ꞌGalaaꞌthia 5:1 - ꞌBuuk cĩ Thõõth cĩ Nyekuci

¹ Nẽẽthĩ ꞌyioko, õõgaeet ngagĩĩt Yeesu Krĩstõ haaut lõꞌngõõc. Nẽ tarĩ, uꞌthuutti thõõth ꞌcĩ aattiyyu lõꞌngõõc ko jurrung, ma nga hĩĩgĩnnu appahacaaꞌnya cĩg nyattal cĩ Mũũꞌtha tarĩ.

ꞌGalaaꞌthia 5:1 ပူးပေါင်းရင်းမြစ်များ

Maatteeo 23:4

Ẽcẽbẽẽkĩ nẽẽg eet ijjio ꞌcĩg adĩddĩngĩĩ ꞌgaaũꞌnyaannĩĩ cĩggĩĩng nẽ hõllõngaa ẽẽl ĩhõõggõ hĩdĩĩc haaga buúk.

ꞌLuuka 5:38

Occa ꞌthẽk aarĩhoothĩk mẽrta cĩ viinoo ꞌcĩ nga ĩĩn ngeju hutubaawa ꞌcĩ nga ĩĩn ngeju buúk.

Dtiicanĩ cĩg ꞌThooyyiahu 15:10

Aattiyyu occa gõõng ĩꞌthõng nẽ ĩttĩmattu Nyekuc ngaatĩ aaꞌnyiku nuyyiook dtiic ꞌcĩ adĩddĩngĩĩ ꞌcĩ occa hõllõngaa hũũlũ naag hode hĩbaangĩ cĩggaac buúk inni?

ꞌRooma 6:14

Iitiõõ ꞌthẽccanĩ hõllõngaa aggammuung ngagiit tarĩ, hĩnĩngĩtĩ hõllõngaa aggammuung ngagiit nyattalĩ, nẽẽthĩ, aauttu niig lõꞌngõõc bũnnaiittaa cĩ Nyekuci.

ꞌRooma 6:18

Baa õõgtau niig ꞌthẽccaana nẽ ꞌyioko iita iittu appahacaaꞌnya ꞌcĩg adĩmannu thooꞌthiok ꞌcĩg abũnnaa.

ꞌRooma 7:3

Nẽẽthĩ, má aggamoothĩk hĩ eet umwa, hatĩ nga arũgĩ maac cĩnnẽẽnĩ, aũ eeta ĩnõõnnõ anneek aggamoothĩk hĩ eet ꞌcĩ ꞌrĩĩng. Nẽ má ikia adaak maac cĩnnĩ ho, iittiõõ nyattalĩ cĩ ꞌthũwaanõ hõllõngaa aggam ĩnõõnnõ, hatĩ ikia ũꞌthũwanĩ tarĩ.

ꞌRooma 7:6

Nẽẽthĩ ꞌyioko, iittiõõ nyattalĩ hõllõngaa aggammeet ngagĩĩt tarĩ, hĩnĩngĩtĩ baa hadaahito naag, hĩnĩngĩtĩ nyattal nẽ iitiõõ hõllõngaa hĩĩgĩn naag appahacaaꞌnya cĩgĩnnĩg. Nẽẽthĩ ꞌyioko, occa hidticattoothĩk naag Nyekuc, hõllõngaa ꞌgõõlaa ꞌcĩ haꞌthũũnnĩ nyamacaar cĩ nyattal baa ꞌrẽẽnĩ, nẽẽthĩ, hadticanoothĩk, hĩnĩngĩtĩ haauto naag ꞌgõõlaa ꞌcĩ ĩĩn ngeju ĩcĩ Loriio.

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

1 Korinthia 16:13

Aaut dĩkĩĩm, okomit lemiittaa cunuung, aanytĩk ꞌthinneeti hokomit.

1 Korinthia 7:22

Ma baa ẽbẽra Makayyioohiti appahacaaꞌnya, iita ĩĩtõ nẽẽg eet cĩgĩnnĩg ꞌcĩg õõgta. Nẽ ma ẽbẽra nẽẽ eet ꞌcĩg õõgta ẽlẽk, iita ĩĩtõ nẽẽg appahacaaꞌnya cĩg Krĩstõ.

2 Korinthia 11:20

Nẽ dĩdĩ, nga aalla anuꞌthaannu niig eet ꞌcĩg aarruung ngagiit ĩĩtõ appahacaaꞌnya noho, arratannuunga nẽ igorithit ijjio cugguung nẽ tarĩ õdõng eleeti cĩggĩĩng hĩllõõattuung ngagiita nẽ atabaangtuung ngagiit muumti cũrũmũũm nĩĩcĩ noho.

2 Korinthia 3:17

Nẽẽthĩ ꞌyioko, ĩĩn Makayyioohiti Lori ꞌcĩ Ẽllẽẽmĩthĩ nẽ nĩngĩtĩ aayyi Lorii cĩ Makayyiookto, aattĩg eeta ngaatĩho lõꞌngõõc.

ꞌGalaaꞌthia 2:4

Baa hooyyia naag ꞌJeruꞌthalẽma, hĩnĩngĩtĩ eet ꞌcĩg õõlõng aĩ, hĩĩgĩnna lemmiook nẽ ĩnĩktaaheet hĩ hoppoccwaana ꞌcĩg au orootteet aĩ, haggamtaeetu thõõth ꞌcĩ haattiyyia lõꞌngõõc thõõthaa cĩ Yeesu Krĩstõ, adiim aarreet hĩĩtta appahacaaꞌnya cĩggĩĩng.

ꞌGalaaꞌthia 3:25

Nẽẽthĩ ꞌyioko, hiita haꞌnyahit naag lemiinit niccia, iittiõõ hõllõngaa aggammeet ngagĩĩt nyattalĩ tarĩ, ũdũt.

ꞌGalaaꞌthia 4:26

Nẽ ĩthakꞌthoothĩk ꞌThaara ngaa cĩ olu ho, ꞌJeruꞌthalẽm cĩ hẽẽtkujjieen nẽ ĩĩn nẽẽ morwahit cĩnaac.

ꞌGalaaꞌthia 4:31

Nẽẽthĩ, ꞌgotoonoga hĩ ngoonoga, iittiõõ hõllõngaa hĩĩgĩn naag lõhõlĩ cĩg ngaa ꞌcĩ ĩĩn appahaca ho, hĩĩtõ naag lõhõlĩ cĩg ngaa cĩ olu ho.

ꞌGalaaꞌthia 4:9

Nẽẽthĩ, hĩcĩ ꞌyioko agayyu niig Nyekuc ko, hode ĩꞌnya da hĩĩ naa, ikia agauung Nyekuci ngagiita, inni idiimit oboddiooth ĩĩtõ appahacaaꞌnya tarĩ cĩg loriẽẽt ꞌcĩg hõllõngaa attiran, ꞌcĩg abathĩ dtẽc cĩg looc nicci ho?

ꞌGalaaꞌthia 5:13

Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.

Eevvetho 6:14

Ũkũmattoothĩk! Itihimit thõõth ꞌcĩ ĩĩn dĩdĩ haau hĩ hadẽẽngõ nẽ aanytĩhu bũnnai cĩ Nyekuci heteooyyuung ngagiit hatĩ ooyyu jora.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

1 Tẽꞌthaloonika 3:8

Aaĩ nyeemuut ꞌcĩ nga aꞌthuunnu niig lemiinit cĩ Makayyioohit Yeesu jurrung ko, hĩcĩ aaꞌnyeet ngagĩĩt haꞌnyakta rũgẽt ꞌcĩ ĩĩn ngeju.

2 Tẽꞌthaloonika 2:15

Nẽẽthĩ, ꞌgotoonoga hĩ ngoonoga, ĩnõõ ꞌcĩ hanneekuung, ĩbĩlĩt okomit nẽ uꞌthuuttu thooꞌthiok baag hallimaneekuung naag jurrung, hode haduhaakuung ũtũũgaa hode hẽhẽẽdakuung waragaawa.

Ebereei 10:23

Hĩrrĩcatta naag ngaatĩ haꞌnyahĩ muhẽẽnĩt cĩnaac nẽ hõkõmtĩ thõõth baa aduhaakeet Nyekuci ngagĩĩta, hĩnĩngĩtĩ adĩman hatĩ nẽẽ thõõth baa aduha nẽẽnĩ.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 4:14

Nẽẽthĩ, haꞌnyak naag paadĩr cobbi ꞌcĩ ũũk hẽẽtahujjieen, ĩnõõnnõ Yeesu Ngeertĩ Nyekuci. Ĩnõõ ꞌcĩ haĩ, huꞌthuutti thõõth ꞌcĩ haduha naag, hĩnĩngĩtĩ hẽlẽmĩ ĩnõõnnõ.

1 Pẽẽtũrũ 2:16

Hĩnĩngĩtĩ õõgtau niig aauttu lõꞌngõõc, nẽẽthĩ, nga iiginnu appahacaaꞌnya cĩg Nyekuci noho, nẽẽthĩ, ma hadticaniinnu thõõth ꞌcĩ ooggiannu aaut lõꞌngõõc ko, ĩdĩmattĩ thooꞌthiok ꞌcĩg abathĩ.

2 Pẽẽtũrũ 2:19

Ĩggõõl nẽẽg ĩhõõggõ anneek haaꞌnyuung aaut lõꞌngõõc nẽ ĩĩn nẽẽ nẽẽg appahacaaꞌnya cĩg ꞌthẽccaanak, hĩnĩngĩtĩ ĩĩn eeta appahacaaꞌnya cĩg hẽlẽggĩ ꞌcĩg aggam ĩhõõggõ.

ꞌJuud 1:3

ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng.

Terethiinit 2:25

Uꞌthuutti thõõth cĩ Nyekuci jurrung ĩꞌthõng hikia naana.

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.