ꞌGalaaꞌthia 4:14 - ꞌBuuk cĩ Thõõth cĩ Nyekuci

¹⁴ Nẽ tananga baa hommoori gẽrrẽẽt, baa hõllõngaa aaꞌnyuung ngagiit mõõrĩthĩ caannĩ ꞌcannan nẽ tarĩ hõllõngaa appallaarannaangu hode iiggiayyiaangu thõng buúk. Baa akũmaneekaangu hinnia haau hĩcĩ akũmaneeku aajĩlõ cĩ Nyekuci, hode akũmaneeku Yeesu Krĩstõ dẽẽdẽ.

ꞌGalaaꞌthia 4:14 ပူးပေါင်းရင်းမြစ်များ

Maatteeo 10:40

“Ẽẽtĩ ꞌcĩ elemmuung ngagiita, ẽlẽmma nganĩĩt buúk nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.

Maatteeo 18:5

Nẽ ẽẽtĩ ꞌcĩ ẽlẽmĩ loholeec ꞌcĩ hidici ho ꞌthaarĩĩ cĩgannĩg, ẽlẽmma nganĩĩta.

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

ꞌLuuka 10:16

Ma ho, uduhaak Yeesu nuyyiook cĩgĩnnĩg ĩĩnnĩk, “Ẽẽtĩ ꞌcĩ athiknuung ngagiita, athĩkna nganĩĩt buúk. Nẽ ẽẽtĩ ꞌcĩ aburruung ngagiita, abũrra nganĩĩt buúk. Nẽ ẽẽtĩ ꞌcĩ abũrra nganĩĩta, abũrĩ eet baa ĩꞌthõõannaa nganĩĩt buúk.”

Yõaannẽ 13:20

Nẽ haduhaakuung dĩdĩ, ẽẽtĩ ꞌcĩ ẽlẽmĩ eet ꞌcĩ hĩꞌthõõa naana, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.”

1 Korinthia 1:28

Adticaniini Nyekuci eet ꞌcĩg arannĩ eeta cĩg looc nicci aĩ, hõllõngaa aaddi hode aĩ ĩĩn eet ũgĩ haaga, hĩꞌthaanĩ thooꞌthiok ꞌcĩg ammuk eeta ꞌcĩg looc nicci aĩ aaddi.

1 Korinthia 4:10

Hĩĩgĩnna naag ꞌgiiꞌthiak, hĩnĩngĩtĩ Krĩstõ, nẽẽthĩ hinnia, eggeeꞌnyu niig hĩ Krĩstõ! Hõllõngaa hattiranna naaga, nẽẽthĩ hinnia, attirannu niiga! Iꞌngoliinnuung eeta ngagiita nẽ hõllõngaa iꞌngoliinneet ngagĩĩta!

2 Korinthia 5:20

Hĩĩtõ naag ꞌthooyyiak cĩg Krĩstõ nẽ alauung Nyekuci ngagiit aĩ, ĩthĩhĩt nyeemuut cĩnnĩ ꞌcĩ ĩĩn ngeju ho. Hõthõõꞌtha naag nyeemuut cĩ Krĩstõ nẽ dĩdĩ hadiimmuung naag ngagiit agayyio hĩ Nyekuc.

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

ꞌGalaaꞌthia 4:13

Dĩdĩ, agayyu niig aĩ, baa hommoori naa baa hakuu hallimaneekuung nyeemuut ꞌcĩ abũnnaa ĩĩcĩ oou.

ꞌGalaaꞌthia 4:15

Ũũk taliiniti baa gõõng haccamanõõthĩkĩ naag ĩĩna? Haga naa occa baa õttõccakaangu niig nganĩĩt hẽbẽrĩ cugguung hĩcĩnõõĩ naa waathinnioohĩĩ nĩĩcag, má baa hũbũna ngaatĩ occa adĩmannu noho.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

1 Tẽꞌthaloonika 4:8

Nẽ ẽẽtĩ ꞌcĩ ẽdẽcẽẽkĩ ꞌlimman icci, hõllõngaa ẽdẽcẽẽkĩ ꞌlimman cĩ eeto, ẽdẽcẽẽkĩ ꞌlimman cĩ Nyekuc ꞌcĩ aaꞌnyuung Lorii ꞌcĩ Ẽllẽẽmĩthĩ.

Ebereei 13:2

Ma hataarroꞌthu ngaatĩ avvaannu eet ꞌcĩg ĩĩn tahan hatĩ au õlõ, hĩnĩngĩtĩ eeta ũgẽẽgĩ ꞌcĩg baag avva tahan, ĩko hinnia avva aajĩlẽẽt nẽ hõllõngaa aga ngaatĩ ĩĩnnĩ aajĩlẽẽt buúk.