ꞌGalaaꞌthia 4:15 - ꞌBuuk cĩ Thõõth cĩ Nyekuci

¹⁵ Ũũk taliiniti baa gõõng haccamanõõthĩkĩ naag ĩĩna? Haga naa occa baa õttõccakaangu niig nganĩĩt hẽbẽrĩ cugguung hĩcĩnõõĩ naa waathinnioohĩĩ nĩĩcag, má baa hũbũna ngaatĩ occa adĩmannu noho.

ꞌGalaaꞌthia 4:15 ပူးပေါင်းရင်းမြစ်များ

ꞌLuuka 8:13

Nẽ hinyomona ꞌcĩg ĩꞌthanothoothĩk ꞌthẽhẽhĩ ho, ĩthakꞌthoothĩk eet ꞌcĩg athĩhĩ thõõth cĩ Nyekuci taliitta nẽ itiwiillik ĩĩcĩ deeccwaanu. Ẽlẽmĩ nẽẽg Nyekuc ꞌthaa ꞌcĩ huturi haaga, ma aku ꞌtĩmmanĩ ho, ataarriothĩ thõõth cĩnnĩ.

ꞌRooma 10:2

Hĩnĩngĩtĩ occa haduha naa haini, ammĩnan nẽẽg Nyekuc, nẽẽthĩ hinnia, mĩnnanĩ cĩnĩĩng ko, hõllõngaa aku hĩ ꞌgẽẽnyĩth.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 5:2

nẽ hĩnĩngĩtĩ leminit cĩnaac, ikia aaꞌnyeet Krĩstõ ngagĩĩt eliinit cĩ Nyekuci ꞌcĩ hõllõngaa occa hammũda, ngaatĩ haattiyyi naag ꞌyioko ho. Nẽ haccamattoothĩk ngaatĩ hatĩ hõthõlĩ bulẽẽnĩt cĩ Nyekuci.

ꞌRooma 9:3

Hĩnĩngĩtĩ occa baa hadiimi naa ẽllaa caannĩ hĩccĩĩnĩ nẽ heꞌngerriooa hĩ Krĩstõ, hatĩ má occa ẽẽla thõõth ciee eet cĩgannĩg

2 Korinthia 8:3

Nẽ haduha dĩdĩ haini, baa attiha nẽẽg ꞌbaaninit ꞌcĩ maka hĩllõõan ꞌcĩ occa baa attiha nẽẽg ẽmmẽn. Hĩnĩngĩtĩ baa adiim nẽẽg adĩman noho.

ꞌGalaaꞌthia 3:14

Ikia ẽẽlaeet Yeesu Krĩstõ ngagĩĩt, hátĩ haaꞌnyĩhoothĩk eet ꞌcĩg hõllõngaa ĩĩn ꞌJudeei, ꞌgattanĩ baa aaꞌnyĩk Nyekuci Abũrahaamõ, ꞌthaarĩĩ cĩg Yeesu Krĩstõ, hátĩ hummuddia naag Lori ꞌcĩ Ẽllẽẽmĩth lemiitta, hĩ baa aduha Nyekuci aĩ, hĩꞌthõõa hatĩnĩ.

ꞌGalaaꞌthia 4:14

Nẽ tananga baa hommoori gẽrrẽẽt, baa hõllõngaa aaꞌnyuung ngagiit mõõrĩthĩ caannĩ ꞌcannan nẽ tarĩ hõllõngaa appallaarannaangu hode iiggiayyiaangu thõng buúk. Baa akũmaneekaangu hinnia haau hĩcĩ akũmaneeku aajĩlõ cĩ Nyekuci, hode akũmaneeku Yeesu Krĩstõ dẽẽdẽ.

ꞌGalaaꞌthia 4:16

Hikia ꞌyioko hĩĩna naa mirohit cunuung ngaatĩ haduhaakuung thõõth ꞌcĩ ĩĩn dĩdĩ ho?

ꞌGalaaꞌthia 4:19

Lohollia cĩgannẽẽgĩ! Ahuccieeka nganĩĩt thõõth cunuung ꞌcĩ ũtũngteehu thõõth ꞌcĩ ĩĩn dĩdĩ, haau hĩ ngaa ꞌcĩ attur ꞌgoonnia nẽ aalla hatĩ huciithi ciee ĩꞌthõng iita elemit niig Yeesu Krĩstõ rũgẽtaa cunuung dĩdĩ.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

ꞌGalaaꞌthia 6:4

Dticcian dtiic cunni jurrung, nẽẽthĩ hatĩ irrianu. Nẽ ma hĩthakꞌtheehi ẽlẽ cunni hĩ cĩ ꞌgoonogu ũgĩ.

Kolooꞌthe 4:13

Hĩcĩna naa thõõth ꞌcĩ adticaniini nẽẽ gẽrrẽẽt, hĩnĩngĩtĩ ngagiita, hĩ lemmiook cĩg ꞌtaaũn cĩ Laodicea hĩ cĩg Hierapoli buúk.

1 Tẽꞌthaloonika 2:8

Baa hammĩnannuung naag ngagiit gẽrrẽẽt nẽ haccamattoothĩha ngaatĩ haattiyyia jurrung, hõllõngaa hĩnĩngĩtĩ hõthõl nyeemuut ꞌcĩ abũnnaa cĩ Nyekuci hĩ ngagiit diooni, haccamanoothĩka hĩnĩngĩtĩ hõthõl rũgẽt cĩnaang buúk.

1 Tẽꞌthaloonika 5:13

Itingolli nẽ ĩmmĩnattu ĩhõõggõ gẽrrẽẽt, hĩnĩngĩtĩ dtiic ꞌcĩ adtican nẽẽg ko. Nẽ niig buúk hõrggẽẽnaa cunuung, aaut hĩ ꞌgoonogu lõꞌngõõc.