ꞌGalaaꞌthia 4:26 - ꞌBuuk cĩ Thõõth cĩ Nyekuci

²⁶ Nẽ ĩthakꞌthoothĩk ꞌThaara ngaa cĩ olu ho, ꞌJeruꞌthalẽm cĩ hẽẽtkujjieen nẽ ĩĩn nẽẽ morwahit cĩnaac.

ꞌGalaaꞌthia 4:26 ပူးပေါင်းရင်းမြစ်များ

Yõaannẽ 8:36

Má õõgauung ngagiit Ngeertĩ Eeto, iita aauttu niig lõꞌngõõc dĩdĩ.

ꞌRooma 6:14

Iitiõõ ꞌthẽccanĩ hõllõngaa aggammuung ngagiit tarĩ, hĩnĩngĩtĩ hõllõngaa aggammuung ngagiit nyattalĩ, nẽẽthĩ, aauttu niig lõꞌngõõc bũnnaiittaa cĩ Nyekuci.

ꞌRooma 6:18

Baa õõgtau niig ꞌthẽccaana nẽ ꞌyioko iita iittu appahacaaꞌnya ꞌcĩg adĩmannu thooꞌthiok ꞌcĩg abũnnaa.

ꞌGalaaꞌthia 4:22

Eheeddi ꞌBuuhaa cĩ Nyattaalõ aĩ, baa aꞌnyak Abũrahamĩ lõhõlĩ ꞌramma. Arritaak loholeec umwa ngaa ꞌcĩ ĩĩn appahaca nẽ ittira umwa ngaa cĩ olu.

ꞌGalaaꞌthia 4:25

Nẽẽthĩ ꞌyioko, ĩthakꞌthoothĩk Hagaarĩ Muur cĩ ꞌThĩnaĩ ꞌcĩ aaĩ looccaa cĩ Arabia nẽ ĩthahĩthoothĩk eet cĩg ꞌJeruꞌthalẽmĩ, hĩnĩngĩtĩ ĩĩn nẽẽg hĩ lõhõlĩ cĩgĩnnĩg vẽlẽk appahacaaꞌnya cĩg nyattaalak.

ꞌGalaaꞌthia 5:1

Nẽẽthĩ ꞌyioko, õõgaeet ngagĩĩt Yeesu Krĩstõ haaut lõꞌngõõc. Nẽ tarĩ, uꞌthuutti thõõth ꞌcĩ aattiyyu lõꞌngõõc ko jurrung, ma nga hĩĩgĩnnu appahacaaꞌnya cĩg nyattal cĩ Mũũꞌtha tarĩ.

Pilippi 3:20

Nẽẽthĩ, hĩĩgĩn naag eet cĩg hẽẽtkujjieen ngaatĩ aayyi Yeesu Krĩstõ. Nẽ habũraneek naag ngaatĩ hẽrẽĩ ĩnõõnnõ hõbõda hĩĩ Ellioohit cĩnaac.

Ebereei 12:22

Nẽ ꞌyioko, iitiaau niig muuraa cĩ ꞌThionĩ hĩ õlõõ cĩ Nyekuci ꞌJeruꞌthalẽma. ꞌTaaũn cobbi cĩ Nyekuc ꞌcĩ arũgĩ cieeni, nĩngĩtĩ au adahĩ aajĩlẽẽta ꞌcĩg ĩĩn aalibꞌnya hĩ aalibꞌnya karrama.

1 Pẽẽtũrũ 2:16

Hĩnĩngĩtĩ õõgtau niig aauttu lõꞌngõõc, nẽẽthĩ, nga iiginnu appahacaaꞌnya cĩg Nyekuci noho, nẽẽthĩ, ma hadticaniinnu thõõth ꞌcĩ ooggiannu aaut lõꞌngõõc ko, ĩdĩmattĩ thooꞌthiok ꞌcĩg abathĩ.

Terethiinit 12:1

Ma ho, hudtuuha ꞌgiimwa ꞌcĩ ĩnaat eeta ꞌcĩ edeeꞌnyia hẽẽtahujjieen. Ĩĩn ngaa umwa ꞌcĩ ahimit ceremwa ꞌcĩg ĩĩn kõr, abĩlĩ nyĩlõõha nẽ itihim temedek ꞌcĩ aꞌnyak mũnyũny õmmõtõ hĩ ꞌramma.

Terethiinit 17:5

Nẽ muumaa cĩnnĩ, eheedothoothĩk ꞌthaara ꞌgõõlaa ꞌcĩ ammiꞌthi ꞌcĩg aĩ, Hĩĩnĩ naa ꞌtaaũn cobbi cĩ Babiloonnia, aattĩ thooꞌthiok vẽlẽk ꞌcĩg ĩĩn ꞌriiring loota nĩnga. Nẽ hĩĩnĩ aattĩ hẽlẽggĩ vẽlẽk ꞌcĩg abathĩ gẽrrẽẽt loota nĩnga.

Terethiinit 21:2

Ma ho, hudtuuha ꞌtaaũn ꞌcĩ ẽllẽẽmĩth, ꞌJeruꞌthalẽm ꞌcĩ ĩĩn ngeju, ngaatĩ alluuccianĩ hĩ Nyekuc hẽẽtahujjieen, haau hĩ bũhẽẽcĩ ꞌcĩ ahimti hẽllẽẽm ꞌcĩ aꞌngiddiaak maac.

Terethiinit 3:12

Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng.