ꞌGalaaꞌthia 6:1 - ꞌBuuk cĩ Thõõth cĩ Nyekuci

¹ ꞌGotoonoga hĩ ngoonoga, má ẽꞌthẽcanõõ ẽẽtĩ umwaa hõrggẽẽnaa cunuung, oboddiaaĩ niig ꞌcĩg okomtu Loriiaa cĩ Nyekuci ho eet nicci nẽ irrioottihu haau ꞌgõõlaa ꞌcĩ abũnnaa. Ma hataarroꞌthu ngaatĩ occa ẽꞌthẽcannu niig buúk kõr umwa.

ꞌGalaaꞌthia 6:1 ပူးပေါင်းရင်းမြစ်များ

Maatteeo 11:29

Elemit dtiic ꞌcĩ haaꞌnyuung naana nẽ aanytaangu hillimanuung ngagiita, hĩnĩngĩtĩ tarbal nganĩĩt ꞌthĩnĩt nẽ hatĩ ummuddiaau ꞌyiomman cĩ loriẽẽt cugguung.

Maatteeo 26:69

Ma baa nga aaĩ Pẽẽtũrũ loota halaangatõõ, ikia ũmmũdeek bũhẽẽcĩ ꞌcĩ ĩĩn dticciannioohit ĩnõõnnõ nẽ ĩĩnnĩk, “Baa ookorru niig hĩ Yeesu cĩ ꞌGalileea hõdẽĩ.”

Maatteeo 26:75

Ma ho, ikia ummuhõõthĩ Pẽẽtũrũ thõõth baa aduhaak Yeesu ĩnõõnnõ annẽẽkĩ, “Õõa ꞌcĩ nga hõrõhĩ tũhũlũca, ẽppẽhannaa hatĩ nii nganĩĩt tabattĩ iyyio.” Nĩngĩtĩ ũũnnĩkĩ Pẽẽtũrũ nĩngĩtĩho nẽ ũũk utulu gẽrrẽẽt ũdũt.

Maatteeo 9:13

Õõt da nõõ umuddia thõõth baa aduha ꞌBuuhi cĩ Nyekuci aĩ, ‘Haccamanaa naa tamaati, hõllõngaa haccamanaa ꞌgaarrieenit,’ hadiimmuung naa ngagiit atamaatĩk ꞌgoonogu. Baa hõllõngaa hakuu naa hikia hũtũvva eet ꞌcĩg abũnnaa. Hakuu naa havva ꞌthẽccanniook.”

ꞌRooma 14:1

Elemit eet ꞌcĩ aꞌnyak lemiinit ꞌcĩ hõllõngaa attiranĩ nẽ ma hetteediku ĩnõõnnõ thooꞌthiok ꞌcĩg ẽppẽhanoonnu.

ꞌRooma 15:1

Má õkõmĩ lemiiniti cĩnaac, occa haꞌnyak naag ꞌthinneeti ꞌcĩg makatĩg hĩ nuyyiook cĩg Makayyiooktak ꞌcĩg hõllõngaa attiran lemiiniti cĩnĩĩng. Occa haaꞌnyĩk ĩhõõggõ haccamattoothĩk hĩllõõan ngaatĩ haaꞌnyĩkĩ eleeti cĩggaac haccamattoothĩk.

ꞌRooma 8:6

Aꞌnyaha muhẽẽnĩtĩ cĩ eet ꞌcĩ ĩĩn ꞌthẽccannioohit daahĩth, nẽẽthĩ, muhẽẽnĩtĩ cĩ eet ꞌcĩ aggam Lorii, ĩĩn rũgẽt hĩ ganõn.

1 Korinthia 10:12

Nẽẽthĩ hoti ho, má ammuku niig ainnu okommu, uꞌthuutti thĩ eleeti, hátĩ hiittiõõ hõllõngaa etteeddu looc!

1 Korinthia 14:37

Má ammuk eet umwaa aĩ hĩĩnĩ põrõvẽtaac hode aꞌnyak ꞌbaaninit cĩ Lori cĩ Ẽllẽẽmĩthĩ, aꞌnyĩĩk haga nẽẽ hĩĩ, thõõth ꞌcĩ hẽhẽẽdakuung naa ngagiit ko, ĩĩn tilooinit cĩ Makayyioohit Yeesu.

1 Korinthia 2:15

Ẽẽtĩ ꞌcĩ ẽtẽrẽth Lorii ꞌcĩ Ẽllẽẽmĩthĩ, aga ngaatĩ ẽttẽẽdĩ thooꞌthiok vẽlẽk, nẽẽthĩ, hõllõngaa aggam ĩnõõnnõ thõõth ꞌcĩ etteedĩk eet umwaa ĩnõõnnõ.

1 Korinthia 3:1

ꞌGotoonoga hĩ ngoonoga, aattiyyu niig hĩ eeta cĩg looc nicci, ĩnõõ cĩ hõllõngaa hallimannuung naa ngagiit thõõth hĩ eeta ꞌcĩg agaacõ thõõth cĩ Nyekuci dĩdĩ, hĩnĩngĩtĩ nga aattiyyu niig hĩ ĩdõlẽẽta haaga thõõthaa cĩ Krĩstõ ho.

1 Korinthia 4:21

Ne ꞌcĩ adiimmu niig hikia hĩdĩmaneehuung naa hatĩ hõdõlanuunga? Adiimmaangu niig nganĩĩt hikia hĩ ngagiit hĩ ẽẽtĩ ꞌcĩ aꞌngaꞌngarĩĩ thõng, hode hĩ ẽẽtĩ ꞌcĩ aꞌnyak mĩnnan hĩ tarbalꞌthẽẽt?

1 Korinthia 7:5

Ma haburru ngaatĩ attihoonnu, horoong thĩ hatĩ elemoonnu ngaatĩ abillu ꞌtihõõnĩt hĩdĩhĩdĩĩc, hátĩ alayyio nõõ thõng. Nẽẽthĩ hátĩ iittiõõ ꞌThĩttaanĩ hõllõngaa attĩmannuunga, hĩnĩngĩtĩ hõllõngaa uullu ngaatĩ aggammu eleeti cugguung jurrung.

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Korinthia 2:7

Nẽẽthĩ hinnia ꞌyioko, occa ammaanniku niig ĩnõõnnõ nẽ amammaayattu ĩnõõnnõ, hátĩ hiittiõõ hõllõngaa anyamũũtana huciithi cĩ ꞌthẽccaanõ eet nicci.

2 Korinthia 2:8

Haduhaakuung naa ngagiit dĩdĩ haini, etereꞌthieek ĩnõõnnõ mĩnnan cunuung.

ꞌGalaaꞌthia 5:23

nẽ hĩĩtõ tarbalĩg, huꞌthuutti eleeti. Nẽ má adticannu niig thooꞌthiok iccig, hõllõngaa ẽꞌthẽcannu niig nyattal.

ꞌGalaaꞌthia 6:18

ꞌGotoonoga hĩ ngoonoga ꞌcĩg iiginnu lemmiook cĩgannĩg ko, aꞌnyĩĩk bũnnai cĩ Makayyioohit Yeesu Krĩstõ haau loriẽẽtĩĩ cugguung vẽlẽk. Aamẽn.

1 Tẽꞌthaloonika 4:1

ꞌGotoonoga hĩ ngoonoga, baa haduhaakuung naag authet ꞌcĩ abũnnaa ꞌcĩ haaꞌnyĩkĩ Nyekuc hatal dĩdĩ, hĩcĩ aattiyyu niig ꞌyioko ho. Hanneekuung ngagiit ĩdĩmanit hoti hĩllõõan ꞌthaarĩĩ cĩg Makayyioohit cĩnaac Yeesu Krĩstõ.

2 Tẽꞌthaloonika 3:15

Ma hinnia hainnu ĩĩtõ nẽẽg mĩrõk. Irrioottĩk nẽẽꞌthẽk ĩhõõggõ hĩcĩ occa irrioonĩku ꞌgotoonogu hĩ ngoonogu ꞌcĩg ẽlẽmĩ thõõth cĩ Nyekuci.

2 Timotteeo 2:25

Nẽ tarĩ, abũnnaa ĩĩn eet ꞌcĩ tarbalĩ buúk, hátĩ hẽtẽrẽth eet ꞌcĩg ẽppẽhanõõ hĩ ĩnõõnnõ. Horoong hatĩ ũũhũ Nyekuci eet niccig, hũtũngteek ꞌthẽccanẽẽt cĩggĩĩng nẽ elemit thõõth cĩnnĩ ꞌcĩ ĩĩn dĩdĩ,

Ebereei 12:13

“Ũkũmatteek ꞌgõõl hũbũna,” hátĩ hiittiõõ eeta ꞌcĩg hõllõngaa attiran hĩ ꞌcĩg ahuuli lemiittaa cĩnĩĩng, hõllõngaa ẽttẽẽd looc.

Ebereei 13:3

Ummukta ꞌgoonogu ꞌcĩg aattĩg baabuuthatõõ, haau hĩcĩ ababuuthaniinnu hĩ ĩhõõggõ hõdẽĩ. Ummuhuttooth ꞌgoonoggu ꞌcĩg ẽhẽc eeta hippiirria nẽ má uuki nẽẽgĩ, aꞌnyĩĩk haau hĩcĩ uukennu niig buúk.

ꞌJeemith 3:13

Nganĩ hõrggẽẽnaa cunuung ꞌcĩ ẽggẽẽnyĩth nẽ aga hẽlẽggĩ vẽlẽk? Aꞌnyĩĩk hẽtẽrẽtha ꞌgẽẽnyĩth cĩnnĩ ho rũgẽtaa cĩnnĩ ĩĩcĩ abũnnaa, ngaatĩ hõllõngaa athĩngõõnyanĩ, hĩnĩngĩtĩ ẽggẽẽnyĩth nẽẽnĩ.

ꞌJeemith 3:2

Nẽ dĩdĩ, hẽꞌthẽcattõõ naag vẽlẽk thooꞌthiohĩĩ ꞌcĩg mẽẽlĩg. Hĩnĩngĩtĩ, ꞌyioko huꞌthuutti naag utugeeti cĩggaac, occa habũnnaa gẽrrẽẽt nẽ occa haꞌthũũnnĩ eleeti cĩggaac ꞌgoolliohĩĩ ũgẽẽgĩ buúk.

1 Pẽẽtũrũ 3:15

Itingolli Krĩstõ nẽ aanytĩhu hĩĩ Makayyioohit rũgẽtaa cunuung. Má ajinnuung eet umwaa thõõth cĩ lemiinit cunuung, ũkũmattoothĩk hõdõõkõthĩ, hátĩ attacanit, nẽẽthĩ, ĩdĩmanit thõõth icci tarbalꞌthẽẽta hĩ ngaatĩ iꞌngoliinnu ĩnõõnnõ.

1 Yõaannẽ 5:16

Má acĩn lemmioohiti umwaa ꞌgõtõnĩ hode ngõõnĩ adĩman ꞌthẽccan ꞌcĩ occa hõllõngaa aꞌnyaha daahĩth, alayyiõõĩ ĩnõõnnõ, hátĩ haaꞌnyĩk Nyekuci eet tĩho rũgẽt ꞌcĩ aalla ooo. Nẽẽthĩ, aaĩ ꞌthẽccanĩ ꞌcĩ aꞌnyaha daahĩth nẽ hõllõngaa haini naa alayyiõõĩ eet ꞌcĩg adĩman ꞌthẽccan tĩho ho.