ꞌGalaaꞌthia 3:26 - ꞌBuuk cĩ Thõõth cĩ Nyekuci

²⁶ Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 3:26 ပူးပေါင်းရင်းမြစ်များ

Yõaannẽ 1:7

ꞌcĩ baa aku aduhaak eet lanyit nicci, hátĩ helemit eeta vẽlẽk ĩnõõnnõ.

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:19

Abũraneek hẽlẽggĩ vẽlẽk baag ẽhẽnyta Nyekuci kõr ꞌcĩ hatĩ ẽbẽraanĩ Nyekuci eet cĩgĩnnĩg.

2 Korinthia 1:1

Nganĩĩt Paaulo ꞌcĩ hĩĩnĩ ꞌthooyyiahit cĩ Yeesu Krĩstõ, ꞌcĩ hẽhẽẽdakuung waraga icci, hĩnĩngĩtĩ baa ẽbẽraawa nganĩĩt Nyekuci thõõthaa cĩ. Harũmeenna hĩ Timotteeo ꞌcĩ ĩĩn lemmioohit hĩ naa buúk. Hĩꞌthõõakuung naa ngagiit waraga icci, lemmiook cĩg ꞌtaaũn cĩ Korinthia hĩ lothippit cĩ lemmiook vẽlẽk ꞌcĩg aattĩg looccaa cĩ Acaia.

2 Korinthia 6:18

“Hĩĩna hatĩ naa Maaꞌnyu cunuung nẽ iittu hatĩ niig lõhõlĩ cĩgannĩg, haduha naa Makayyioohiti ꞌTirriannioohiti ꞌcĩ hĩllõõani vẽlẽk.”

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

ꞌGalaaꞌthia 4:14

Nẽ tananga baa hommoori gẽrrẽẽt, baa hõllõngaa aaꞌnyuung ngagiit mõõrĩthĩ caannĩ ꞌcannan nẽ tarĩ hõllõngaa appallaarannaangu hode iiggiayyiaangu thõng buúk. Baa akũmaneekaangu hinnia haau hĩcĩ akũmaneeku aajĩlõ cĩ Nyekuci, hode akũmaneeku Yeesu Krĩstõ dẽẽdẽ.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Eevvetho 1:1

Waraga ciee ꞌcĩ aku hĩ nganĩĩt Paaulo, eet ꞌcĩ ẽbẽraanna Nyekuci tabiittaa cĩnnĩ, hĩĩ ꞌthooyyiahit cĩ Yeesu Krĩstõ. Heheedihi naa waraga icci eet ꞌcĩg ẽllẽẽmĩth cĩg Nyekuci ꞌtaaũnaa cĩ Eevvetho. Eet ꞌcĩg aꞌthũũnnĩ thõõth cĩ Yeesu Krĩstõ nẽ ĩĩtõ nuyyiook cĩgĩnnĩg.

Eevvetho 1:5

ikia ẽbẽraeet nẽẽ ngagĩĩt baa hũnũũk nẽ aareet hĩĩtõ lõhõlĩ cĩgĩnnĩg, hĩnĩngĩtĩ Yeesu Krĩstõ.

Eevvetho 5:1

Nẽẽthĩ hoti ho, ĩthahithit Nyekuc hĩ lohollia cĩgĩnnĩg ꞌcĩg ammĩnan nẽẽnĩ

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Pilippi 1:8

Nyekuc ꞌcĩ aga dĩdĩ, ngaatĩ hadiim hakuu hacinnuung naa ngagiita. Aga nẽẽ ngaatĩ haꞌthuunnuung naa ngagiit, hĩcĩ aꞌthuunnuung Yeesu Krĩstõ ngagiita.

Pilippi 2:15

hátĩ ĩmmĩrĩt nẽ iittu lõhõlĩ cĩg Nyekuci ꞌcĩg tẽllĩg ꞌcĩg aitiõõ ꞌthẽccanĩ tõõ. Aattiyyu niig looccaa cĩ eet ꞌcĩg ĩĩn ꞌloorriak ꞌcĩg abathĩ, nẽẽthĩ, aanytĩk thooꞌthiok ꞌcĩg abũnnaa ꞌcĩg adĩmannu niig ko, hatalanyit haauto hĩ mũnyũnya.

Kolooꞌthe 1:4

Baa hĩthĩkta naag ngaatĩ elemmu niig Yeesu Krĩstõ nẽ ĩmmĩnattu eet vẽlẽk cĩg Nyekuci,

Kolooꞌthe 2:6

Nẽẽthĩ ꞌyioko, hĩcĩ elemtu niig Yeesu Krĩstõ hĩĩ Makayyioohit cunuung ko, aallattia ũnnẽẽc ĩnõõnnõ diooni.

Vilõmẽẽnõ 1:1

Waraga ꞌcĩ aku hĩ nganĩĩt Paaulo hĩ ꞌgotooneet Timotteeo cieeni, haaĩ naa baabuutha hĩnĩngĩtĩ hirriooni nyeemuut cĩ Yeesu Krĩstõ. Hẽhẽẽdakii naa nganiit Vilõmẽẽnõ, ꞌcĩ hammĩnannii nẽ hidticattõõ hõdẽĩ waraga icci,

Vilõmẽẽnõ 1:9

Nẽ hĩnĩngĩtĩ mĩnnan cĩnaac, occa hanneekii ꞌmuuk thõõth icci haau hĩ jinẽẽnĩtĩ ꞌcĩ aku hĩ nganĩĩt Paaulo, ꞌcĩ hatahaanya nẽ ꞌyioko hĩĩna baabutheenit, hĩnĩngĩtĩ Yeesu Krĩstõ buúk,

Terethiinit 21:7

Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.