ꞌGalaaꞌthia 3:29 - ꞌBuuk cĩ Thõõth cĩ Nyekuci

²⁹ Nẽ ma iittu niig eet cĩg Krĩstõ, iita iittu niig eet cĩg halang cĩ Abũrahamĩ. Nẽ iita hatĩ ummuddiaau niig ꞌgattan cĩ thõõth baa aduhaak Nyekuci Abũrahaamõ.

ꞌGalaaꞌthia 3:29 ပူးပေါင်းရင်းမြစ်များ

Maatteeo 3:9

Ma hammuku hainnu, ‘Haꞌnyaka nẽẽ naag baangeet cĩnaang Abũrahaamõ.’ Haduhaakuunga! Aga Nyekuci ngaatĩ ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

1 Korinthia 15:23

Nẽẽthĩ, occa hẽrẽẽa naag vẽlẽk hõdẽĩ hõdẽĩ kõr cĩnaac. Baa nõõ arũgtha Nyekuci Krĩstõ ĩĩcĩ oou daahĩtha nẽ arũgthaa hatĩ eeta cĩgĩnnĩg buúk daahĩtha hatĩ õbõda nẽẽnĩ.

2 Korinthia 10:7

Akannu niig hẽbẽrĩ hẽlẽggĩ ꞌcĩg acinnu niig battaali thõng diooni. Má ammuk ẽẽtĩ umwaa aĩ hĩĩnĩ eet cĩ Krĩstõ, aꞌnyĩĩk hummuhunõõthĩ nẽẽ hĩĩ, hĩĩgĩnna naag buúk eet cĩg Krĩstõ hĩ nẽẽnĩ.

ꞌGalaaꞌthia 3:16

Baa aduhaak Nyekuci Abũrahaamõ hĩ loholeec cĩnnĩ thõõth ꞌcĩ hatĩ aggatanĩ nẽẽ eet loonyini vẽlẽk, hĩnĩngĩtĩ Abũrahaamõ. Nẽ agaac ngaatĩ hõllõngaa aduhaanĩ ꞌBuuhi cĩ Nyekuci aĩnnĩ, “Hõllõngaa õkõ ꞌgattanĩ ciee hĩ lõhõlĩ cĩgĩnnĩg,” ꞌcĩg mẽẽlĩg, ĩko aĩ õkõ, “Hĩ loholeec cĩnnĩ,” nẽ ĩĩn loholeec niccia Krĩstõ.

ꞌGalaaꞌthia 3:18

Má hanũ naag nyattal hátĩ hummuddia ꞌgattan hĩ Nyekuc, aitiõõ ꞌgattanĩ nicciee hõllõngaa aku, hĩnĩngĩtĩ thõõth ꞌcĩ aduha Nyekuci. Nẽ Nyekuc dioo bũnnaiittaa cĩnnĩ, ꞌcĩ baa aaꞌnyĩk Abũrahaamõ ꞌgattan icci ho, thõõthaa baa aduhaak Nyekuci ĩnõõnnõ.

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

ꞌGalaaꞌthia 3:7

Nẽ agaac ĩĩtõ, eeta ꞌcĩg ẽlẽmĩ Nyekuc, ĩĩn nẽẽg lõhõlĩ cĩg Abũrahamĩ.

ꞌGalaaꞌthia 4:1

Haini naa thõõthaa cĩ nẽẽ, ma nga hĩdĩĩc loholeeca, aduhõõ hĩ appahaca thõng, tananga arigith loholeec õlõ cĩnĩĩng hatĩ adaak maaꞌnyia.

ꞌGalaaꞌthia 4:7

Nẽẽthĩ ꞌyioko, iittiõõ niig hõllõngaa iiginnu appahacaaꞌnya tarĩ, hĩnĩngĩtĩ iittu niig lõhõlĩ cĩg Nyekuci, nẽ hĩnĩngĩtĩ iittu lõhõlĩ cĩgĩnnĩg, iita ĩĩtõ hẽlẽggĩ cĩgĩnnĩg vẽlẽk cugguung.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

ꞌGalaaꞌthia 6:16

Aaꞌnyĩk hatĩ Nyekuci eet vẽlẽk ꞌcĩg anũ thõõth icci, authet ꞌcĩ aattiyyi lõꞌngõõc hĩ tamaati cĩnnĩ, tananga eet cĩg Ĩꞌthĩraẽlĩ cĩg Nyekuci.

Eevvetho 3:6

Nẽ muhẽẽnĩt ꞌcĩ ĩllõõan ꞌgẽẽnyĩth cĩ eetu ho cieeni. Hĩnĩngĩtĩ Yeesu Krĩstõ, aaꞌnyĩk nyeemuut ꞌcĩ abũnnaa eet ꞌcĩg hõllõngaa ĩĩn ꞌJudeei, hotholit hĩ eet ꞌcĩg ĩĩn ꞌJudeei vẽlẽk, baliinit ꞌcĩ hatĩ arigith lohollia cĩg Nyekuci. Au hatĩ ĩĩn eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei vẽlẽk, ẽlẽ hõdẽẽthõng nẽ accamanoothĩk hatĩ nẽẽg vẽlẽk ꞌgattaana, hĩnĩngĩtĩ iita ĩĩtõ nẽẽg vẽlẽk eet cĩg Yeesu Krĩstõ.

Tiito 3:7

hátĩ helemeet Nyekuci ngagĩĩt bũnnaiittaa cĩnnĩ nẽ horumwa hummuddia rũgẽt ꞌcĩ aalla ooo õlõõ cĩnnĩ.

Ebereei 1:14

Nẽẽthĩ hoti ho, ĩĩn aajĩlẽẽta loriẽẽt haaga ꞌcĩg ĩꞌthooyyiaa, hiita hidticattoothĩk eet ꞌcĩg hatĩ eelliaa.

Ebereei 11:18

tananga baa aduhaak Nyekuci ĩnõõnnõ anneek, “Iꞌthaako ngeeruni, ꞌcĩ hatĩ arrittiaanĩ lohollia cĩg lõhõlĩ cugunnig.”

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Ebereei 6:17

Nẽ tarĩ, aꞌthũũnnĩ Nyekuci ẽllaa cĩnnĩ ẽmmẽn lõbũtĩ, hátĩ hagaacõ eeta baag aduhaak nẽẽ lõbũtĩ ngaatĩ ĩĩnnĩ thõõth cĩ Nyekuci dĩdĩ.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

Terethiinit 21:7

Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.