ꞌGalaaꞌthia 5:10 - ꞌBuuk cĩ Thõõth cĩ Nyekuci

¹⁰ Nẽẽthĩ, iiginnu niig eet cĩg Makayyiooktak. Nẽ haini naa dĩdĩ, anuyyu hatĩ niig thõõth ꞌcĩ haduha naana nẽ utuburru nyeemuut ꞌcĩ aduha eet umwaanĩ. Nẽẽthĩ, uuk hatĩ Nyekuci eet ꞌcĩ ataddaannuung ngagiit ko.

ꞌGalaaꞌthia 5:10 ပူးပေါင်းရင်းမြစ်များ

Dtiicanĩ cĩg ꞌThooyyiahu 15:24

Baa hĩthĩkta naag ꞌJeruꞌthalẽma ngaati aĩ, baa au eeta ũgẽẽgĩ eetinii cĩggaang, hiita huduktaahuung ngagiit thõõth ꞌcĩ abathĩ gẽrrẽẽt ꞌcĩ aliiliyyu. Nẽẽthĩ baa hõllõngaa hĩꞌthõõanna naag ĩhõõggõ.

1 Korinthia 5:5

aanytĩk eet nicci ꞌThĩttaan, hátĩ horoong huduhoothĩk thõõth ꞌcĩ abũraneek ẽlẽ cĩnnĩ ho nẽ eellia lorii cĩnnĩ kõr ꞌcĩ hatĩ õbõdaanĩ Makayyioohiti.

2 Korinthia 1:15

Baa hagaoothi naa ꞌrianĩĩth cunuung hĩnĩngĩtĩ ngagĩĩta nẽ hikia hummuha ngaatĩ hẽhẽẽrõnaakuung ngagiit ĩĩcĩ oou. ꞌGõõlaa cĩ, iita ummuddiaau niig ꞌgattan ꞌcĩ hẽhẽẽrõnaakuung naa tabattĩ ꞌramma.

2 Korinthia 10:2

Õthõõth eeta ũgẽẽgĩ aĩ, hidticanit naag thooꞌthiok ũgĩ ꞌcĩg abathĩ hĩ ꞌcĩg adtican eeta cĩg looc nicci. Nẽ ma hõdõlana naana, hammuhi hakuu hatĩ hothoothi komiitta hĩ ꞌgõõlaa ꞌcĩ attiranĩ thooꞌthiohĩĩ ꞌcĩg hatĩ hakuu haduhaahi naa ĩhõõggõ. Hõlõ, ma haaꞌnyaangu nganĩĩt hĩdĩmanuung ngagiit ꞌgõõla nĩĩca.

2 Korinthia 10:6

Nẽ hakũmanoothĩka hatĩ naag ngaatĩ huuka eet vẽlẽk ꞌcĩg adtican hẽlẽggĩ ꞌcĩg hõllõngaa ẽlẽmĩ Krĩstõ, hatĩ elemtu niig Krĩstõ dĩdĩ.

2 Korinthia 13:10

Ĩnõõ ꞌcĩ hẽhẽẽdakuung naa ngagiit thooꞌthiok iccig nga haayyia ꞌrẽẽna, hátĩ ma hikia, hiittiõõ hõllõngaa hothoothikuung komiitta makaaꞌthĩtaa caannĩ, ĩĩ baa aaꞌnya Makayyioohiti. Baa aaꞌnyĩhoothĩkaa nganĩĩt makaaꞌthĩt ciee, hátĩ heelluung ngagiita nẽ baa hõllõngaa aaꞌnyĩhoothĩkaa, hátĩ hĩꞌthannuung ngagiit thõng.

2 Korinthia 2:3

Baa hẽhẽẽda waraga baalĩ, hátĩ ma hikia, hiittiõõ eeta ꞌcĩg aaꞌnya haccamanoothĩk, hõllõngaa aaꞌnya hõmõthĩ. Baa õkõmĩ nganĩĩt ꞌthĩnĩt, hĩnĩngĩtĩ ngagiit vẽlẽk ꞌcĩg hatĩ othollu taliinit caannĩ.

2 Korinthia 2:6

Mẽẽlĩg eeta hõrggẽẽnaa cunuung ꞌcĩg udukta ꞌthẽccan ꞌcĩ baa adĩman ẽẽtĩ tĩho, ĩĩn niccia ukẽẽnĩt ꞌcĩ ũũppan thõõth ꞌcĩ baa adĩman nẽẽnĩ.

2 Korinthia 5:16

Nẽẽthĩ, iꞌthianaanĩ kõr nicci, hadiim naag hiittiõõ hõllõngaa hetteedĩk eet thooꞌthiok hĩ eeta cĩg looc nicci. Tananga baa hetteeddik naag Krĩstõ thõõth ꞌgõõlaa cĩ, iittiõõ hõllõngaa occa hadĩman noho tarĩ.

2 Korinthia 7:16

Haccamanoothihi naa ꞌyioko gẽrrẽẽt, hĩnĩngĩtĩ õkõm ꞌthĩnĩt caannĩ hẽlẽggẽẽnnĩĩ cĩg adticannu niiga.

2 Korinthia 8:22

Nẽ thõõth umwa cieeni, hĩꞌthõõanna naag ꞌgotooneet cĩnaang umwa hĩ Tiito, hĩ nuyyioohit cĩ Makayyiookto. Hĩttĩmatta naag ꞌgotooneet icci tabattĩ mẽẽlĩg nẽ hummuddiaawa ĩĩn nẽẽ eet ꞌcĩ aꞌnyak authet ꞌcĩ occa eelluung ngagiita nẽ ꞌyioko, adiim nẽẽ eelluung ngagiit hĩllõõan, hĩnĩngĩtĩ aarihuung nẽẽ ngagiit ꞌthĩnĩta dĩdĩ.

ꞌGalaaꞌthia 1:7

ꞌcĩ hõllõngaa ĩĩn dĩdĩ. Nẽẽthĩ, aattĩg eeta ũgẽẽgĩ ꞌcĩg aaꞌnyuung ngagiit pĩĩrnanĩt nẽ adiimmuung ngagiit ũtũbũrĩt nyeemuut ꞌcĩ abũnnaa cĩ Krĩstõ.

ꞌGalaaꞌthia 2:4

Baa hooyyia naag ꞌJeruꞌthalẽma, hĩnĩngĩtĩ eet ꞌcĩg õõlõng aĩ, hĩĩgĩnna lemmiook nẽ ĩnĩktaaheet hĩ hoppoccwaana ꞌcĩg au orootteet aĩ, haggamtaeetu thõõth ꞌcĩ haattiyyia lõꞌngõõc thõõthaa cĩ Yeesu Krĩstõ, adiim aarreet hĩĩtta appahacaaꞌnya cĩggĩĩng.

ꞌGalaaꞌthia 2:6

Nẽ eeta ꞌcĩg baag aattĩg hĩ makayyiooha, baa hõllõngaa haallahi naa ĩhõõggõ, hĩnĩngĩtĩ etteedĩk Nyekuci eet thõõth ꞌgoolliohĩĩ ꞌcĩg aattiyyi nẽẽgĩ nẽ hõllõngaa ĩttoorĩk nẽẽg thõõth umwa ꞌlimmaanaa caannĩ.

ꞌGalaaꞌthia 3:1

Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

ꞌGalaaꞌthia 4:11

Hiteelinnuung naa ngagiit, hĩnĩngĩtĩ haini, aaĩ hĩcĩ hatĩ hĩppĩĩraĩĩ dtiic caannĩ baa tiiri ho hĩ ngagiit haaga inni?

ꞌGalaaꞌthia 4:17

Nẽ ꞌlimmanniooha ꞌcĩg ĩĩn oloꞌngiaak ꞌcĩg adiim alũllũmannuung ngagiit ko, hõllõngaa adiim bũnnai cunuung. Aĩ nẽẽg, hátĩ heꞌngerrio naag hĩ ngagiit nẽ iita elemtu thõõth cĩnĩĩng.

ꞌGalaaꞌthia 4:20

Nẽ hũbũranneeha hĩĩna, occa nuun nõõ aa hũrũmtĩ hĩ ngagiit hõdẽĩ ꞌyioko, hátĩ hĩĩ tarbal hĩ ngagiita. Nẽ ꞌyioko hĩcĩ nga haayyia ꞌrẽẽna ho, ẽrẽha thõõth ꞌcĩ occa hadĩmani buúk!

ꞌGalaaꞌthia 5:12

Haini naa aitiõõ hatĩ eeta ꞌcĩg aaꞌnyuung ngagĩĩt ĩlĩĩllẽẽc ko, hõllõngaa ẽttẽẽd eleeti diooni, eꞌngerrio hĩ ĩhõõggõ ũdũt.

ꞌGalaaꞌthia 5:7

Baa elemtu niig ngaatĩ ookorru hĩ Yeesu Krĩstõ nẽ ĩĩ nganĩ ꞌcĩ occa aku ataddaannuung ngagiit ꞌgõõlaa ꞌcĩ elemmu thõõth ꞌcĩ ĩĩn dĩdĩ ho?

ꞌGalaaꞌthia 6:17

Nẽẽthĩ, dtuurnattaa cĩnnĩ, hõllõngaa hadiimi eet ꞌcĩ accanannaa nganĩĩta, hĩnĩngĩtĩ haꞌnyahi naa ẽllaa caannĩ carrahulit, hĩnĩngĩtĩ hanũ Yeesu.

Pilippi 3:15

Aꞌnyĩĩk eet vẽlẽk ꞌcĩg okomit lemiitta, helemit thooꞌthiok iccig. Nẽ má hõllõngaa elemmu thõõth umwa, haga naa aaꞌnyuung hatĩ Nyekuci agaac thõõth tĩho.

2 Tẽꞌthaloonika 3:4

Haꞌnyakta naag lemiinit hĩ Makayyioohit ꞌcĩ aduhaakeet ngagĩĩt aĩ, aꞌthuunnu niig thooꞌthiok baag hallimaneekuung naag ngagiit nẽ hatĩ aalla aꞌthuunnu noho.

1 Timotteeo 1:20

Ũgĩ aak haĩ hĩ Himeneeo hĩ Alĩthandoro, hũlũnganẽẽhĩ naa ĩhõõggõ ꞌThĩttaan, hátĩ hũtũngteek nẽẽg thooꞌthiok ꞌcĩg õdõõmĩ Nyekuc ũdũt.

Vilõmẽẽnõ 1:21

Hĩcĩ heheedi naa waraga icci ho, haga naa ngaatĩ hatĩ adĩmanĩĩ thõõth ꞌcĩ hajinnii ho jurrung nẽ occa hatĩ adĩmani hĩllõõan.