ꞌGalaaꞌthia 5:21 - ꞌBuuk cĩ Thõõth cĩ Nyekuci

²¹ iinan hẽlẽggĩ cĩg eetuk nẽ ĩĩn duuttiak nẽ adĩman thooꞌthiok ꞌcĩg abathĩ ꞌcĩg aattĩg hĩ cieeg karramẽẽtĩ. Ĩꞌnya da huduhaahuung thõõth umwa tarĩ hĩ baa haduhaakuung baa ĩĩcĩ oou, eeta ꞌcĩg adtican thooꞌthiok iccig, hõllõngaa hatĩ aduhun nẽẽg habuccieet cĩ Nyekuci nẽ ĩĩtõ lõhõlĩ cĩgĩnnĩg.

ꞌGalaaꞌthia 5:21 ပူးပေါင်းရင်းမြစ်များ

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

ꞌRooma 13:13

Ĩdĩmanit thooꞌthiok ꞌcĩg abũnnaa ꞌcĩg accamana Nyekuci, ma hookoroonnu hĩ eet ꞌcĩg abathĩ, hode aduunnu thõng, ma hattihoonnu tahatak, hode eggerꞌnyoonnu hode ma hiinannu hẽlẽggĩ cĩg eetuk.

ꞌRooma 8:13

Má arũgnu niig hĩnĩngĩtĩ ꞌthẽccanẽẽt cugguung, adaaknu hatĩnĩ, nẽẽthĩ, má ũtũngteehu niig ꞌthẽccanẽẽt cĩg ẽllaak ꞌtirriaanaa cĩ Loriio, arũgnu hatĩnĩ,

1 Korinthia 15:50

Hõlõ, hadiimmuung naa ngagiit agaac ĩĩtõ, õꞌngõlĩ hatĩ horumwa eleeti cĩggaac ꞌcĩg ĩĩn ẽlẽ hĩ biyyi ho haaga. Nẽẽthĩ, aĩ thõõth ciee nẽẽ, aitiõõ hatĩ eleeti cĩggaac hõllõngaa õthõl habuccieet cĩ Nyekuci ꞌcĩ aalla ũdũt ko.

1 Korinthia 5:11

Nẽẽthĩ ꞌyioko, hẽhẽẽdakuung naa ngagiit waraga icci, hátĩ hiittiõõ hõllõngaa ookorru hĩ eet umwa ꞌcĩ aũ ẽlẽ cĩnnĩ anneek lemmioohit, ĩko nẽẽ ĩĩn eet ꞌcĩ adĩman thooꞌthiok ꞌcĩg ĩĩn ꞌriiring, ĩĩn lobolobbiaahit nẽ ĩĩ eet ꞌcĩ ala hẽlẽggĩ ꞌcĩg aar eeta hĩĩtõ nyekuꞌnya hode ĩĩn oloꞌngiaahit hode ĩĩn duuttiahit hode ĩĩn eet ꞌcĩg ĩggõõl ꞌgõõnõgĩ. Nẽẽthĩ, ma haduheennu hĩ eet ꞌcĩ aaĩ noho.

Eevvetho 5:18

Aanytĩk Lori ꞌcĩ Ẽllẽẽmĩth haggam rũgẽt cunuung. Ma hiꞌnyiathanaannu eleeti dũũtĩtha, hĩnĩngĩtĩ aĩnanaakuung dũũtĩthĩ ĩdĩmanit thooꞌthiok ꞌcĩg mẽẽlĩg ꞌcĩg abathĩ.

Kolooꞌthe 3:6

Aku hatĩ uuk Nyekuci eet ngaꞌngaritta, hĩnĩngĩtĩ thooꞌthiok iccig.

1 Tẽꞌthaloonika 5:7

Nẽ eeta ꞌcĩg oogini, oogin baal nẽ eeta ꞌcĩg adũũtĩ, adũũtĩ baal.

2 Tẽꞌthaloonika 2:5

Hõllõngaa ammuhooꞌthu niig thõõth baa haduhaakuung naa baa nga harũmĩ hõdẽĩ ho?

Ebereei 13:4

Aꞌnyĩĩk maac hĩ ngaa hũrũmtĩ ũdũt. Aallattia ũrũmtĩ ũdũt, hĩnĩngĩtĩ uuk hatĩ Nyekuci eet ꞌcĩ adĩman thooꞌthiok ꞌcĩg ĩĩn ꞌriiring ꞌthũwaana.

1 Pẽẽtũrũ 4:3

Baa unuuktihu niig ngaatĩ aattiyyu hĩ eeta ꞌcĩg hõllõngaa aga Nyekuc. Baa iiginnu niig ꞌthẽccanniook nẽ unuyyu thooꞌthiok ꞌcĩg abathĩ ꞌcĩg abũraneeku niiga. Baa adaku karramẽẽt ꞌcĩg adĩmannu thooꞌthiok ꞌcĩg ĩĩn ꞌriiring nẽ tarĩ, uhuddieeu ũdũũtĩt tahatak. Nẽ dĩdĩ, alayyu hẽlẽggĩ ꞌcĩg aar eeta hĩĩtõ nyekuꞌnya nẽ iittiõõ hõllõngaa aꞌngaonnu buúk.

Terethiinit 21:27

Aitiõõ hatĩ hõllõngaa ẽlẽmaakĩ Nyekuci ꞌgii ꞌcĩ abathĩ huduhun ꞌtaaũn nicci. Nẽ aitiõõ hatĩ hõllõngaa ẽlẽmaakĩ eet ꞌcĩ ala hẽlẽggĩ ꞌcĩg aar eeta hĩĩtõ nyekuꞌnya hĩ eet ꞌcĩg ĩĩn oloꞌngiaak huduhunit. Nẽẽthĩ, aduhun hatĩ eeta ꞌcĩg eteheeddi ꞌthaara cĩggĩĩng ꞌBuuhaa cĩ Rũgẽtõ ĩcĩ Mĩꞌnyoono dioo.

Terethiinit 22:15

Ma battaala ꞌtaaũna, baa aattĩg eeta ꞌcĩg aattĩg hĩ ũthũrẽẽta ꞌcĩg adĩman thooꞌthiok ꞌcĩg ĩĩn ꞌriiring, hĩ buuyyiak hĩ ngarĩta hĩ eet ꞌcĩg adtican thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ ꞌcĩg eetuk tahatak, hĩ eet ꞌcĩg aruk ꞌgõõnõgĩ, hĩ ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya, hĩ eet ꞌcĩg accamana ngaatĩ õthõõthĩ õlõng ooo haaga nẽ otongomit ꞌgõõnõgĩ.