ꞌGalaaꞌthia 5:19 - ꞌBuuk cĩ Thõõth cĩ Nyekuci

¹⁹ Muhẽẽnĩt ꞌcĩ abathĩ ꞌcĩ aaꞌnyĩk eet helemit thooꞌthiok ꞌcĩg ĩĩn ꞌriiring, hĩ dtiicanĩ ꞌcĩg abathĩ.

ꞌGalaaꞌthia 5:19 ပူးပေါင်းရင်းမြစ်များ

Yõaannẽ 3:6

Arrita eeta lõhõlĩ cĩggĩĩng, nẽẽthĩ, Lori cĩ Nyekuci diooni ꞌcĩ occa ũũhũyyii nganiit ĩĩ loholeec cĩ Nyekuci.

ꞌRooma 7:18

Haga naa aitiõõ ꞌgii ꞌcĩ abũnnaa hĩ nganĩĩt tõõ, hĩnĩngĩtĩ ꞌthẽccan caannĩ. Tananga habũraneehi naa ngaatĩ hadticanĩĩ ꞌgii ꞌcĩ abũnnaa, aalla aꞌnyamannaa ngaatĩ hadticanĩĩ noho.

ꞌRooma 7:25

Ĩlaallẽ hĩ Nyekuc, hĩnĩngĩtĩ Yeesu Krĩstõ Makayyioohit cĩnaac! Nẽẽthĩ hoti ho, hĩĩna naa õõaa caannĩ appahaca cĩ nyattal cĩ Nyekuci, nẽẽthĩ, ẽllaa caannĩ, hĩĩnĩ appahaca cĩ nyattal cĩ ꞌthẽccaanõ.

ꞌRooma 7:5

Hĩnĩngĩtĩ baa nga aggammeet ngagĩĩt thõõth ꞌcĩ habũranẽẽkĩ ꞌthẽccan, baa aaꞌnyeet nyattalĩ hũbũratteek ꞌthẽccan eleetinii cĩggaac ĩcĩg aĩnanaanneet hadaahit.

ꞌRooma 8:13

Má arũgnu niig hĩnĩngĩtĩ ꞌthẽccanẽẽt cugguung, adaaknu hatĩnĩ, nẽẽthĩ, má ũtũngteehu niig ꞌthẽccanẽẽt cĩg ẽllaak ꞌtirriaanaa cĩ Loriio, arũgnu hatĩnĩ,

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

ꞌRooma 8:5

Eeta ꞌcĩg aggam muhẽẽnĩtĩ cĩ ꞌthẽccaanõ, ammuk thõõth cĩ eleeti cĩggĩĩng diooni. Nẽ eeta ꞌcĩg aggam Lorii ꞌcĩ Ẽllẽẽmĩthĩ, ammuk thooꞌthiok cĩg Lori ꞌcĩ Ẽllẽẽmĩthĩ.

ꞌRooma 8:9

Nẽẽthĩ, ꞌgõõlaa umwaanĩ, iittiõõ niig hõllõngaa aggammuung ꞌthẽccanẽẽta cugguung, nẽẽthĩ hinnia, aggammuung ngagiit Lorii, hatĩ aaĩ Lorii cĩ Nyekuci hĩ ngagiita. Nẽ má hõllõngaa aꞌnyak ẽẽtĩ umwaa Lori cĩ Krĩstõ, aitiõõ nẽẽ hõllõngaa ĩĩn eet cĩ Krĩstõ.

1 Korinthia 3:3

Nga ĩĩgĩnnu niig eet cĩg looc nicci, hĩnĩngĩtĩ nga iinanoonnu niig nẽ eggerenytoou hõrggẽẽnaa cunuung, aitiõõ ꞌyioko niig hõllõngaa aattiyyu hĩ eeta cĩg looc nicci? Aitiõõ ꞌyioko niig hõllõngaa adticaniinnu hĩ eeta ꞌcĩg hollig ooti haaga?

1 Korinthia 6:18

Iliittia thooꞌthiok ꞌcĩg ĩĩn ꞌriiring. Nẽ ꞌthẽccanẽẽta ũgẽẽgĩ vẽlẽk ꞌcĩg ẽꞌthẽcan ẽẽtĩ, aattĩg ẽllaa cĩnnĩ battaala, nẽẽthĩ, ẽẽtĩ ꞌcĩ adĩman ꞌthẽccan ꞌcĩ attihi ngaaĩ tahatak, adĩman ꞌthẽccan cĩ ẽlẽ cĩnnĩ ẽmmẽn.

ꞌGalaaꞌthia 5:13

Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.

ꞌGalaaꞌthia 5:17

Adiim ẽlẽ baa ꞌrẽẽnĩ ꞌthẽccanẽẽt ꞌcĩg abathĩ, ꞌcĩg hõllõngaa adiim Lorii ꞌcĩ Ẽllẽẽmĩthĩ. Aruhõõ Lorii ꞌcĩ Ẽllẽẽmĩth hĩ ẽlẽ baannaac ꞌrẽẽnĩ nẽ iittiõõ hõllõngaa adĩmani nii thõõth ꞌcĩ adiimi niina.

ꞌGalaaꞌthia 6:8

Ẽẽtĩ ꞌcĩ athacĩ hinyomo cĩg thooꞌthiok ꞌcĩg abathĩ, hĩnĩngĩtĩ abũraneek ẽlẽ cĩnnẽẽnĩ, ajana ꞌthẽk hatĩ nẽẽ bathi. Nẽẽthĩ, ẽẽtĩ ꞌcĩ athacĩ hinyomo, hátĩ hatal Lorii ꞌcĩ Ẽllẽẽmĩthĩ, ajana ꞌthẽk hatĩ nẽẽ rũgẽt ꞌcĩ aalla ooo.

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

Ebereei 13:4

Aꞌnyĩĩk maac hĩ ngaa hũrũmtĩ ũdũt. Aallattia ũrũmtĩ ũdũt, hĩnĩngĩtĩ uuk hatĩ Nyekuci eet ꞌcĩ adĩman thooꞌthiok ꞌcĩg ĩĩn ꞌriiring ꞌthũwaana.

Terethiinit 21:8

Haduhaakii hatĩ naa ꞌgii ꞌcĩ edeeꞌnyiak eet ꞌcĩg ĩĩn teelliak hĩ eet ꞌcĩg hõllõngaa ẽlẽmĩ thõõth caannĩ hĩ ꞌthẽccanniook hĩ eet ꞌcĩg aruk ꞌgõõnõgĩ hĩ eet ꞌcĩg adĩman thooꞌthiok ꞌcĩg ĩĩn ꞌriiring, hĩ ꞌcĩg adtican thooꞌthiok cĩg ngaritu hĩ eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya hĩ oloꞌngiaak vẽlẽk. Adhuhoothĩk hatĩ nẽẽg ꞌgelemit cĩ ꞌgwoo ꞌcĩ aalla ooo. Nẽẽthĩ, ĩĩn niccia daahĩth ꞌcĩ ĩĩn ꞌramma.”

Terethiinit 22:15

Ma battaala ꞌtaaũna, baa aattĩg eeta ꞌcĩg aattĩg hĩ ũthũrẽẽta ꞌcĩg adĩman thooꞌthiok ꞌcĩg ĩĩn ꞌriiring, hĩ buuyyiak hĩ ngarĩta hĩ eet ꞌcĩg adtican thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ ꞌcĩg eetuk tahatak, hĩ eet ꞌcĩg aruk ꞌgõõnõgĩ, hĩ ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya, hĩ eet ꞌcĩg accamana ngaatĩ õthõõthĩ õlõng ooo haaga nẽ otongomit ꞌgõõnõgĩ.