ꞌGalaaꞌthia 4:9 - ꞌBuuk cĩ Thõõth cĩ Nyekuci

⁹ Nẽẽthĩ, hĩcĩ ꞌyioko agayyu niig Nyekuc ko, hode ĩꞌnya da hĩĩ naa, ikia agauung Nyekuci ngagiita, inni idiimit oboddiooth ĩĩtõ appahacaaꞌnya tarĩ cĩg loriẽẽt ꞌcĩg hõllõngaa attiran, ꞌcĩg abathĩ dtẽc cĩg looc nicci ho?

ꞌGalaaꞌthia 4:9 ပူးပေါင်းရင်းမြစ်များ

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

ꞌLuuka 5:38

Occa ꞌthẽk aarĩhoothĩk mẽrta cĩ viinoo ꞌcĩ nga ĩĩn ngeju hutubaawa ꞌcĩ nga ĩĩn ngeju buúk.

Yõaannẽ 10:14

“Hĩĩnĩ naa tũhayyioohit ꞌcĩ abũnnaa. Haga naa aꞌtha cĩgannĩg nẽ agayyia aꞌtha cĩgannĩg buúk nganĩĩta.

Yõaannẽ 10:27

Athĩhĩ aꞌtha cĩgannĩg molook caannĩ nẽ hagawa naa ĩhõõggõ nẽ unuyyia nẽẽg nganĩĩta.

Yõaannẽ 17:3

Nẽẽthĩ ꞌyioko, rũgẽt ꞌcĩ aalla ooo cieeni, hátĩ hagayyi nẽẽg nganiit Nyekuc hõdẽẽthõng ꞌcĩ ĩĩnĩ dĩdĩ, hĩ Yeesu Krĩstõ baa ĩꞌthõõa niina.

ꞌRooma 8:29

Hĩnĩngĩtĩ eeta baag aga Nyekuci ngaanĩngĩtĩ baarkit, ikia ẽbẽra nẽẽ ĩhõõggõ hiita haauto hĩ Ngeerĩnẽẽnĩ, hátĩ hikia haau nẽẽ hĩ loholeec ꞌcĩ oou ꞌgotoonoginnii hĩ ngoonogiinni ĩĩcĩg mẽẽlĩg.

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

1 Korinthia 13:12

Nẽẽthĩ ꞌyioko, ꞌgii vẽlẽk ꞌcĩ hacĩnĩ naag Nyekuc, aaĩ hĩcĩ hacĩn ꞌthooura cĩnnĩ ꞌcĩ hõllõngaa edeeꞌnyia jurrung maadaraawatõõ. Nẽ hatĩ uruta, hacĩn hatĩ naag ĩnõõnnõ cũrũmũũm. Hõllõngaa haga naag hẽlẽggĩ vẽlẽk, nẽẽthĩ, haga hatĩnĩ, hĩcĩ agayyeet Nyekuci ngagĩĩta.

1 Korinthia 15:34

Udtuukta thõõth ꞌcĩ abathĩ nẽ ibillu ꞌthẽccan, hĩnĩngĩtĩ aattĩg eeta ũgẽẽgĩ hõrggẽẽnaa cunuung, ꞌcĩg nga hagaacõ thõõth cĩ Nyekuci. Haduha naa thõõth icci, hátĩ haggamuung ngagiit ngaaoni.

1 Korinthia 8:3

Nẽẽthĩ, ẽẽtĩ ꞌcĩ ammĩnan Nyekuc, aga Nyekuci ngaatĩ ammĩnanĩ nẽẽ ĩnõõnnõ.

2 Korinthia 11:20

Nẽ dĩdĩ, nga aalla anuꞌthaannu niig eet ꞌcĩg aarruung ngagiit ĩĩtõ appahacaaꞌnya noho, arratannuunga nẽ igorithit ijjio cugguung nẽ tarĩ õdõng eleeti cĩggĩĩng hĩllõõattuung ngagiita nẽ atabaangtuung ngagiit muumti cũrũmũũm nĩĩcĩ noho.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

ꞌGalaaꞌthia 3:3

Adĩĩtennu niig noho inni? Má iꞌthiattaayyu niig ngaatĩ anuyyu Lori ꞌcĩ Ẽllẽẽmĩth, inni ꞌyioko idiimit edecciaak thõõth baa iꞌthianaaĩ Lorii ꞌcĩ Ẽllẽẽmĩth niig ẽmmẽn ko?

ꞌGalaaꞌthia 4:3

Baa haattĩg naag ꞌJudeei buúk noho, baa hĩĩgĩn naag buúk appahacaaꞌnya nyattaalaa cĩ looc nicci hĩ lohollia ꞌcĩg hidiciẽẽgĩ.

Eevvetho 1:17

Hara naa hala Nyekuc Baangeet ꞌcĩ abuli cĩ Makayyioohit cĩnaac Yeesu Krĩstõ, hátĩ haaꞌnyuung Lori ꞌcĩ Ẽllẽẽmĩthĩ. Aaꞌnyuung hatĩ Lorii ꞌcĩ Ẽllẽẽmĩth ko ngagiit eggeenyit nẽ agayyu thõõth ꞌcĩ hagaĩ Nyekuc jurrung.

2 Timotteeo 2:19

Nẽẽthĩ, abĩlĩ thõõth ꞌcĩ Nyekuci õkõmĩ kak, aꞌnyũũgĩ nẽ ẽtẽhẽẽdĩ battaala thõõth ꞌcĩ aĩ, “Aga Makayyioohiti eet cĩgĩnnĩg.” Nẽ, “Eeta ꞌcĩg aĩ hĩĩgĩnna eet cĩg Makayyiooktak, aꞌnyĩĩk hũtũngteek thooꞌthiok ꞌcĩg ĩĩn ꞌthẽccan.”

Ebereei 7:18

Ikia ũtũngoothĩk ꞌgõõl ꞌcĩ ꞌrẽẽnĩ baa gõõng eberriaanĩ paadĩrꞌnya, hĩnĩngĩtĩ baa iittiõõ hõllõngaa attiranĩ nẽ hõllõngaa adticanni.

2 Pẽẽtũrũ 2:20

Nẽ ma iliittia eeta bathi cĩ lootu ꞌgõõlaa ꞌcĩ agaĩ Makayyioohit Ellioohit cĩnaac Yeesu Krĩstõ nẽ ĩĩtõ appahacaaꞌnya cĩg ꞌthẽccaanak tarĩ, au hatĩ abathoothi nẽẽg hĩllõõanit authet cĩnĩĩng baa ĩĩcĩ oou.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.