ꞌGalaaꞌthia 3:19 - ꞌBuuk cĩ Thõõth cĩ Nyekuci

¹⁹ Nẽẽthĩ ꞌyioko, dtiic baa ꞌthẽk cĩ nyattaalõ dẽẽdẽ nii? Baa aarĩhoothĩk nyattalĩ, hátĩ hagaac hĩĩtõ, hẽꞌthẽcan naaga. Nẽ occa baa aalla thõõth ciee ĩꞌthõng hikia Yeesu, ꞌcĩ baa adukiaak thõõtha. Baa aaꞌnyĩk Nyekuci nyattal cĩnnĩ aajĩlẽẽt, hátĩ haanytĩk Mũũꞌtha, ꞌcĩ baa ĩĩn jayyio cĩ Nyekuci hĩ eeta.

ꞌGalaaꞌthia 3:19 ပူးပေါင်းရင်းမြစ်များ

ꞌLuuka 16:31

“Anneek hinnia Abũrahamĩ ĩnõõnnõ, ‘Má hõllõngaa athĩhĩ nẽẽg thõõth cĩ Mũũꞌtha hĩ cĩ põrõvẽtaaꞌnyanu, aalla ꞌthẽk hatĩ hõllõngaa athĩknĩ noho, tananga hĩꞌthõõĩ ẽẽtĩ ꞌcĩ adaak ẽlẽk.’ ”

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

Yõaannẽ 15:22

Má baa hiittiõõ naa hõllõngaa hakuu haduhaahi ĩhõõggõ, occa ꞌyioko baa hõllõngaa aga nẽẽg ꞌthẽccanẽẽt cĩggĩĩng. Nẽẽthĩ ꞌyioko, iittiõõ ꞌgõõl ꞌcĩ nga alĩĩtanĩ nẽẽg ꞌthẽccanẽẽt tõõ.

Dtiicanĩ cĩg ꞌThooyyiahu 7:38

Nĩngĩtĩ aꞌnyahaanĩ Mũũꞌtha eet cĩggaac ngaatĩ hõdẽẽthõng horrwatõõ ꞌcĩ õdõhõhĩĩ kak nẽ õthõõthak aajĩlõ ĩnõõnnõ Muuraa cĩ ꞌThĩnaĩ. Ma nĩngaata, iita aanytĩhoothĩk Mũũꞌtha thooꞌthioha cĩg rũgẽtaak, hũtũngeekeet ngagĩĩta.

Dtiicanĩ cĩg ꞌThooyyiahu 7:53

Baa ngagiit ꞌcĩg aaꞌnyĩhoothĩkuung nyattalĩ cĩ Nyekuci baa aꞌnyaha aajĩlẽẽta, nẽẽthĩ hinnia, hõllõngaa anuyyu ũdũt.”

ꞌRooma 2:13

Hĩnĩngĩtĩ hõllõngaa eet ꞌcĩg athĩhĩ nyattal ꞌcĩg aũlan thõõth cĩnĩĩng muumaa cĩ Nyekuci, nẽẽthĩ hinnia eet ꞌcĩg aꞌthũũnnĩ nyattal dioo ꞌcĩg hatĩ adukiaa aĩ, ĩĩn eet ꞌcĩg abũnnaa.

ꞌRooma 4:15

Hĩnĩngĩtĩ alĩĩlĩ Nyekuci hatĩ ẽꞌthẽcanni nyattalĩ cĩnnẽẽnĩ. Nẽ ngaatĩ aitiõõ nyattalĩ tõõ, aitiõõ ꞌgii ꞌcĩ occa ẽꞌthẽcan eeta tõõ.

ꞌGalaaꞌthia 3:16

Baa aduhaak Nyekuci Abũrahaamõ hĩ loholeec cĩnnĩ thõõth ꞌcĩ hatĩ aggatanĩ nẽẽ eet loonyini vẽlẽk, hĩnĩngĩtĩ Abũrahaamõ. Nẽ agaac ngaatĩ hõllõngaa aduhaanĩ ꞌBuuhi cĩ Nyekuci aĩnnĩ, “Hõllõngaa õkõ ꞌgattanĩ ciee hĩ lõhõlĩ cĩgĩnnĩg,” ꞌcĩg mẽẽlĩg, ĩko aĩ õkõ, “Hĩ loholeec cĩnnĩ,” nẽ ĩĩn loholeec niccia Krĩstõ.

Ebereei 2:2

Hĩnĩngĩtĩ thõõth baa aduha aajĩlẽẽta, ĩĩn thõõth dĩdĩ nẽ má baa ẽꞌthẽcan ẽẽtĩ umwaanĩ, uuki eet tĩho thõng.

Ebereei 2:5

Baa hõllõngaa aajĩlẽẽt ꞌcĩg aaꞌnyĩk Nyekuci haggamit looc ꞌcĩ ĩĩn ngeju ꞌcĩ hõthõõth naag ꞌcĩ hatĩ aku horumwa ho.