngõõna caannĩ.”

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

Maatteeo 5:43

“Baa athiknu niig aduha eeta aĩ, ‘Mĩnnan eet ꞌcĩ aaronnu nẽ aabureehu mirohit cunni.’

Maarko 3:4

Ma ho, ijin nẽẽ Variꞌthei ĩĩnnĩk, “Occa abũnnaa ngaatĩ hadticanĩ ꞌgii ꞌcĩ abũnnaa hode ꞌcĩ abathĩ Kõrraa cĩ ꞌYiommaanõ? Occa hẽẽla rũgẽt cĩ eeto Kõrraa cĩ ꞌYiommaanõ hode haruk thõng?” Ĩjjaaki hinnia nẽẽg vẽlẽk kim, hiꞌthihi eet ꞌcĩ ẽdẽcĩ buúk.

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

Yõaannẽ 12:35

Ẽdẽcĩ Yeesu ĩhõõggõ anneek, “Aaĩ hatĩ lanyit hĩ ngagiit ꞌthaa ꞌcĩ huturi haaga. Õtõõc nga aꞌnyaku lanyit, nga hikia muguuri hĩ ngagiita. Ẽẽtĩ ꞌcĩ õvvõ muguratõõ, ẽrẽk nĩngĩtĩ õkõõĩ.

Yõaannẽ 9:4

Hĩcĩ nga ĩĩn lõõcĩ waathĩn ko, hidticanit thõõth cĩ eet baa ĩꞌthõõannaa nganĩĩta. Ma ikia baalini, iittiõõ eet ꞌcĩ adticanni tõõ.

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

2 Korinthia 2:8

Haduhaakuung naa ngagiit dĩdĩ haini, etereꞌthieek ĩnõõnnõ mĩnnan cunuung.

ꞌGalaaꞌthia 1:23

Athĩhĩ nuun nẽẽg haaga aĩ ngaana, ũtũhũĩ tarĩ ẽẽtĩ baa gõõng arukeet nĩnga, ikia irrioon nyeemuut ꞌcĩ abũnnaa, baa nga adiim acũda nẽẽ eet loota nĩnga.

Eevvetho 2:19

Hĩnĩngĩtĩ thõõth icci, iittiõõ niig hõllõngaa iiginnu eet cĩg looc cĩrrĩĩng, iittu niig eet cĩg halang cĩ Nyekuci,

Eevvetho 3:15

Teheꞌnyioohit ꞌcĩ akanneek ꞌthaar eet cĩg halang cĩnnĩ vẽlẽk hẽẽtahujjieen hĩ loota.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

Eevvetho 5:16

Ĩdĩmanit thooꞌthiok ꞌcĩg abũnnaa hõdõõkõthĩ, hĩnĩngĩtĩ ĩĩn cieeg korriook ꞌcĩg abathĩ.

Pilippi 4:10

Aaꞌnya nganĩĩt Makayyioohiti haccamanoothĩk gẽrrẽẽt, hĩnĩngĩtĩ eelliaangu aattĩ niig nganĩĩta. Nẽ dĩdĩ, baa gõõng ammukaangu niig nganĩĩt hõdõõkõthĩ, nẽẽthĩ, baa aitiõõ ꞌgõõl ꞌcĩ occa ẽtẽrꞌthaannu tõõ.

Kolooꞌthe 4:5

Aaut jurrung hatĩ arũmeennu hĩ eet ꞌcĩg hõllõngaa ĩĩn lemmiook, illimatteek ĩhõõggõ nyeemuut cĩ Nyekuci hatĩ ammũdaannu ꞌgõõl ꞌcĩ arũmeennu hĩ ĩhõõggõ.

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

1 Tẽꞌthaloonika 5:21

ĩttĩmanit hẽlẽggĩ vẽlẽk. Nẽ akatti hẽbẽrĩ thooꞌthiok iccig jurrung nẽ uꞌthuutti thõõth ꞌcĩ abũnnaa diooni.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Tiito 3:8

Thõõth ꞌcĩ ĩĩn dĩdĩ cieeni, thooꞌthiok ꞌcĩg abũnnaa cieeg hĩ eet vẽlẽk. ꞌRĩccana ꞌlimmaneek eet hũnnẽẽcõ thooꞌthiok iccig, hátĩ hidticanit eeta ꞌcĩg ẽlẽmĩ thõõth cĩ Nyekuci, thooꞌthiok ꞌcĩ abũnnaa.

Ebereei 13:16

Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.

1 Pẽẽtũrũ 4:17

Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?

1 Yõaannẽ 5:1

Ẽẽtĩ ꞌcĩ ẽlẽmĩ ngaatĩ ĩĩnnĩ Yeesu, Krĩstõ, ĩĩn nẽẽ loholeec cĩ Nyekuci nẽ ẽẽtĩ ꞌcĩ ammĩnan Maaꞌnyĩ, ammĩnan nẽẽ ngeerĩnĩ buúk.

3 Yõaannẽ 1:10

Má hikia naana, hakuu hatĩ haduha thooꞌthiok ũgĩ ꞌcĩg baag adtican nẽẽnĩ, hĩ thooꞌthiok ꞌcĩg abathĩ ꞌcĩg adĩmanneet nẽẽ ngagĩĩt ꞌbuth. Nẽ baa hõllõngaa abũrĩ nẽẽ ngaatĩ ẽlẽmmĩ lemmiook thõng diooni, baa alaam nẽẽ eet ũgĩ buúk, hiittiõõ hõllõngaa ẽẽl ĩhõõggõ. Nẽ tarĩ, alaam lemmiook ꞌcĩg adiim ẽẽl ĩhõõggõ nẽ itiggia ĩhõõggõ lothippitaa cĩ lemmioohu.

3 Yõaannẽ 1:11

ꞌGõõna cĩ ꞌthĩnĩtõ, ma hĩthakꞌtha thooꞌthiok ꞌcĩg abathĩ ꞌcĩg adĩman eeta ũgẽẽgĩ! Nũũ terethiinit cĩ eet ꞌcĩg adĩman thooꞌthiok ꞌcĩg abũnnaa diooni. Gaooth ĩĩ, eeta ꞌcĩg adĩman dtiicanĩ ꞌcĩg abũnnaa, ẽtẽrꞌtha nẽẽg ngaatĩ ĩĩnnĩ lõhõlĩ cĩg Nyekuci. Nẽ eeta ꞌcĩg adĩman thooꞌthiok ꞌcĩg abathĩ, ẽtẽrꞌtha nẽẽg ngaatĩ nga hagayyi nẽẽg Nyekuc.

3 Yõaannẽ 1:3

Baa haccamanoothihi gẽrrẽẽt ngaatĩ hathĩknĩ hĩ ꞌgotoonogeet ũgĩ ꞌcĩg au aduhaaka anneeka, aꞌthũũnnĩ nii thõõth cĩ Nyekuci jurrung nẽ unuu thõõth ꞌcĩ ĩĩn dĩdĩ.