ꞌGalaaꞌthia 4:17 - ꞌBuuk cĩ Thõõth cĩ Nyekuci

¹⁷ Nẽ ꞌlimmanniooha ꞌcĩg ĩĩn oloꞌngiaak ꞌcĩg adiim alũllũmannuung ngagiit ko, hõllõngaa adiim bũnnai cunuung. Aĩ nẽẽg, hátĩ heꞌngerrio naag hĩ ngagiit nẽ iita elemtu thõõth cĩnĩĩng.

ꞌGalaaꞌthia 4:17 ပူးပေါင်းရင်းမြစ်များ

Maatteeo 23:15

“Pĩĩrnanĩt hĩ ngagiit ꞌlimmanniook cĩg nyattaalak hĩ Variꞌtheei, oloꞌngiaaha cieegi! Ovvooyyu loonyin hĩ bũlũccwa vẽlẽk, hátĩ aanytĩk eet hõdẽẽthõng hĩĩ nuyyioohit cunuung nẽ má ammũdaannu ho, aaꞌnyiku habath gẽrrẽẽt hĩĩ ngeertĩ ꞌgwoo ꞌcĩ aalla ooo haau hĩ niiga.

ꞌRooma 10:2

Hĩnĩngĩtĩ occa haduha naa haini, ammĩnan nẽẽg Nyekuc, nẽẽthĩ hinnia, mĩnnanĩ cĩnĩĩng ko, hõllõngaa aku hĩ ꞌgẽẽnyĩth.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

1 Korinthia 11:2

Hirriani naa hĩnĩngĩtĩ ngagiita, hĩnĩngĩtĩ ammuhaannaangu niig nganĩĩt hõdõõkõthĩ nẽ uꞌthuuttu ꞌlimman baa hallimaneekuung naana.

1 Korinthia 4:18

Aattĩg eeta ũgẽẽgĩ hõrggẽẽnaa cunuung ꞌcĩg athĩngõõnyan, haauto hĩcĩ hatĩ hõllõngaa hakuu naa hĩ ngagiita.

1 Korinthia 4:8

Aꞌnyaktu niig hẽlẽggĩ vẽlẽk ꞌcĩg adiimmu niiga! Iittu niig balliook ẽlẽk! Iittu niig habuẽẽt nẽ hõllõngaa ngagĩĩt ꞌcĩg haaꞌnyuung ĩĩtõ habuẽẽt ko! Occa hadiimmuung naa ngagiit ĩĩtõ habuẽẽt dĩdĩ, hátĩ hĩĩtta naag buúk habuẽẽt hõdẽĩ hĩ ngagiita!

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

ꞌGalaaꞌthia 4:16

Hikia ꞌyioko hĩĩna naa mirohit cunuung ngaatĩ haduhaakuung thõõth ꞌcĩ ĩĩn dĩdĩ ho?

ꞌGalaaꞌthia 4:18

Abũnnaa hatĩ gõõng aattiyyu hõdõõkõthĩ dĩkĩĩm nẽ ĩdĩmattu thõõth ꞌcĩ abũnnaa, tananga hĩĩ naa ꞌrẽẽn hĩ ngagiita.

Pilippi 2:21

Aallak eeta ũgẽẽgĩ thooꞌthiok ꞌcĩg adiim nẽẽgĩ, hõllõngaa aallak thõõth cĩ Yeesu Krĩstõ.

2 Pẽẽtũrũ 2:18

Athĩngõõnyan nẽẽg, hĩnĩngĩtĩ ꞌgiithẽnĩt cĩnĩĩng ko. Nẽ alũllũũman eet ꞌcĩg baag nga ũũnnĩk thooꞌthiok ꞌcĩg abathĩ thõng, ngaatĩ allimanĩ ĩhõõggõ annẽẽkĩ, aitiõõ thõõth ꞌcĩ ĩĩn ꞌriiring hõllõngaa abathĩ hatĩ adĩmannu niig thooꞌthiok ꞌcĩg adiim eleeti cugguung.

2 Pẽẽtũrũ 2:3

Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.