ꞌGalaaꞌthia 3:14 - ꞌBuuk cĩ Thõõth cĩ Nyekuci

¹⁴ Ikia ẽẽlaeet Yeesu Krĩstõ ngagĩĩt, hátĩ haaꞌnyĩhoothĩk eet ꞌcĩg hõllõngaa ĩĩn ꞌJudeei, ꞌgattanĩ baa aaꞌnyĩk Nyekuci Abũrahaamõ, ꞌthaarĩĩ cĩg Yeesu Krĩstõ, hátĩ hummuddia naag Lori ꞌcĩ Ẽllẽẽmĩth lemiitta, hĩ baa aduha Nyekuci aĩ, hĩꞌthõõa hatĩnĩ.

ꞌGalaaꞌthia 3:14 ပူးပေါင်းရင်းမြစ်များ

ꞌThianaattõ 22:18

Nẽ hĩnĩngĩtĩ athĩknaa nii nganĩĩta, ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.”

ꞌLuuka 11:13

Ma agayyu niig ngaatĩ aaꞌnyiku lõhõlĩ cugguung hẽlẽggĩ ꞌcĩg abũnnaa tananga iiginnu ꞌthẽccanniook, ma ꞌthẽk hinnia Maaꞌnyu cĩ hẽẽtkujjieen, aaꞌnyĩk hatĩ nẽẽ eet ꞌcĩg ala ĩnõõnnõ Lori ꞌcĩ Ẽllẽẽmĩth tabattĩ thõng?”

ꞌLuuka 24:49

Hõkõ hatĩ hĩꞌthõõakuung naa ngagiit eet baa aduha Baaba. Nẽẽthĩ, aallattia ꞌtaaũnatõõ ĩꞌthõng haaꞌnyĩhoothĩhuung ꞌtirriani ꞌcĩ aku hẽẽtahujjieen.”

Yõaannẽ 7:39

Baa õthõõth Yeesu thõõth cĩ Lori ꞌcĩ Ẽllẽẽmĩthĩ, ꞌcĩ hatĩ aaꞌnyĩhoothĩk eet vẽlẽk ꞌcĩg ẽlẽmĩ ĩnõõnnõ. Baa nga haaꞌnyĩhoothĩk Lorii ꞌcĩ Ẽllẽẽmĩth eet umwa, hĩnĩngĩtĩ baa nga haaꞌnyĩhoothĩk Yeesu bulẽẽnĩtĩ cĩnnĩ vẽlẽk.

Dtiicanĩ cĩg ꞌThooyyiahu 2:33

Õdõngĩ Yeesu hẽẽtahujjieen hũũk haau attiaa cobbi ĩĩcĩ Nyekuci nẽ aaꞌnyĩk Baangẽẽtĩ ĩnõõnnõ Lori ꞌcĩ Ẽllẽẽmĩth hĩ baa aduha Nyekuci. Ĩĩn Yeesu buúk eet ꞌcĩ aaꞌnyeet ngagĩĩt Lori ꞌcĩ Ẽllẽẽmĩthĩ, ĩnõõ ꞌyioko thõõth ꞌcĩ acinnu ngaatĩ õthõõthĩ nuyyiooha thooꞌthiohĩ cũũmõ cũũmõ ho.

Dtiicanĩ cĩg ꞌThooyyiahu 4:12

Yeesu dioo ꞌcĩ aꞌnyak ꞌtirrian ꞌcĩ eellianĩ eeta. ꞌThaar cĩgĩnnĩg dioo loota nĩnga ꞌcĩg occa ẽẽla eet umwa.”

Dtiicanĩ cĩg ꞌThooyyiahu 5:32

Hĩĩgĩnna naag hẽbẽrĩ cĩg thooꞌthiok iccig hĩ Lori ꞌcĩ Ẽllẽẽmĩth, baa aaꞌnyĩk Nyekuci eet ꞌcĩg athĩhĩ ĩnõõnnõ.”

1 Korinthia 12:13

Hĩnĩngĩtĩ baa aggamoothĩkeet ngagĩĩt vẽlẽk baattithimo Loriia, hiita hĩĩtõ naag ẽlẽ hõdẽẽthõng, tananga hĩĩgĩn ꞌJudeei hode ꞌGirik hode appahacaaꞌnya hode eet ꞌcĩg hõllõngaa ĩĩn appahacaaꞌnya nẽ baa aaꞌnyĩhoothĩkeet ngagĩĩt vẽlẽk Lorii hõdẽẽthõng ꞌthinneetinii cĩggaac.

2 Korinthia 1:22

nẽ aaꞌnyeet ngagĩĩt nyamacaar cĩnnĩ ꞌcĩ hĩĩgĩnnĩ naag cĩgĩnnĩg nẽ aarĩkeet Lori ꞌcĩ Ẽllẽẽmĩth ꞌthinneetinii cĩggaac, hẽtẽrẽtha ngaatĩ hĩĩgĩnnĩ naag cĩgĩnnĩg.

ꞌGalaaꞌthia 3:16

Baa aduhaak Nyekuci Abũrahaamõ hĩ loholeec cĩnnĩ thõõth ꞌcĩ hatĩ aggatanĩ nẽẽ eet loonyini vẽlẽk, hĩnĩngĩtĩ Abũrahaamõ. Nẽ agaac ngaatĩ hõllõngaa aduhaanĩ ꞌBuuhi cĩ Nyekuci aĩnnĩ, “Hõllõngaa õkõ ꞌgattanĩ ciee hĩ lõhõlĩ cĩgĩnnĩg,” ꞌcĩg mẽẽlĩg, ĩko aĩ õkõ, “Hĩ loholeec cĩnnĩ,” nẽ ĩĩn loholeec niccia Krĩstõ.

ꞌGalaaꞌthia 3:2

Hadiimi naa haga ꞌgii hõdẽẽthõng diooni hĩ ngagiita. Ammũdaannu baa niig Lori ꞌcĩ Ẽllẽẽmĩth, hĩnĩngĩtĩ aꞌthuunnu nyattal cĩ Mũũꞌtha, hode hĩnĩngĩtĩ elemtu thõõth baa allimanoothikuung ngagiita?

ꞌGalaaꞌthia 4:6

Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Eevvetho 2:22

Nẽ iiginnu niig dhoorit cĩ ꞌcieeth tĩho, ꞌcĩ baa ẽhẽnyĩt Krĩstõ hĩĩ nĩngĩtĩ aayyi Lorii cĩ Nyekuci.

Eevvetho 3:16

Ĩllõõan Nyekuci nẽ abuli. Halayyi naa haini, aꞌnyĩĩk haaꞌnyuung Lorii cĩnnĩ ngagiit, ĩĩtõ nuyyiook ꞌcĩg attirannu,

Eevvetho 4:30

Nẽ ma haaꞌnyiku Lori ꞌcĩ Ẽllẽẽmĩth cĩ Nyekuci hĩlĩĩlĩ, Lori baa amacaaraniinnu niig, hĩnĩngĩtĩ kõr ꞌcĩ hatĩ ooggiannu ꞌthẽccanẽẽtĩĩ cugguung.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 3:9

Ma haruhaannu oolo thooꞌthiohĩĩ ꞌcĩg abathĩ, hode ma hodommu ꞌgoonogu ꞌcĩg odoommuung ngagiita. Nẽẽthĩ hinnianĩ, aggatanit eet ꞌcĩg odoommuung thõng. Thõõth baa avvaannuung Nyekuci ngagiit ĩdĩmanit cieeni nẽ aggatannuung hatĩ nẽẽ, hĩnĩngĩtĩ thõõth icci.