ꞌGalaaꞌthia 4:19 - ꞌBuuk cĩ Thõõth cĩ Nyekuci

¹⁹ Lohollia cĩgannẽẽgĩ! Ahuccieeka nganĩĩt thõõth cunuung ꞌcĩ ũtũngteehu thõõth ꞌcĩ ĩĩn dĩdĩ, haau hĩ ngaa ꞌcĩ attur ꞌgoonnia nẽ aalla hatĩ huciithi ciee ĩꞌthõng iita elemit niig Yeesu Krĩstõ rũgẽtaa cunuung dĩdĩ.

ꞌGalaaꞌthia 4:19 ပူးပေါင်းရင်းမြစ်များ

ꞌLuuka 22:44

Baa aggam ĩnõõnnõ tẽẽlꞌthĩtĩ, nĩngĩtĩ alaiini gẽrrẽẽt ĩꞌthõng hĩdtĩlattaak mũlũha ꞌcĩg aattĩg hĩ biyyieeta looc.

ꞌRooma 13:14

Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.

ꞌRooma 8:29

Hĩnĩngĩtĩ eeta baag aga Nyekuci ngaanĩngĩtĩ baarkit, ikia ẽbẽra nẽẽ ĩhõõggõ hiita haauto hĩ Ngeerĩnẽẽnĩ, hátĩ hikia haau nẽẽ hĩ loholeec ꞌcĩ oou ꞌgotoonoginnii hĩ ngoonogiinni ĩĩcĩg mẽẽlĩg.

2 Korinthia 12:14

Hadiimi haꞌnyahaakuung heeroni caannĩ ꞌcĩ ĩĩn iyyio. Nẽ hõllõngaa hatĩ hadiimi naa eliinit umwa hĩ ngagiita. Hadiimmuung naa ngagiit dioo ĩĩtõ lemmiook cĩg Krĩstõ, hõllõngaa hĩnĩngĩtĩ hẽlẽggĩ ꞌcĩg aꞌnyaku niiga. Hõllõngaa occa lõhõlĩ ꞌcĩg kidicig ꞌcĩg occa ẽẽl maajihi hĩ ngaaggi, ĩhõõggõ ꞌcĩg occa ẽẽl lõhõlĩ cĩggĩĩng.

Eevvetho 4:13

Õkõ hatĩ dtiici ciee ĩĩcĩ oou ĩꞌthõng hũrũmeet lemiiniti nẽ hagaacõ Ngeertĩ Nyekuci. Nẽẽthĩ hatĩ hiita hĩtĩlĩthĩt naag hĩĩtõ makatĩg, lemiittaa hĩ Yeesu Krĩstõ nẽ hiita haauto naag hĩ nẽẽnĩ.

Eevvetho 4:24

nẽ aaꞌnyuung ĩĩtõ eet ꞌcĩg ĩĩn ngeju. Baa ẽhẽnytaannuung Nyekuci ngagiit aaut hĩ nẽẽnĩ, abũnnaa adĩmannu thooꞌthiok ꞌcĩg adiim nẽẽnĩ nẽ elleemtu dĩdĩ.

Pilippi 1:8

Nyekuc ꞌcĩ aga dĩdĩ, ngaatĩ hadiim hakuu hacinnuung naa ngagiita. Aga nẽẽ ngaatĩ haꞌthuunnuung naa ngagiit, hĩcĩ aꞌthuunnuung Yeesu Krĩstõ ngagiita.

Pilippi 2:17

Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

Pilippi 2:5

Aanytĩk muhẽẽnĩt cunuung hudukto hĩcĩ Yeesu Krĩstõ thõng.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

Kolooꞌthe 2:1

Hadiimmuung naa ngagiit agaac ngaatĩ hadticaniini naa gẽrrẽẽt, hĩnĩngĩtĩ ngagiit hĩ eet ꞌcĩg aattĩg ꞌtaaũnaa cĩ Laodicea hĩ ꞌcĩg nga homottiooa hĩ nganĩĩt vẽlẽk.

Kolooꞌthe 3:10

Iittu niig vẽlẽk eet ꞌcĩg ĩĩn ngeju. Ũũhũyyuung ngagiit Nyekuci hõdõõkõthĩ aaut hĩ nẽẽ Teheꞌnyioohiti cĩ rũgẽt cunuung ꞌcĩ ĩĩn ngeju, nẽ iita hatĩ agayyu ĩnõõnnõ jurrung.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

1 Tẽꞌthaloonika 2:7

Nẽ haaunna hinnia hĩĩgĩnna tarbalĩg hõrggẽẽnaa cunuung, haautta hĩ morwahit gõõng aꞌthũũnnĩ lõhõlĩ cĩgĩnnĩg ꞌcĩg kidicig.

1 Timotteeo 1:2

Heheedihi naa waraga Timotteeo, loholeec caannĩ dẽẽdẽ lemiitta. Aꞌnyĩĩk Nyekuc Baangeet cĩnaac hĩ Makayyioohit cĩnaac Yeesu Krĩstõ hatamaattihii nẽ aanyti bũnnai hĩ ganõn.

Tiito 1:4

Ẽlẽ Tiito, hẽhẽẽdakii naa nganiit waraga icci, aau nii hĩ loholeec caannẽẽnĩ, hĩnĩngĩtĩ helemit naag hĩ nganiit thõõth cĩ Nyekuci hõdẽĩ. Aꞌnyĩĩk Nyekuc Baangeet cĩnaac hĩ Makayyioohit Ellioohit cĩnaac Yeesu Krĩstõ, haanyti bũnnai nẽ aau lõꞌngõõc.

Vilõmẽẽnõ 1:10

halayyii gẽrrẽẽt ẽẽl loholeec caannĩ Onethimo. Hikia hĩĩna naa maaꞌnyĩ, lemiittaa baa nga haaĩ baabuuthatõõ.

Vilõmẽẽnõ 1:19

Nganĩĩt Paaulo ꞌcĩ heheedi waraga icci attiaa caannĩ dẽẽdẽ. Hadũmannii hatĩ naa Paaulo nganiita. Nẽ occa hõllõngaa hothoothi haini, ꞌyioko baa hiittiõõ ngaatĩ heelli naa nganiit tõõ, occa baa nga mũda rũgẽt ꞌcĩ ĩĩn ngeju hĩ Krĩstõ!

Ebereei 5:7

Waathinnioohĩĩ ĩbaag aayyi Yeesu loota nĩnga, baa ala nẽẽ Nyekuc nẽ ĩĩnnĩk ĩlaallẽ nẽ utuluuik Nyekuc ꞌcĩ occa ẽẽla ĩnõõnnõ daahĩtha. Ma ho, ĩthĩk Nyekuci ĩnõõnnõ, hĩnĩngĩtĩ baa ẽlẽmĩ Yeesu thõõth ꞌcĩ aduhaak Maaꞌnyia.

ꞌJeemith 1:18

Adiimmeet Nyekuci ngagĩĩt hĩĩtõ eet cĩgĩnnĩg nẽ ĩꞌthõõa nyeemuut ꞌcĩ ĩĩn dĩdĩ haaꞌnyeet ngagĩĩt rũgẽt ꞌcĩ ĩĩn ngeju.

1 Yõaannẽ 2:1

Lõhõlĩ cĩgannĩg, hẽhẽẽdakuung naa ngagiit waraga icci, hátĩ hiittiõõ hõllõngaa adĩmannu ꞌthẽccanẽẽt. Nẽẽthĩ, má ĩdĩmattu ꞌthẽccan, adĩman Yeesu Krĩstõ Ẽẽtĩ ꞌcĩ Abũnnaa hõdõõkõthĩ, thõõth ꞌcĩ aũlanĩ nẽ aduhaak hatĩ nẽẽ Maaꞌnyĩ hũtũngeek ꞌthẽccanẽẽt cĩggaac.

1 Yõaannẽ 2:12

Hẽhẽẽdakuung naa ngagiit lõhõlĩ cĩg Nyekuci waraga icci, hĩnĩngĩtĩ ũtũngtoothĩk ꞌthẽccanẽẽta cugguung, hĩnĩngĩtĩ Krĩstõ.

1 Yõaannẽ 5:21

Niiga lõhõlẽẽtĩg, ũtũbũrĩt hẽlẽggĩ ꞌcĩg aar eeta hĩĩtõ nyekuꞌnya.

3 Yõaannẽ 1:4

Aitiõõ taliiniti umwaa ꞌcĩ haꞌnyahi naa hĩllõõan ngaatĩ hathĩknĩ aĩ, aꞌthũũnnĩ lohollia cĩgannĩg thõõth ꞌcĩ ĩĩn dĩdĩ tõõ.