ꞌGalaaꞌthia 3:22 - ꞌBuuk cĩ Thõõth cĩ Nyekuci

²² Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.

ꞌGalaaꞌthia 3:22 ပူးပေါင်းရင်းမြစ်များ

Maarko 16:16

Ẽẽtĩ ꞌcĩ ẽlẽmĩ nyeemuut nẽ aggam baattithimo, eelliaa hatĩ nẽẽnĩ, nẽẽthĩ, ẽẽtĩ ꞌcĩ hõllõngaa ẽlẽmĩ, uuki hatĩ nẽẽnĩ.

Yõaannẽ 12:46

Baa hakuu naa loota nĩnga hĩĩ lanyit, hatĩ hiittiõõ eeta ꞌcĩg ẽlẽmma nganĩĩt hõllõngaa aattĩg muguratõõ.

Yõaannẽ 20:31

Nẽẽthĩ, baa eheeddi thooꞌthioha cieeg, hátĩ elemit niig ngaatĩ ĩĩnnĩ Yeesu Krĩstõ Ngeertĩ Nyekuci. Nẽ má elemtu, aꞌnyaku hatĩ rũgẽt ꞌcĩ aalla ũdũt ꞌthaarĩĩ cĩgĩnnĩg.

Yõaannẽ 3:36

Ammũda hatĩ eeta vẽlẽk ꞌcĩg ẽlẽmĩ Ngeertĩ Nyekuci rũgẽt ꞌcĩ aalla ooo nẽ ẽẽtĩ ꞌcĩ abũrĩ thõõth cĩ Ngeertĩ Nyekuci, hõllõngaa hatĩ ammũda rũgẽt niccia, alĩĩllĩk hatĩ Nyekuci eet tĩho nẽ uuk ĩnõõnnõ ũdũt!”

Yõaannẽ 5:24

Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.

Yõaannẽ 6:40

Hĩnĩngĩtĩ tabiiniti cĩ Baaba, adiim eet vẽlẽk ꞌcĩg acĩn Ngeerĩnĩ nẽ elemit ĩnõõnnõ, humuddia rũgẽt ꞌcĩ aalla ooo nẽ hũrũgũthaa ĩhõõggõ kõr cĩ decciaanĩt cĩ lootu.”

Dtiicanĩ cĩg ꞌThooyyiahu 16:31

Ẽdẽcĩ Paaulo hĩ ꞌThĩĩla anneek, “Ẽlẽ, lẽẽm Makayyioohit Yeesu, hátĩ eellia nii hĩ halang cunni vẽlẽk.”

ꞌRooma 10:9

Hĩnĩngĩtĩ má uduha nii ũtũũgaa cunni iinu, “Ĩĩn Yeesu Makayyioohit,” nẽ elemu ꞌthĩnĩtaa cunni iinu, baa arũgtha Nyekuci ĩnõõnnõ daahĩtha, eellia hatĩnĩ.

ꞌRooma 11:32

Baa ũtũbũrĩt eeta vẽlẽk thõõth cĩ Nyekuci, ĩnõõ ꞌcĩ adĩmanĩ nẽẽ ĩhõõggõ hĩ eeta ꞌcĩg ĩĩn baabuuthnya ho. Hátĩ hatamaatĩk ĩhõõggõ vẽlẽk.

ꞌRooma 3:22

Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta,

ꞌRooma 3:23

hĩnĩngĩtĩ ẽꞌthẽcattõõ eeta vẽlẽk nẽ udhukta nẽẽg vẽlẽk, iittiõõ ẽẽtĩ ꞌcĩ ammũda bulẽẽnĩt cĩ Nyekuci tõõ,

ꞌRooma 5:12

Ma baa ẽꞌthẽcanõõ Aadamĩ, ikia ĩꞌthanothoothĩk ꞌthẽccanĩ eet vẽlẽk nẽ ikia daahĩthĩ, hĩnĩngĩtĩ ꞌthẽccan nẽ ꞌgõõlaa ĩĩcĩ, ikia ũllũngan daahĩthĩ eet vẽlẽk, hĩnĩngĩtĩ baa iita ẽꞌthẽcattõõ eeta vẽlẽk.

ꞌGalaaꞌthia 3:14

Ikia ẽẽlaeet Yeesu Krĩstõ ngagĩĩt, hátĩ haaꞌnyĩhoothĩk eet ꞌcĩg hõllõngaa ĩĩn ꞌJudeei, ꞌgattanĩ baa aaꞌnyĩk Nyekuci Abũrahaamõ, ꞌthaarĩĩ cĩg Yeesu Krĩstõ, hátĩ hummuddia naag Lori ꞌcĩ Ẽllẽẽmĩth lemiitta, hĩ baa aduha Nyekuci aĩ, hĩꞌthõõa hatĩnĩ.

ꞌGalaaꞌthia 3:17

Haĩ hĩĩ naa hoti hõlõ. Aitiõõ nyattalĩ cĩ Mũũꞌtha baa aku urutaa cĩ irkiꞌnyia ꞌmiiaꞌnya ꞌwec hĩ hẽẽn iyyio (430), hõllõngaa aku eꞌnyeehĩk lõhõt baa aaꞌnyĩk Nyekuci Abũrahaamõ ngadiiha nẽ umummuunyan thõõth baa aduha Nyekuci.

ꞌGalaaꞌthia 3:23

Baa nga hedeeꞌnyia lemiiniti cieeni, baa hĩĩgĩn naag baabuuthnya cĩg nyattaalak, ꞌcĩg haattĩg baabuuthatõõ, ĩꞌthõng hikia hõõgaeet lemiiniti cĩ Yeesu Krĩstõ.

ꞌGalaaꞌthia 3:29

Nẽ ma iittu niig eet cĩg Krĩstõ, iita iittu niig eet cĩg halang cĩ Abũrahamĩ. Nẽ iita hatĩ ummuddiaau niig ꞌgattan cĩ thõõth baa aduhaak Nyekuci Abũrahaamõ.

2 Timotteeo 1:1

Nganĩĩt Paaulo ꞌthooyyiahit cĩ Yeesu Krĩstõ. Baa Nyekuc ꞌcĩ ẽbẽraanna nganĩĩt nẽ aaꞌnya rũgẽt baa aduha nẽẽ aĩ, aku hĩ Yeesu Krĩstõ.

Ebereei 9:15

Ĩnõõ ꞌcĩ ĩĩnnĩ Yeesu jayyio ꞌcĩ õthõõthĩ eet hĩ Nyekuc lõhõtaa ꞌcĩ ĩĩn ngeju, hátĩ hiita hummuddia eeta vẽlẽk baag avvaa, rũgẽt ꞌcĩ aalla ooo baa aduha Nyekuci. Hĩnĩngĩtĩ baa ꞌthẽk adaahĩ Krĩstõ, hátĩ hõõga ĩhõõggõ ukẽẽttaa cĩ ꞌthẽccanẽẽt baag adĩman lõhõtaa baa ꞌrẽẽnĩ.

2 Pẽẽtũrũ 1:4

Nẽ hĩnĩngĩtĩ bulẽẽnĩt hĩ bũnnai ꞌcĩ ẽllẽẽmĩth gẽrrẽẽt ko, ikia uduhaaheet nẽẽ ngagĩĩt thooꞌthiok ꞌcĩg obbitig ꞌcĩg tiirik. Adukiaa thooꞌthioha cieeg, hátĩ haanytuung ngagiit otholit authet cĩnnĩ nẽ iliittiau thooꞌthiok ꞌcĩg abathĩ cĩg looc nicci, ꞌcĩg ĩkõõtha thooꞌthioha ꞌcĩg abathĩ ꞌcĩg abũraneek eeta.

2 Pẽẽtũrũ 3:13

Nẽẽthĩ, hẽrẽ naag hẽẽtkujjieen hĩ looc ꞌcĩ ĩĩn ngeju, baa aduha Nyekuci, looc ꞌcĩ abbĩꞌthĩĩ bũnnai cĩ Nyekuci.

1 Yõaannẽ 2:25

Baa uduhaaheet Ngeerĩnĩ ngagĩĩt rũgẽt ꞌcĩ aalla ooo.