ꞌGalaaꞌthia 5:6 - ꞌBuuk cĩ Thõõth cĩ Nyekuci

⁶ Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

ꞌGalaaꞌthia 5:6 ပူးပေါင်းရင်းမြစ်များ

ꞌLuuka 7:5

Ĩĩn nẽẽ eet ꞌcĩ ammĩnan looc cĩnaac gẽrrẽẽt, ĩꞌthõng hetehenyeheet ꞌCieeth cĩ Laiitto.”

1 Korinthia 13:13

Nẽẽthĩ ꞌyioko, aattĩg thooꞌthioha iyyio, lemiinit hĩ muhẽẽnĩt ꞌcĩ abũnnaa hĩ mĩnnan. Nẽẽthĩ, thooꞌthiohĩĩ cĩg vẽlẽk, mĩnnan ꞌcĩ ĩllõõanĩ.

1 Korinthia 7:19

Ĩĩn ꞌteediniti cĩ ello hode thõõth ꞌcĩ hõllõngaa etteedini ẽlẽ, thõõth umwa haaga. Thõõth ꞌcĩ aaddi ꞌcĩ hathĩknĩ tilooinit cĩ Nyekuci dioo.

2 Korinthia 5:14

Aggammeet ngagĩĩt mĩnnanĩ cĩ Krĩstõ. Haga naag haĩ baa adaahĩ Krĩstõ, hĩnĩngĩtĩ eet vẽlẽk, ẽtẽrꞌtha thõõth ciee aĩ, õthõl eeta vẽlẽk daahĩth cĩnnĩ.

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

ꞌGalaaꞌthia 6:15

Aitiõõ hõllõngaa aaddi hatĩ etteeddi ẽẽtĩ hode nga hẽttẽẽdĩ, thõõth ꞌcĩ aaddi hĩ Nyekuc diooni, ꞌcĩ occa hĩĩgĩnnĩ naag ngeju.

Eevvetho 6:23

Aꞌnyĩĩk ganõn hĩ mĩnnan hĩ lemiinit ꞌcĩ aku hĩ Baangeet Nyekuc hĩ Makayyioohit cĩnaac Yeesu Krĩstõ, haau hĩ ngagiit ꞌgotoonoga hĩ ngoonoga.

Kolooꞌthe 1:4

Baa hĩthĩkta naag ngaatĩ elemmu niig Yeesu Krĩstõ nẽ ĩmmĩnattu eet vẽlẽk cĩg Nyekuci,

Kolooꞌthe 3:11

Rũgẽtaa ꞌcĩ ĩĩn ngeju ho, aduhoonnu niig vẽlẽk thõng, hatĩ iiginnu ꞌGirik hode iiginnu ꞌJudeei hode etteeddi eleeti cĩg eet ꞌcĩg maacĩg hode nga hetteeddi eleeti. Hode iiginnu eet ꞌcĩg ꞌrĩĩng hode eet ꞌcĩg nga illimattĩ, hode iiginnu appahacaaꞌnya hode eet ꞌcĩg hõllõngaa ĩĩn appahacaaꞌnya. Krĩstõ dioo ꞌcĩ tiirẽẽnĩ nẽ aaĩ nẽẽ hĩ ngagĩĩt vẽlẽk.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

Ebereei 11:8

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

1 Pẽẽtũrũ 1:8

Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.