ꞌGalaaꞌthia 4:6 - ꞌBuuk cĩ Thõõth cĩ Nyekuci

⁶ Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

ꞌGalaaꞌthia 4:6 ပူးပေါင်းရင်းမြစ်များ

Maarko 14:36

Nĩngĩtĩ alaiini nẽẽ aĩnnĩ, “Baaba! Aitiõõ ꞌgii ꞌcĩ anyamannii nganiit tõõ. ꞌTiik hooppo cĩ ꞌcannan icci battaala ẽllaa caannĩ. Nẽẽthĩ, aꞌnyĩĩk hĩdĩmanĩ tabiiniti cunni hĩcĩ atabi niina, hõllõngaa hĩcĩ hatabi naana.”

ꞌLuuka 11:13

Ma agayyu niig ngaatĩ aaꞌnyiku lõhõlĩ cugguung hẽlẽggĩ ꞌcĩg abũnnaa tananga iiginnu ꞌthẽccanniook, ma ꞌthẽk hinnia Maaꞌnyu cĩ hẽẽtkujjieen, aaꞌnyĩk hatĩ nẽẽ eet ꞌcĩg ala ĩnõõnnõ Lori ꞌcĩ Ẽllẽẽmĩth tabattĩ thõng?”

ꞌLuuka 11:2

Nĩngĩtĩ annẽẽkĩ ĩhõõggõ, “Hatĩ ma alaiinnu, alayyio hoti, “ ‘Baangeet, eleet ngagĩĩt hubuluꞌthia ꞌthaar cugunnig. Aꞌnyĩĩk habuccieet cunni hikia loota hĩcĩ aaĩ hẽẽtahujjieen.

Yõaannẽ 14:16

Nẽ haduhaahi hatĩ naa Baaba hĩꞌthõõahuung ngagiit Ellioohit, ꞌcĩ hatĩ gõõng arũmẽẽnnu hĩ ngagiit ooo.

Yõaannẽ 15:26

“Ma ikia Tilooyyiohiti ꞌcĩ hatĩ hĩꞌthõõakuung naa hĩ Baaba, Lori ꞌcĩ Thõõth ꞌcĩ ĩĩn dĩdĩ ꞌcĩ aku hĩ Baaba, aku hatĩ etereꞌthuung ngagiit thõõth caannĩ.

Yõaannẽ 16:7

Nẽẽthĩ haduhaakuung dĩdĩ, hõkõ naa ĩĩmwaanĩ, hĩnĩngĩtĩ bũnnai cunuung. Ma hõllõngaa hõkõ, aitiõõ hatĩ Ellioohiti hõllõngaa aku hĩ ngagiita nẽ má hũũha, hõkõ hatĩ hĩꞌthõõakuung ngagiit ĩnõõnnõ.

Yõaannẽ 3:34

Hĩnĩngĩtĩ ẽẽtĩ baa ĩꞌthõõa Nyekuci, õthõõth thõõth cĩ Nyekuci, hĩnĩngĩtĩ hõllõngaa abĩlĩ Nyekuci ngaatĩ aaꞌnyĩkĩ eet Lori ꞌcĩ Ẽllẽẽmĩthĩ.

Yõaannẽ 7:39

Baa õthõõth Yeesu thõõth cĩ Lori ꞌcĩ Ẽllẽẽmĩthĩ, ꞌcĩ hatĩ aaꞌnyĩhoothĩk eet vẽlẽk ꞌcĩg ẽlẽmĩ ĩnõõnnõ. Baa nga haaꞌnyĩhoothĩk Lorii ꞌcĩ Ẽllẽẽmĩth eet umwa, hĩnĩngĩtĩ baa nga haaꞌnyĩhoothĩk Yeesu bulẽẽnĩtĩ cĩnnĩ vẽlẽk.

Dtiicanĩ cĩg ꞌThooyyiahu 16:7

Ma baa ma õdõlan nẽẽg lõkõõrĩ cĩ looc cĩ Miꞌthia ho, iita idiimito nẽẽg edeccieek ĩcĩ looc cĩ Bithinia. Baa hinnia hõllõngaa ẽlẽmaakĩ Lorii cĩ Yeesu ĩhõõggõ hõõt.

ꞌRooma 5:5

Nẽ hõllõngaa adĩmanneet muhẽẽnĩtĩ ꞌcĩ abũnnaa ho ngagĩĩt ꞌbuth, hĩnĩngĩtĩ aarĩk Nyekuci mĩnnan cĩnnĩ ꞌthinneetinitõõ cĩggaac Loriiaa ꞌcĩ Ẽllẽẽmĩthĩ, ĩĩ baa aaꞌnyeet nẽẽ ngagĩĩta.

ꞌRooma 8:9

Nẽẽthĩ, ꞌgõõlaa umwaanĩ, iittiõõ niig hõllõngaa aggammuung ꞌthẽccanẽẽta cugguung, nẽẽthĩ hinnia, aggammuung ngagiit Lorii, hatĩ aaĩ Lorii cĩ Nyekuci hĩ ngagiita. Nẽ má hõllõngaa aꞌnyak ẽẽtĩ umwaa Lori cĩ Krĩstõ, aitiõõ nẽẽ hõllõngaa ĩĩn eet cĩ Krĩstõ.

1 Korinthia 15:45

Baa aduha ꞌBuuhi cĩ Nyekuci aĩ, “Baa ĩĩn Aadamĩ eet ꞌcĩ oou nẽ ĩĩ eet ꞌcĩ arũgĩ. Nẽẽthĩ, Yeesu ꞌcĩ ĩĩn Aadam ꞌcĩ adtuurna ho, ĩĩn lori ꞌcĩ aaꞌnyeet rũgẽt.”

2 Korinthia 1:22

nẽ aaꞌnyeet ngagĩĩt nyamacaar cĩnnĩ ꞌcĩ hĩĩgĩnnĩ naag cĩgĩnnĩg nẽ aarĩkeet Lori ꞌcĩ Ẽllẽẽmĩth ꞌthinneetinii cĩggaac, hẽtẽrẽtha ngaatĩ hĩĩgĩnnĩ naag cĩgĩnnĩg.

2 Korinthia 3:17

Nẽẽthĩ ꞌyioko, ĩĩn Makayyioohiti Lori ꞌcĩ Ẽllẽẽmĩthĩ nẽ nĩngĩtĩ aayyi Lorii cĩ Makayyiookto, aattĩg eeta ngaatĩho lõꞌngõõc.

Eevvetho 1:13

Ikia aꞌnyahaahuung Krĩstõ buúk ngagiit thõõth ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa ꞌcĩ occa eelliannu niiga. Baa aarrihu niig lemiinit cunuung hĩ Krĩstõ nẽ aaꞌnyĩhoothĩhuung nyamacaar cĩ Lori ꞌcĩ Ẽllẽẽmĩth baa adukiaa, hátĩ hedeeꞌnyia ngaatĩ iiginnu niig eet cĩg Nyekuci.

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Eevvetho 4:30

Nẽ ma haaꞌnyiku Lori ꞌcĩ Ẽllẽẽmĩth cĩ Nyekuci hĩlĩĩlĩ, Lori baa amacaaraniinnu niig, hĩnĩngĩtĩ kõr ꞌcĩ hatĩ ooggiannu ꞌthẽccanẽẽtĩĩ cugguung.

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Pilippi 1:19

hĩnĩngĩtĩ haga naa laiittaa cunuung hĩ eliinit ꞌcĩ aku hĩ Lori cĩ Yeesu Krĩstõ, ꞌgii baa adĩmanoothĩkaa nganĩĩta, aku hatĩ ũũkcĩ hĩĩ thõõth ꞌcĩ heellianĩĩ naana.

1 Tẽꞌthaloonika 4:8

Nẽ ẽẽtĩ ꞌcĩ ẽdẽcẽẽkĩ ꞌlimman icci, hõllõngaa ẽdẽcẽẽkĩ ꞌlimman cĩ eeto, ẽdẽcẽẽkĩ ꞌlimman cĩ Nyekuc ꞌcĩ aaꞌnyuung Lorii ꞌcĩ Ẽllẽẽmĩthĩ.

1 Pẽẽtũrũ 1:11

Baa aaĩ Lorii cĩ Krĩstõ eleetinii cĩggĩĩng, ꞌcĩ baa aduhaak ĩhõõggõ ꞌgõõl ꞌcĩ hatĩ accananiini Krĩstõ nẽ aaꞌnyĩhoothĩk bulẽẽnĩtĩ cobbiẽẽnĩ. Nẽ baa adiim nẽẽg aga eet occa hatĩ iina ꞌcĩ aku ĩĩn Krĩstõ ho nẽ aku occa hatĩ nẽẽ hatĩngaan.

ꞌJuud 1:20

Nẽẽthĩ, ꞌgotoonoga hĩ ngoonoga, aallattia uꞌthuutti lemiinit thõõthaa ĩbaa ẽllẽẽmĩth allimanoothikuung ngagiita, hĩcĩ eelluung Lorii ꞌcĩ Ẽllẽẽmĩth ngagiit alayyio ho.

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”