ꞌGalaaꞌthia 5:22 - ꞌBuuk cĩ Thõõth cĩ Nyekuci

²² Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

ꞌGalaaꞌthia 5:22 ပူးပေါင်းရင်းမြစ်များ

Maatteeo 12:33

“Õddõngta hẽẽt ꞌcĩ abũnnaa hẽẽn ꞌcĩg abbiiri ꞌcĩg abũnnaa nẽ õddõngõta hẽẽt ꞌcĩ abathĩ hẽẽn ꞌcĩg abathĩ. Agayyi hẽẽt ꞌcĩ abũnnaa, hĩnĩngĩtĩ õddõngta hẽẽn ꞌcĩg abũnnaa.

ꞌLuuka 13:9

Má õddõngõt irkit cĩ ꞌgõõla, abũnnaa thĩ hatĩnĩ. Má aitiõõ tõõ nẽ thĩ hatĩ etengedeehu tuu.’ ”

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

Yõaannẽ 15:5

“Haaĩ naa hĩ hẽẽt cĩ viinoo nẽ aauttu niig hĩ tabana cĩgĩnnẽẽgĩ. Má aalla ẽẽtĩ hĩ nganĩĩta nẽ haau naa hĩ ĩnõõnnõ, õddõngõt hatĩ nẽẽ jurrung. Nẽẽthĩ, má haitiõõ naa hĩ ngagiit tõõ, aitiõõ ꞌgii ꞌcĩ occa adĩmannu niig tõõ.

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

ꞌRooma 15:14

Hagawa naa ẽllaa caannĩ ꞌgotoonoga hĩ ngoonoga hĩĩna, aꞌnyaku niig eleetinii cugguung bũnnai hĩ ꞌgẽẽnyĩth ꞌcĩ maka ꞌcĩ occa allimannu ꞌgoonogu ũgĩ ꞌcĩg ĩĩn lemmiook.

ꞌRooma 15:3

Tananga Krĩstõ, baa hõllõngaa aaꞌnyĩk nẽẽ ẽlẽ cĩnnĩ haccamanoothĩk. Nẽẽthĩ, hĩcĩ aduha Krĩstõ ꞌBuuhaa cĩ Nyekuci aĩ, “Nyekuc, õdõõmta nganĩĩt buúk eeta baag odoommi nganiita.”

ꞌRooma 15:30

ꞌGotoonoga hĩ ngoonoga, halayyuung naa ngagiit ꞌthaarĩĩ cĩg Makayyioohit cĩnaac Yeesu Krĩstõ, hĩ mĩnnaanaa cĩ Lori ꞌcĩ Ẽllẽẽmĩthĩ, othollieehaangu thõõth ꞌcĩ hadiim hakuuni nĩĩca, ngaatĩ alaiinnaangu nganĩĩt hĩ Nyekuc.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

ꞌRooma 7:4

Nẽẽthĩ hoti ho, ꞌgotoonoga hĩ ngoonoga, adaaktu niig buúk nyattaala, hĩnĩngĩtĩ ẽlẽ cĩ Krĩstõ, hátĩ ĩĩtõ eet cĩg Krĩstõ baag arũgna daahĩtha nẽ hĩĩtõ naag eet ꞌcĩg hadticanoothĩk Nyekuc.

ꞌRooma 8:5

Eeta ꞌcĩg aggam muhẽẽnĩtĩ cĩ ꞌthẽccaanõ, ammuk thõõth cĩ eleeti cĩggĩĩng diooni. Nẽ eeta ꞌcĩg aggam Lorii ꞌcĩ Ẽllẽẽmĩthĩ, ammuk thooꞌthiok cĩg Lori ꞌcĩ Ẽllẽẽmĩthĩ.

1 Korinthia 13:13

Nẽẽthĩ ꞌyioko, aattĩg thooꞌthioha iyyio, lemiinit hĩ muhẽẽnĩt ꞌcĩ abũnnaa hĩ mĩnnan. Nẽẽthĩ, thooꞌthiohĩĩ cĩg vẽlẽk, mĩnnan ꞌcĩ ĩllõõanĩ.

ꞌGalaaꞌthia 5:13

Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.

Eevvetho 4:23

Aanytĩk muhẽẽnĩt cunuung hũtũhũĩ hĩĩ ngeju,

Eevvetho 5:9

hĩnĩngĩtĩ aꞌnyaha lanyit ciee aaĩ hĩ ngagiit ko, thõõth ꞌcĩ abũnnaa hĩ ꞌcĩ aũlanĩ hĩ ꞌcĩ ĩĩn dĩdĩ diooni.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

2 Tẽꞌthaloonika 3:2

Alayyiooyyieetu ngagĩĩt, hátĩ hũꞌthũtteet Nyekuci eetinii ꞌcĩg abathĩ ĩcĩg ĩĩn ꞌloorriak hĩ ĩcĩg ĩĩn ꞌthẽccanniook, hĩnĩngĩtĩ aitiõõ eeta vẽlẽk hõllõngaa aꞌnyak lemiinit hĩ Nyekuc.

1 Timotteeo 3:11

Nẽ ꞌgõõlaa cĩ buúk, abũnnaa iꞌngolli ngaaĩ cĩggĩĩng eet nẽ udukta thõõth ꞌcĩ ĩĩn dĩdĩ nẽ hõllõngaa õngõmĩt eeta, hode hõllõngaa ĩĩn duuttiak nẽ aanytĩk huꞌthuutti thooꞌthiok vẽlẽk ꞌcĩg abũnnaa ꞌcĩg adĩman nẽẽgĩ.

1 Timotteeo 4:12

Ma haaꞌnyihi eet umwa hatamaaci, hĩnĩngĩtĩ aĩ nga ĩĩnĩ hĩdĩca. Aꞌnyĩĩk lemmiook hĩcĩtta hĩ nganiit ꞌgõõl ꞌcĩ anũĩ nẽẽg thõõth cĩ Nyekuci, ꞌrioona cunni, hĩ authetaa ꞌcĩ aayyi jurrung, hĩ ꞌgõõlaa ꞌcĩ ammĩnanĩĩ eet, hĩ ngaatĩ ẽlẽmmĩ thõõth cĩ Nyekuci, hĩ ꞌgõõlaa ꞌcĩ hõllõngaa adĩmani thooꞌthiok ꞌcĩg ĩĩn ꞌriiring.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 1:8

Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.

1 Pẽẽtũrũ 5:12

Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.