ꞌGalaaꞌthia 4:5 - ꞌBuuk cĩ Thõõth cĩ Nyekuci

⁵ hikia hõõgaeet ngagĩĩt nyattaalaa cĩ Mũũꞌtha, hĩĩtõ lõhõlĩ dĩdĩ ꞌcĩg harigith ꞌgii vẽlẽk õlõõ cĩ Nyekuci.

ꞌGalaaꞌthia 4:5 ပူးပေါင်းရင်းမြစ်များ

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

ꞌLuuka 1:68

“Aꞌnyĩĩk hĩdĩhĩthĩ Makayyioohiti Nyekuci cĩ Ĩꞌthĩraẽlĩ, hĩnĩngĩtĩ ikia ũrũgũtha nẽẽ eet cĩgĩnnĩg.

Yõaannẽ 1:12

Baa nẽẽꞌthẽk aattĩg eeta ũgẽẽgĩ ꞌcĩg ẽlẽmĩ ĩnõõnnõ nẽ ĩthĩhĩt thõõth cĩnnĩ, nĩngĩtĩ aaꞌnyĩkĩ nẽẽ ĩhõõggõ hiita hĩĩtõ lõhõlĩ cĩg Nyekuci.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

ꞌRooma 10:4

Ikia ũttũbaneek Krĩstõ dtiic baa aaꞌnyĩhõõthĩkĩ eet nyattalĩ. Hĩnĩngĩtĩ thõõth icci, eeta vẽlẽk ꞌcĩg ẽlẽmĩ ĩnõõnnõ, ikia aaꞌnyĩk Nyekuci ĩhõõggõ hũbũttaathõ.

ꞌRooma 8:14

hĩnĩngĩtĩ eeta ꞌcĩg ũũha Lorii ꞌcĩ Nyekuci, ĩĩn nẽẽg lõhõlĩ cĩg Nyekuci.

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

ꞌRooma 8:19

Abũraneek hẽlẽggĩ vẽlẽk baag ẽhẽnyta Nyekuci kõr ꞌcĩ hatĩ ẽbẽraanĩ Nyekuci eet cĩgĩnnĩg.

ꞌRooma 8:23

Aaꞌnyeet Lorii ngagĩĩt hagaac dĩdĩ authet ꞌcĩ hatĩ hõõ haattiyyi naag horumwa. Nẽẽthĩ ꞌyioko, haguran naag ꞌthinneetinitõõ muguruur, nga hẽrẽ Nyekuc heteretheeheet aĩ, hiita hĩĩtõ naag lõhõlĩ cĩgĩnnĩg. Aĩ thõõth ciee nẽẽ, ooggiaa hatĩ eleeti cĩggaac buúk haauto lõꞌngõõc.

ꞌRooma 9:4

Ĩꞌthĩraẽl. Hĩnĩngĩtĩ baa ĩĩn nẽẽg eet ꞌcĩg ẽbẽra Nyekuci nẽ eterꞌtheek ĩhõõggõ bulẽẽnĩt cĩnnĩ. Baa adak nẽẽ hĩ ĩhõõggõ lõhõt nẽ aaꞌnyĩk nyattal. Aaꞌnyĩk nẽẽ ĩhõõggõ authet ꞌcĩ alaĩ ĩnõõnnõ nẽ umuddia thooꞌthiok cĩgĩnnĩg ꞌcĩg ĩllõõanĩ.

ꞌGalaaꞌthia 3:13

Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 4:21

Ĩthĩktaangu dako niig nganĩĩt eeta ꞌcĩg adiimmu anuyyu nyattal cĩ Mũũꞌtha ho. ꞌYioko ꞌthẽk agayyu niig thõõth ꞌcĩ aduha nyattalĩ ho?

ꞌGalaaꞌthia 4:7

Nẽẽthĩ ꞌyioko, iittiõõ niig hõllõngaa iiginnu appahacaaꞌnya tarĩ, hĩnĩngĩtĩ iittu niig lõhõlĩ cĩg Nyekuci, nẽ hĩnĩngĩtĩ iittu lõhõlĩ cĩgĩnnĩg, iita ĩĩtõ hẽlẽggĩ cĩgĩnnĩg vẽlẽk cugguung.

Eevvetho 1:5

ikia ẽbẽraeet nẽẽ ngagĩĩt baa hũnũũk nẽ aareet hĩĩtõ lõhõlĩ cĩgĩnnĩg, hĩnĩngĩtĩ Yeesu Krĩstõ.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 9:12

Aitiõõ hõllõngaa aduhun Krĩstõ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, biyyiẽẽtĩĩ cĩg ẽẽthak hĩ cĩg maala ꞌcĩg ĩĩn ꞌgaarriẽẽn. Baa aduhun Krĩstõ nĩngĩtĩ nicci tabattĩ hõdẽẽthõng biyyiẽẽtĩĩ cĩgĩnnĩg, hátĩ hõõgaeet ngagĩĩt ꞌthẽccanẽẽtĩ cĩggaac ũdũt.

Ebereei 9:15

Ĩnõõ ꞌcĩ ĩĩnnĩ Yeesu jayyio ꞌcĩ õthõõthĩ eet hĩ Nyekuc lõhõtaa ꞌcĩ ĩĩn ngeju, hátĩ hiita hummuddia eeta vẽlẽk baag avvaa, rũgẽt ꞌcĩ aalla ooo baa aduha Nyekuci. Hĩnĩngĩtĩ baa ꞌthẽk adaahĩ Krĩstõ, hátĩ hõõga ĩhõõggõ ukẽẽttaa cĩ ꞌthẽccanẽẽt baag adĩman lõhõtaa baa ꞌrẽẽnĩ.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

Terethiinit 14:3

Nẽ ẽbẽnĩ tẽgẽl ꞌcĩ ĩĩn ngeju muumaa cĩ dtaaba cĩ Nyekuci hĩ muumaa cĩ idiꞌngwa baag ĩĩn ꞌwec ko buúk, hĩ makayyiook. Baa hiꞌthihi eet ꞌcĩ aga tẽgẽl nicci ũdũt. Aga tẽgẽl tĩho eeta ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000) ko diooni, eet baag eelliaa loota nĩnga.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.