ꞌGalaaꞌthia 5:18 - ꞌBuuk cĩ Thõõth cĩ Nyekuci

¹⁸ Nẽ má adticannu niig thooꞌthiok ꞌcĩg aduha Lorii ꞌcĩ Ẽllẽẽmĩthĩ, occa aitiõõ nyattalĩ hõllõngaa aggammuung ngagiita.

ꞌGalaaꞌthia 5:18 ပူးပေါင်းရင်းမြစ်များ

Yõaannẽ 16:13

Ma ikia Lorii ꞌcĩ Ẽllẽẽmĩth cĩ thõõth ꞌcĩ ĩĩn dĩdĩ, etereꞌthuung hatĩ agaac thõõth vẽlẽk ꞌcĩ ĩĩn dĩdĩ. Aitiõõ hõllõngaa aduha nẽẽ thõõth cĩnnĩ ẽmmẽn, aduhaakuung hatĩ thõõth ꞌcĩ athĩkna nẽẽ hĩ Baaba diooni nẽ hatĩ uduhaahuung thooꞌthiok ꞌcĩg hatĩ nga au horumwa.

ꞌRooma 7:4

Nẽẽthĩ hoti ho, ꞌgotoonoga hĩ ngoonoga, adaaktu niig buúk nyattaala, hĩnĩngĩtĩ ẽlẽ cĩ Krĩstõ, hátĩ ĩĩtõ eet cĩg Krĩstõ baag arũgna daahĩtha nẽ hĩĩtõ naag eet ꞌcĩg hadticanoothĩk Nyekuc.

ꞌRooma 8:12

ꞌGotoonoga hĩ ngoonoga, occa hõllõngaa harũgĩ naag, hátĩ hidticanit thooꞌthiok ꞌcĩg abũraneek eleeti cĩggaac.

ꞌRooma 8:14

hĩnĩngĩtĩ eeta ꞌcĩg ũũha Lorii ꞌcĩ Nyekuci, ĩĩn nẽẽg lõhõlĩ cĩg Nyekuci.

ꞌGalaaꞌthia 5:16

Nẽẽthĩ, hĩĩna naa nẽẽ, aꞌnyahit rũgẽt cunuung Loriiaa ꞌcĩ Ẽllẽẽmĩthĩ, nẽẽthĩ hatĩ iittiõõ hõllõngaa adticannu ꞌthẽccanẽẽt ꞌcĩg abathĩ ꞌcĩg abũraneeku niiga.

ꞌGalaaꞌthia 5:23

nẽ hĩĩtõ tarbalĩg, huꞌthuutti eleeti. Nẽ má adticannu niig thooꞌthiok iccig, hõllõngaa ẽꞌthẽcannu niig nyattal.

ꞌGalaaꞌthia 5:25

Aaꞌnyeet ngagĩĩt Lorii ꞌcĩ Ẽllẽẽmĩth rũgẽt nẽ ꞌyioko hũnnẽẽc naag buúk Lori ꞌcĩ Ẽllẽẽmĩthĩ.

1 Timotteeo 1:9

Nẽ haaga naag tarĩ haĩ, hõllõngaa ẽhẽnytaa nyattalĩ hĩĩ cĩ eet ꞌcĩg abũnnaa, ẽhẽnytaa hĩĩ cĩ eet ꞌcĩg abũrĩ nyattal hĩ eet ꞌcĩg ĩĩn ꞌloorriak hĩ eet ꞌcĩg hõllõngaa aga Nyekuc nẽ ẽꞌthẽcan thooꞌthiok, aruk eet tahatak, tananga maajihi hode ngaaggi.

2 Timotteeo 1:7

Hĩnĩngĩtĩ hõllõngaa aaꞌnyeet Nyekuci lori cĩ hiteelini thõng. Aaꞌnyeet nẽẽ ngagĩĩt lori cĩ ꞌtirriaanõ hĩ cĩ mĩnnaanõ hĩ ꞌgõõl ꞌcĩ hilõõtĩ eleeti jurrung.