ꞌGalaaꞌthia 4:8 - ꞌBuuk cĩ Thõõth cĩ Nyekuci

⁸ Baa hũnũũk, baa nga agaac niig Nyekuc, baa nga iiginnu niig appahacaaꞌnya cĩg hẽlẽggĩ ꞌcĩg aar eeta hĩĩtõ nyekuꞌnya.

ꞌGalaaꞌthia 4:8 ပူးပေါင်းရင်းမြစ်များ

Luugithõõ 5:2

Ẽdẽcĩ hinnia habuui cĩ Ijjibi aĩ, “Makayyioohit iina ꞌcĩ occa hathihi naa nẽ halahaneeha eet cĩg Ĩꞌthĩraẽlĩ hõõt ko? Ẽrẽka nganĩĩt Makayyioohiti tĩho nẽ hõllõngaa hẽlẽmaakĩ eet cĩg Ĩꞌthĩraẽlĩ hõõt.”

Yõaannẽ 1:10

Baa aaĩ Thõõth loota nĩnga, tananga baa ẽhẽnyta nẽẽ looc, baa hinnia aitiõõ ẽẽtĩ ꞌcĩ aga ĩnõõnnõ tõõ.

Dtiicanĩ cĩg ꞌThooyyiahu 14:12

Ma ho, akattieek nẽẽg Baarnaba ꞌthaar ꞌcĩg haĩ, ꞌTheu nẽ akattieek Paaulo ꞌthaar ꞌcĩg haĩ Hẽẽrmẽ, hĩnĩngĩtĩ baa ĩĩn Paaulo baattĩ thootho.

Dtiicanĩ cĩg ꞌThooyyiahu 17:23

Ma hõvvõõĩ naa ꞌtaaũn cunuung nẽ hudtuuha hẽlẽggĩ ꞌcĩg alayyu niiga, hammũda hinnia nĩngĩtĩ ĩbboorini ꞌgaarrieeniti ꞌcĩ eheedothoothĩk thooꞌthioha ꞌcĩg aĩ, ‘Cĩ Nyekuc ꞌcĩ hõllõngaa agayyi.’ Alayyu niig nyekuc icci, nẽẽthĩ hinnia, hõllõngaa agayyu ĩnõõnnõ. Nẽ hadiimi ꞌyioko haduhaakuung naa ngagiit thõõth cĩnnĩ.

ꞌRooma 1:23

nẽ ũtũngteek ngaatĩ alaĩ Nyekuc ꞌcĩ abuli ꞌcĩ aalla ooo nẽ alaacõ ꞌthoourẽẽt ꞌcĩg ẽhẽnytaa haauto hĩ eeta, hĩ hĩbaallĩ hĩ idiꞌngwa cĩg moru hĩ idiꞌngwa ꞌcĩg õgõlĩt loota ꞌcĩg hatĩ adaahĩ.

ꞌRooma 1:28

Nẽẽthĩ hoti ho, hĩcĩ ũtũbũrĩt eeta cieeg ngaatĩ aꞌthũũnnĩ thõõth cĩ Nyekuci ho, ikia alahanẽẽhĩ nẽẽ muhẽẽnĩt ꞌcĩ abathĩ haggam ĩhõõggõ, hátĩ hĩdĩmanit nẽẽg thooꞌthiok ꞌcĩg hõllõngaa occa adĩmanni.

1 Korinthia 1:21

Baa ẽggẽẽnyĩth Nyekuci ngaatĩ hõllõngaa aaꞌnyĩkĩ eet cĩg looc nicci hidticattõõĩ ꞌgẽẽnyĩth cĩnĩĩng hagayyi ĩnõõnnõ. Nẽẽthĩ hinnianĩ, baa ẽbẽra Nyekuci ngaatĩ ẽẽlĩ eet ꞌcĩg ẽlẽmĩ nyeemuut ꞌcĩ aggiithi ꞌcĩ hallimanna naag ko diooni.

1 Korinthia 12:2

Agayyu niig baa nga agaac niig Nyekuc, baa arahannuung ngagiit hẽlẽggĩ ꞌcĩg aarru niig hĩĩtõ nyekuꞌnya nẽ alayyu hẽlẽggĩ ꞌcĩg hõllõngaa õthõõth buúk.

1 Korinthia 8:4

Nẽẽthĩ hoti ho, thõõth cĩ hadahĩ ꞌgarriẽẽn ꞌcĩg aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya, haga naag haĩ ꞌgii ꞌcĩ aar eeta hĩĩ Nyekuc ho, ĩĩn ꞌgiimwa haaga looccaa nĩĩcĩ nẽ aaĩ Nyekuci hõdẽẽthõng diooni.

ꞌGalaaꞌthia 4:3

Baa haattĩg naag ꞌJudeei buúk noho, baa hĩĩgĩn naag buúk appahacaaꞌnya nyattaalaa cĩ looc nicci hĩ lohollia ꞌcĩg hidiciẽẽgĩ.

Eevvetho 4:18

Adĩĩtĩ ĩhõõggõ ooti pĩd nẽ ĩĩtõ ꞌrẽẽttĩg hĩ authet cĩ Nyekuci, hĩnĩngĩtĩ aggiithi nẽẽg nẽ aalla õkõmĩ ĩhõõggõ ooti kak.

1 Tẽꞌthaloonika 1:9

Nẽ tarĩ, baa athithan eeta vẽlẽk thõõth ꞌcĩ elemmeetu niig ngagĩĩt, kõr baa hẽhẽẽrõnaakuung, hĩ ꞌgõõl baa uunniku niig hẽlẽggĩ ꞌcĩg ala eeta hĩĩtõ nyekuꞌnya nẽ idticattoothihu Nyekuc dĩdĩ ꞌcĩ arũgĩ.

1 Tẽꞌthaloonika 4:5

Ma hiigginnu appahacaaꞌnya cĩg thooꞌthiok ꞌcĩg abũraneeku niiga, hĩ eeta ꞌcĩg hõllõngaa aga Nyekuc.

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

1 Pẽẽtũrũ 4:3

Baa unuuktihu niig ngaatĩ aattiyyu hĩ eeta ꞌcĩg hõllõngaa aga Nyekuc. Baa iiginnu niig ꞌthẽccanniook nẽ unuyyu thooꞌthiok ꞌcĩg abathĩ ꞌcĩg abũraneeku niiga. Baa adaku karramẽẽt ꞌcĩg adĩmannu thooꞌthiok ꞌcĩg ĩĩn ꞌriiring nẽ tarĩ, uhuddieeu ũdũũtĩt tahatak. Nẽ dĩdĩ, alayyu hẽlẽggĩ ꞌcĩg aar eeta hĩĩtõ nyekuꞌnya nẽ iittiõõ hõllõngaa aꞌngaonnu buúk.

1 Yõaannẽ 3:1

Ĩcĩnĩt nõõ ngaatĩ ammĩnanneet Baangẽẽtĩ ngagĩĩt gẽrrẽẽt, aũũyyeet nẽẽ ngagĩĩt anneekeet lõhõlĩ cĩgĩnnĩg, nẽẽꞌthẽk hĩĩgĩn naag lõhõlĩ cĩgĩnnĩg dĩdĩ! Nẽẽthĩ, aitiõõ eeta cĩg looc nicci hõllõngaa aga ngaatĩ hĩĩgĩnnĩ naag lõhõlĩ cĩg Nyekuci, hĩnĩngĩtĩ hõllõngaa aga nẽẽg ĩnõõnnõ.