ꞌGalaaꞌthia 3:28 - ꞌBuuk cĩ Thõõth cĩ Nyekuci

²⁸ Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

ꞌGalaaꞌthia 3:28 ပူးပေါင်းရင်းမြစ်များ

Yõaannẽ 10:16

Haꞌnyahi naa aꞌtha ũgĩ ꞌcĩg nga aitiõõ logguuratõõ cĩ tõõ. Hadiimi hatĩ halũta ĩhõõggõ buúk hiita logguuratõõ cĩ. Athĩhĩ hatĩ nẽẽg molook caannĩ, ĩĩn hatĩ nyalõmaar hõdẽẽthõng nẽ ĩĩ tũhayyioohiti hõdẽẽthõng.

Yõaannẽ 11:52

Nẽẽthĩ nẽẽꞌthẽk, hõllõngaa occa adaahĩ Yeesu, hĩnĩngĩtĩ eet cĩg ꞌJudeei diooni, baa adaahĩ nẽẽ, hĩnĩngĩtĩ eet cĩg Nyekuci ꞌcĩg ĩꞌthanothoothĩk looc nicci vẽlẽk, hátĩ hũlũta nẽẽ ĩhõõggõ vẽlẽk ngaatĩ hõdẽẽthõng.

Yõaannẽ 17:11

Iittiõõ hatĩ naa hõllõngaa haalla loota nĩnga, nẽẽthĩ, nga aalla nẽẽg looccaa nĩĩcĩ, nẽẽthĩ ꞌyioko, hikia naa hĩ nganiita. Baaba ꞌcĩ Ẽllẽẽmĩthĩ, ꞌthũũtĩ ĩhõõggõ ꞌtirriaanaa cĩ ꞌthaar cugunnig, ꞌthaar baag aaꞌnyaa nii nganĩĩta, hátĩ hũrũmtĩ nẽẽg hõdẽĩ hĩcĩ harũmĩ naag hĩ nganiita.

ꞌRooma 1:16

Hõllõngaa haꞌngaaoni naa ngaatĩ hirriõõnĩ nyeemuut ꞌcĩ abũnnaa, hĩnĩngĩtĩ ĩĩn nẽẽ ꞌtirrian cĩ Nyekuci ꞌcĩ eellianĩ eeta vẽlẽk ꞌcĩg ĩĩn lemmiook, ꞌJudeei nõõ ĩcĩ oou, nẽẽthĩ hatĩ ĩĩ eet ꞌcĩg hõllõngaa ĩĩn ꞌJudeei uruta.

ꞌRooma 3:22

Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta,

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 9:24

Hĩĩgĩn naag eet ꞌcĩg heberriaa ho, eetinii cĩg ꞌJudeei hĩ ĩcĩg hõllõngaa ĩĩn ꞌJudeei,

1 Korinthia 7:14

Maac cunni hode ngaa cunni ꞌcĩ hõllõngaa ĩĩn lemmioohit, ikia ĩĩ tẽlla, hĩnĩngĩtĩ ũꞌthũwanii nganiita. Thõõth icci ꞌcĩ aaꞌnyĩk lõhõlĩ cugguung buúk hĩĩtõ tẽllĩg, hĩcĩ ꞌyioko ẽllẽẽmĩth muumaa cĩ Nyekuci ho.

1 Korinthia 7:19

Ĩĩn ꞌteediniti cĩ ello hode thõõth ꞌcĩ hõllõngaa etteedini ẽlẽ, thõõth umwa haaga. Thõõth ꞌcĩ aaddi ꞌcĩ hathĩknĩ tilooinit cĩ Nyekuci dioo.

ꞌGalaaꞌthia 3:14

Ikia ẽẽlaeet Yeesu Krĩstõ ngagĩĩt, hátĩ haaꞌnyĩhoothĩk eet ꞌcĩg hõllõngaa ĩĩn ꞌJudeei, ꞌgattanĩ baa aaꞌnyĩk Nyekuci Abũrahaamõ, ꞌthaarĩĩ cĩg Yeesu Krĩstõ, hátĩ hummuddia naag Lori ꞌcĩ Ẽllẽẽmĩth lemiitta, hĩ baa aduha Nyekuci aĩ, hĩꞌthõõa hatĩnĩ.

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 4:14

Nẽ tananga baa hommoori gẽrrẽẽt, baa hõllõngaa aaꞌnyuung ngagiit mõõrĩthĩ caannĩ ꞌcannan nẽ tarĩ hõllõngaa appallaarannaangu hode iiggiayyiaangu thõng buúk. Baa akũmaneekaangu hinnia haau hĩcĩ akũmaneeku aajĩlõ cĩ Nyekuci, hode akũmaneeku Yeesu Krĩstõ dẽẽdẽ.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Eevvetho 1:1

Waraga ciee ꞌcĩ aku hĩ nganĩĩt Paaulo, eet ꞌcĩ ẽbẽraanna Nyekuci tabiittaa cĩnnĩ, hĩĩ ꞌthooyyiahit cĩ Yeesu Krĩstõ. Heheedihi naa waraga icci eet ꞌcĩg ẽllẽẽmĩth cĩg Nyekuci ꞌtaaũnaa cĩ Eevvetho. Eet ꞌcĩg aꞌthũũnnĩ thõõth cĩ Yeesu Krĩstõ nẽ ĩĩtõ nuyyiook cĩgĩnnĩg.

Eevvetho 4:4

Iiginnu niig vẽlẽk eet cĩg ẽlẽ hõdẽẽthõng. Ĩĩn Lorii cĩ Nyekuci hõdẽẽthõng, hĩ baa aaꞌnyuung ngagiit Nyekuci muhẽẽnĩt hõdẽẽthõng ꞌcĩ abũnnaa.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Kolooꞌthe 1:4

Baa hĩthĩkta naag ngaatĩ elemmu niig Yeesu Krĩstõ nẽ ĩmmĩnattu eet vẽlẽk cĩg Nyekuci,

Kolooꞌthe 3:11

Rũgẽtaa ꞌcĩ ĩĩn ngeju ho, aduhoonnu niig vẽlẽk thõng, hatĩ iiginnu ꞌGirik hode iiginnu ꞌJudeei hode etteeddi eleeti cĩg eet ꞌcĩg maacĩg hode nga hetteeddi eleeti. Hode iiginnu eet ꞌcĩg ꞌrĩĩng hode eet ꞌcĩg nga illimattĩ, hode iiginnu appahacaaꞌnya hode eet ꞌcĩg hõllõngaa ĩĩn appahacaaꞌnya. Krĩstõ dioo ꞌcĩ tiirẽẽnĩ nẽ aaĩ nẽẽ hĩ ngagĩĩt vẽlẽk.

1 Timotteeo 1:12

Hatali naa Yeesu Krĩstõ Makayyioohit cĩnaac baa aaꞌnya nganĩĩt ꞌtirrian, hĩnĩngĩtĩ acĩnna nẽẽ nganĩĩt ngaatĩ haꞌthũũnnĩ thõõth ꞌcĩ hadticanĩĩ dtiic cĩnnĩ dĩdĩ.

2 Timotteeo 1:1

Nganĩĩt Paaulo ꞌthooyyiahit cĩ Yeesu Krĩstõ. Baa Nyekuc ꞌcĩ ẽbẽraanna nganĩĩt nẽ aaꞌnya rũgẽt baa aduha nẽẽ aĩ, aku hĩ Yeesu Krĩstõ.