ꞌGalaaꞌthia 4:21 - ꞌBuuk cĩ Thõõth cĩ Nyekuci

²¹ Ĩthĩktaangu dako niig nganĩĩt eeta ꞌcĩg adiimmu anuyyu nyattal cĩ Mũũꞌtha ho. ꞌYioko ꞌthẽk agayyu niig thõõth ꞌcĩ aduha nyattalĩ ho?

ꞌGalaaꞌthia 4:21 ပူးပေါင်းရင်းမြစ်များ

Maarko 10:3

Ma ho, ẽdẽc Yeesu ĩhõõggõ ĩĩnnĩk, “Aduhaakuung baa nyattalĩ cĩ Mũũꞌtha ngagiit anneekuung neegi?”

ꞌLuuka 16:29

“Ẽdẽcĩ Abũrahamĩ anneek, ‘Aꞌnyĩĩk ꞌgotoonogu hitigiilito thooꞌthiok baag ẽhẽẽd Mũũꞌtha hĩ põrõvẽtaaꞌnya, aꞌnyĩĩk thooꞌthiok tĩko hirrioottĩk ĩhõõggõ.’

Yõaannẽ 10:34

Ẽdẽcĩ Yeesu eet cĩg ꞌJudeei anneek, “Hõllõngaa nooyyia eheeddi nyattaalaa cunuung aĩ Nyekuci, ‘Iiginnu niig nyekuꞌnya?’

Yõaannẽ 12:34

Nĩngĩtĩ õthõõthĩ lothippiti aĩnnĩ, “Baa hathĩkna naag aĩ nyattalĩ, aalla hatĩ Krĩstõ ũdũt. Nẽ inni ĩĩ nii odoꞌngi hatĩ Ngeertĩ Eeto hẽẽtahujjieen ko? Nganĩ ꞌcĩ ĩĩn Ngeertĩ Eeto ho?”

Yõaannẽ 15:25

Ĩnõõ ꞌcĩ aduhaanĩ ꞌBuuhi cĩ Nyekuci thõõth ꞌcĩ eheeddi nyattaalaa cĩnĩĩng aĩnnĩ, ‘Aaburreeka eeta nganĩĩt haaga, nga hẽꞌthẽcan thõõth umwa buúk.’

ꞌRooma 3:19

Nẽẽthĩ ꞌyioko, hagaacõ naag haĩ, ꞌgii vẽlẽk ꞌcĩ aduha nyattalĩ, aduhaak eet ꞌcĩg aattĩg nyattaalatõõ, hátĩ hiittiõõ ẽẽtĩ ꞌcĩ aĩ, nga haga Nyekuc tõõ nẽ ẽtẽrẽtha Nyekuci ngaatĩ ĩĩnnĩ eeta cĩg looc nicci vẽlẽk ꞌthẽccanniook.

ꞌRooma 6:14

Iitiõõ ꞌthẽccanĩ hõllõngaa aggammuung ngagiit tarĩ, hĩnĩngĩtĩ hõllõngaa aggammuung ngagiit nyattalĩ, nẽẽthĩ, aauttu niig lõꞌngõõc bũnnaiittaa cĩ Nyekuci.

ꞌGalaaꞌthia 3:10

Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”

ꞌGalaaꞌthia 4:9

Nẽẽthĩ, hĩcĩ ꞌyioko agayyu niig Nyekuc ko, hode ĩꞌnya da hĩĩ naa, ikia agauung Nyekuci ngagiita, inni idiimit oboddiooth ĩĩtõ appahacaaꞌnya tarĩ cĩg loriẽẽt ꞌcĩg hõllõngaa attiran, ꞌcĩg abathĩ dtẽc cĩg looc nicci ho?