ꞌGalaaꞌthia 5:11 - ꞌBuuk cĩ Thõõth cĩ Nyekuci

¹¹ ꞌGotoonoga hĩ ngoonoga, má nga hallimani naa thõõth ꞌcĩ occa etteedini eleeti cĩg eet ꞌcĩg maacĩg, inni haccanattaa eeta cĩg ꞌJudeei nganĩĩt ko? Occa hõllõngaa ĩĩn nyeemuut cĩ hurucceeo, thõõth umwa ꞌcĩ abathĩ, hatĩ nga hanneehi naa eet etteedit eleeti.

ꞌGalaaꞌthia 5:11 ပူးပေါင်းရင်းမြစ်များ

Dtiicanĩ cĩg ꞌThooyyiahu 16:3

Nẽ baa adiim Paaulo õõkõr hĩ Timotteeo hẽẽrõna. Nĩngĩtĩ nõõ ẽttẽẽdĩ Paaulo ẽlẽ cĩ Timotteeo, hĩnĩngĩtĩ eet cĩg ꞌJudeei ꞌcĩg arũmĩ hĩ ĩnõõnnõ ngaatĩ hõdẽẽthõng. Baa aga eeta cĩg ꞌJudeei cieeg ngaatĩ ĩĩnnĩ maaꞌnyĩ Timotteeo ꞌGiriheenit.

Dtiicanĩ cĩg ꞌThooyyiahu 21:21

Baa adukiaak lemmiook cĩg ꞌJudeei ꞌJeruꞌthalẽma ngaati aĩ, allimani nii eet ꞌcĩg ꞌJudeei ꞌcĩg arũmĩ hĩ eet ꞌcĩg hõllõngaa ĩĩn ꞌJudeei vẽlẽk, hũtũngteek nyattal cĩ Mũũꞌtha. Nẽ tarĩ ĩthĩhĩt aĩ, allimaneehi nii ĩhõõggõ hiittiõõ hõllõngaa ẽttẽẽd eleeti ꞌcĩg lõhõlĩ cĩggĩĩng ꞌcĩg maacĩg, hode hiittiõõ hõllõngaa anũ nyeppiteeꞌnya cĩg ꞌJudeei.

Dtiicanĩ cĩg ꞌThooyyiahu 21:28

nẽ urruuyyioĩ ĩĩtõ, “Eeta cĩg Ĩꞌthĩraẽlĩ, eellieetu! Eet gõõng alliman eet vẽlẽk lokor nicci thõõth ꞌcĩ abathĩ hĩ eet cĩggaac hĩ nyattal cĩnaac, hĩ halang cĩ ꞌCieeth icci Nyekuci ho cieeni. Aꞌnyaha nẽẽ ngaaoni ngaatĩ aduknaanĩ eet ꞌcĩg ꞌGirihi ngaatĩ aꞌngirannii ꞌCieethaa cĩ Nyekuci nẽ ẽꞌthẽcan nĩngĩtĩ ẽllẽẽmĩth ko.”

1 Korinthia 1:18

Hĩnĩngĩtĩ ĩĩn nyeemuut cĩ hurucceeo ꞌgiithẽnĩt hĩ eet ꞌcĩg hatĩ adaahĩ, nẽẽthĩ, hĩ ngagĩĩt ꞌcĩg heelliaa ho, ĩĩn ꞌtirrian cĩ Nyekuci.

1 Korinthia 1:23

nẽẽthĩ, hallimaneeka naag eet thõõth ꞌcĩ odooddini Krĩstõ hurucceea. Õkõmĩ hĩ eet cĩg ꞌJudeei thõõth cieeni nẽ ummuhit eeta ꞌcĩg mẽẽlĩg ꞌcĩg hõllõngaa ĩĩn ꞌJudeei ĩĩtõ, ĩĩn thõõth ciee ꞌgiithẽnĩt.

1 Korinthia 15:30

Inni hĩĩnattaaha naag eleeti cĩggaang bathi waathinniook vẽlẽk ko?

ꞌGalaaꞌthia 2:3

Nẽ tananga Tiito baa haggameehi aꞌthiit buúk, nga hĩttĩnganoothĩk ngaatĩ ẽttẽẽdĩ ẽlẽ, tananga baa ĩĩn nẽẽ ꞌGiriheenit.

ꞌGalaaꞌthia 3:1

Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

ꞌGalaaꞌthia 4:29

Baa kõr niccia, loholeec ꞌcĩ arrittiaa hĩ gõõng hõdõõkõthĩ, ikia accanan loholeec ꞌcĩ arrittiaa ꞌtirriaanaa cĩ Lori ꞌcĩ Ẽllẽẽmĩthĩ. Nẽẽthĩ ꞌyioko, aaĩ thõõth ciee buúk noho.

ꞌGalaaꞌthia 6:12

Eeta ꞌcĩg aduhaakuung ngagiit anneekuung etteedit eleeti cĩg eet ꞌcĩg maacĩg ko, adiim nẽẽg ẽtẽrꞌtha makaaꞌthĩt cĩ eleeti cĩggĩĩng. Nẽ adiim alĩĩta nẽẽg ukẽẽnĩt ꞌcĩ allimanĩ thõõth cĩ hurucce cĩ Krĩstõ.

ꞌGalaaꞌthia 6:17

Nẽẽthĩ, dtuurnattaa cĩnnĩ, hõllõngaa hadiimi eet ꞌcĩ accanannaa nganĩĩta, hĩnĩngĩtĩ haꞌnyahi naa ẽllaa caannĩ carrahulit, hĩnĩngĩtĩ hanũ Yeesu.