ꞌGalaaꞌthia 4:4 - ꞌBuuk cĩ Thõõth cĩ Nyekuci

⁴ Ma baa õdõlan kõrra niccia dẽẽdẽ, ikia ĩꞌthõõa Nyekuci Ngeerĩnĩ, ꞌcĩ baa ũũkca ngaa baa aꞌthũũnnĩ nyattal cĩ Mũũꞌtha,

ꞌGalaaꞌthia 4:4 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

Maatteeo 1:23

“Ũũkca hatĩ bũhẽẽcĩ ꞌcĩ nga hatagguutho hĩ eet, loholeec ꞌcĩ maacĩ nẽ hatĩ hĩĩtõ ꞌthaar cĩgĩnnĩg Emmanuele,” Nĩngĩtĩ aĩ, “Aaĩ Nyekuci hĩ ngagĩĩta.”

Maatteeo 3:15

Ẽdẽcĩ hinnia Yeesu ĩnõõnnõ anneek, “Aꞌnyĩĩk nõõ haau hĩ ꞌyioko ho, hátĩ hĩdĩmanit thooꞌthiok vẽlẽk ꞌcĩg adiimmeet Nyekuci ngagĩĩt hidticanit.” Nĩngĩtĩ ẽlẽmmĩ Yõaannẽ ngaatĩ aggamẽẽkĩ ĩnõõnnõ baattithimo.

Maatteeo 5:17

“Ma hammuku hainnu hakuu naa hikia hĩbĩlĩ nyattal cĩ Mũũꞌtha, hode thooꞌthiok ꞌcĩg baag ẽhẽẽd põrõvẽtaaꞌnya. Baa hakuu naa hikia haaꞌnyĩk nyattal hĩ thooꞌthiok iccig, hiita hẽdẽẽnyta hĩĩtõ dĩdĩ.

Maarko 1:15

Baa õthõõth nẽẽ aĩ, “Õbõhĩ habuccieet cĩ Nyekuci aau ojoonu. Ũtũngteek ꞌthẽccanẽẽt cugguung nẽ elemtu nyeemuut ꞌcĩ abũnnaa!”

ꞌLuuka 1:31

aꞌnyaki hatĩ nii nẽ ũtũhũwa loholeec ꞌcĩ maacĩ nẽ hatĩ akateehu ꞌthaar ꞌcĩg haĩ Yeesu.

ꞌLuuka 1:35

Ẽdẽcĩ aajĩlõ ĩnõõnnõ anneek, “Alluucciakii hatĩ Lorii ꞌcĩ Ẽllẽẽmĩth nganiit nẽ ummuti ꞌtirriani cĩ Nyekuc ꞌcĩ ĩllõõan vẽlẽk. Ma urutaa cĩnnĩ, ũũkcaa hatĩ loholeec ꞌcĩ ẽllẽẽmĩth ꞌcĩ hatĩ haĩ Ngeertĩ Nyekuci.

ꞌLuuka 2:7

nĩngĩtĩ ũũkcanĩ nẽẽ ngeerĩnĩ ꞌcĩ oou nẽ ũmũmmũũran cẽrẽma nẽ aaꞌnyĩk hatangu haahũlaa ꞌcĩ aarĩkĩ eeta cĩg ꞌJudeei arteenit ꞌcĩ ẽgĩ hẽlẽggĩ, hĩnĩngĩtĩ baa ummuddioothĩk nẽẽg ĩbbĩt nĩngĩtĩ ꞌcĩ gõõng adũman heerinniooha nẽ atagguuꞌthi.

ꞌLuuka 20:44

“Ma avvĩ Daavide ĩnõõnnõ anneek, ‘Makayyioohit,’ nẽ tarĩ ikia ĩĩ nẽẽ ngeertĩ Daavide hutuno?”

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 10:36

Inni ahaddiahaangu ĩĩttĩhaangu hadĩmani ꞌthẽccan ꞌcĩ abathĩ dtẽc ngaatĩ haĩnnĩ, hĩĩnĩ Ngeertĩ Nyekuci ho? Nẽ nẽẽ tarĩ, Baaba ꞌcĩ baa ẽbẽraanna nganĩĩt nẽ ĩꞌthõõawaa hikia loota nĩnga ho.

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

Yõaannẽ 6:38

Hĩnĩngĩtĩ baa hõllõngaa halluuccia naa hẽẽtahujjieen hikia hĩdĩman tabiinit caannĩ, nẽẽthĩ, baa hakuu naa hikia hĩdĩman tabiinit cĩ eet baa ĩꞌthõõannaa nganĩĩta.

Yõaannẽ 8:42

Nĩngĩtĩ annẽẽkĩ Yeesu eet cĩg ꞌJudeei, “Má baa hĩĩ Nyekuci Maaꞌnyu cunuung, occa ꞌyioko ammĩnannaangu nganĩĩta, hĩnĩngĩtĩ baa hakuu naa hĩ ĩnõõnnõ nẽ ꞌyioko nganĩĩt cieeni. Baa hõllõngaa hakuu naa ẽmmẽn, baa ĩꞌthõõannaa nẽẽnĩ.

Dtiicanĩ cĩg ꞌThooyyiahu 1:7

Baa ẽdẽcĩ Yeesu ĩhõõggõ anneek, “Hõllõngaa ĩĩn thõõth ꞌcĩ occa agayyu niig ꞌthaa hode nyĩlõhĩ cĩgĩnnĩg cieeni. Baaba dioo ꞌcĩ aga ꞌtirriaanaa cĩnnĩ.

ꞌRooma 1:3

ĩĩn nyeemuut ciee abũnnaa ho, cĩ Ngeerĩnĩ baa aku arrittiaa hĩĩ eet hĩ naaga, hattũũgaa cĩ habu Daavide.

ꞌRooma 15:8

Haduhaakuung hanneekuung, ikia ĩĩ Krĩstõ dticciannioohit cĩ ꞌJudeei, hátĩ hẽtẽrẽtha hĩĩ, ĩĩn Nyekuci dĩdĩ thooꞌthiohĩĩ baag aduhaak maajihi cĩggĩĩng baag abuli.

ꞌRooma 5:6

Baa nga aitiõõ ẽẽtĩ ꞌcĩ eelleet ngagĩĩt tõõ, ikia ẽẽlaeet Krĩstõ ngagĩĩt hĩdĩĩkoothong nẽ adaak, hĩnĩngĩtĩ ngagĩĩt ꞌthẽccanniook.

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

ꞌRooma 9:5

Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.

Eevvetho 1:10

Nẽẽthĩ, muhẽẽnĩt tĩho cieeni. Ma ũttũbanoothĩk kõrra, aaꞌnyĩk hatĩ Nyekuci Krĩstõ haggam hẽlẽggĩ vẽlẽk cĩg hẽẽtkujjieen hĩ cĩg lootu.

Kolooꞌthe 2:14

Ikia umummuunyan Nyekuci thooꞌthiok ꞌcĩg abathĩ baag etteedothoothĩkeet ngagĩĩt, hĩnĩngĩtĩ thõõth ꞌcĩ habũrrĩ nyattal cĩ Mũũꞌtha. Baa ittik nẽẽ ĩhõõggõ battaala nẽ otoddoeek hurucceea.

1 Timotteeo 2:6

Baa ẽlẽmana nẽẽ ẽlẽ cĩnnĩ, hátĩ hõõga eet vẽlẽk haauto lõꞌngõõc. Nyeemuut ciee ꞌcĩ aaꞌnyĩk Nyekuci eet loonyini vẽlẽk, hatĩ ũttũbanoothĩk kõrra tĩho.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Ebereei 2:14

Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.

Ebereei 9:10

Ĩĩn nyattalliooha cieeg ꞌgõõl ꞌcĩ adahĩ eeta ꞌgeenniok hĩ cĩg ahũdẽẽnĩ hĩ tũũnyẽnĩt cĩ eleetinu haaga. Nẽ nyattalĩ cĩ tũũnyẽnĩt cĩ eleetinu, adticanni hatĩ hĩdĩhĩdĩĩc haaga, ĩꞌthõng hikia hẽgẽẽran nyattalĩ ꞌcĩ ĩĩn ngeju.

1 Yõaannẽ 4:14

Baa ĩꞌthõõa Nyekuci Ngeerĩnĩ hikia hĩĩ Ellioohit cĩ eet cĩg looc nicci. Baa hĩcĩtta naag Ngeerĩnĩ nẽ ꞌyioko huduktaaha naag eet thõõth cĩnnĩ.

1 Yõaannẽ 4:2

ꞌGõõl ꞌcĩ occa agayyu niig Lori cĩ Nyekuci ho cieeni. Má aduha ẽẽtĩ ꞌcĩ ẽlẽmĩ aĩ, aku Yeesu Krĩstõ loota nĩnga hĩ ẽẽtĩ ꞌcĩ holli õõ, aꞌnyak ẽẽtĩ tĩho Lori ꞌcĩ aku hĩ Nyekuc.