ꞌGalaaꞌthia 4:16 - ꞌBuuk cĩ Thõõth cĩ Nyekuci

¹⁶ Hikia ꞌyioko hĩĩna naa mirohit cunuung ngaatĩ haduhaakuung thõõth ꞌcĩ ĩĩn dĩdĩ ho?

ꞌGalaaꞌthia 4:16 ပူးပေါင်းရင်းမြစ်များ

Yõaannẽ 7:7

Aitiõõ hõllõngaa aaburreekuung eeta cĩg looc nicci ngagiita, aaburreeka nẽẽg nganĩĩt, hĩnĩngĩtĩ hĩbbõõrahi naa ĩhõõggõ thooꞌthiok ꞌcĩg abathĩ ꞌcĩg adĩman nẽẽgĩ.

Yõaannẽ 8:45

Nẽ hĩnĩngĩtĩ haduhaakuung naa thõõth ꞌcĩ ĩĩn dĩdĩ, hõllõngaa hinnia ẽlẽmmaangu niig nganĩĩta!

ꞌGalaaꞌthia 2:14

Ma baa hacini ngaatĩ arahanĩ Pẽẽtũrũ thõõthaa ꞌcĩ ĩĩn dĩdĩ ĩcĩ nyeemuut ꞌcĩ abũnnaa ho, hikia heggerenyeeha ĩnõõnnõ hõrggẽẽnaa cĩ eet vẽlẽk hĩĩnnĩha, “Ĩĩnĩ nii ꞌJudeeinit nẽ aau hĩ ẽẽtĩ ꞌcĩ hõllõngaa ĩĩn ꞌJudeeinit. Inni gõõng nii ꞌtĩnganeek eet ꞌcĩg hõllõngaa ĩĩn ꞌJudeei hũnnẽẽcõ nyattalliook cĩg ꞌJudeei ho?

ꞌGalaaꞌthia 2:5

Baa hõllõngaa hedecoothĩka naag ĩhõõggõ, tananga hĩdĩhĩdĩĩc haaga buúk, hĩnĩngĩtĩ haĩnna haala nyeemuut ꞌcĩ abũnnaa ꞌcĩ ĩĩn dĩdĩ ho hõrggẽẽnaa cunuung.

ꞌGalaaꞌthia 4:15

Ũũk taliiniti baa gõõng haccamanõõthĩkĩ naag ĩĩna? Haga naa occa baa õttõccakaangu niig nganĩĩt hẽbẽrĩ cugguung hĩcĩnõõĩ naa waathinnioohĩĩ nĩĩcag, má baa hũbũna ngaatĩ occa adĩmannu noho.

ꞌGalaaꞌthia 4:17

Nẽ ꞌlimmanniooha ꞌcĩg ĩĩn oloꞌngiaak ꞌcĩg adiim alũllũmannuung ngagiit ko, hõllõngaa adiim bũnnai cunuung. Aĩ nẽẽg, hátĩ heꞌngerrio naag hĩ ngagiit nẽ iita elemtu thõõth cĩnĩĩng.

ꞌGalaaꞌthia 5:7

Baa elemtu niig ngaatĩ ookorru hĩ Yeesu Krĩstõ nẽ ĩĩ nganĩ ꞌcĩ occa aku ataddaannuung ngagiit ꞌgõõlaa ꞌcĩ elemmu thõõth ꞌcĩ ĩĩn dĩdĩ ho?