ꞌGalaaꞌthia 3:10 - ꞌBuuk cĩ Thõõth cĩ Nyekuci

¹⁰ Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”

ꞌGalaaꞌthia 3:10 ပူးပေါင်းရင်းမြစ်များ

ꞌThianaattõ 4:11

Nẽẽthĩ hoti ho, hicciinii naa nganiit, hĩnĩngĩtĩ uruhu nii Abeele nẽ aaꞌnyĩhuu biyyi cĩgĩnnĩg hirihit loota, iittiõõ hatĩ hõllõngaa akati mana loota nĩnga tarĩ.

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

ꞌRooma 4:15

Hĩnĩngĩtĩ alĩĩlĩ Nyekuci hatĩ ẽꞌthẽcanni nyattalĩ cĩnnẽẽnĩ. Nẽ ngaatĩ aitiõõ nyattalĩ tõõ, aitiõõ ꞌgii ꞌcĩ occa ẽꞌthẽcan eeta tõõ.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

ꞌRooma 8:7

Aaburreek muhẽẽnĩtĩ cĩ ꞌthẽccaanõ hõdõõkõthĩ Nyekuc. Hõllõngaa ẽlẽmĩ nyattal cĩ Nyekuci nẽ hõllõngaa occa adĩman noho ũdũt.

2 Korinthia 3:7

Baa aku aꞌnyaha nyattalĩ cĩ Mũũꞌtha daahĩth, tananga baa eheeddi nyattalĩ ciee biyyiẽẽnĩ nẽ aaꞌnyĩhoothĩk eet cĩg Ĩꞌthĩraẽlĩ ꞌgõõlaa cĩ tiiri gẽrrẽẽt. Nẽ baa aalla nyattalĩ aaꞌnyĩk muum cĩ Mũũꞌtha hattaal gẽrrẽẽt haau hĩ kõrra, hiittiõõ eeta cĩg Ĩꞌthĩraẽlĩ hõllõngaa occa ẽbẽk ĩnõõnnõ, tananga baa ĩĩn ciee bulẽẽnĩt ꞌcĩ hatĩ aꞌnginoothi.

ꞌGalaaꞌthia 2:16

Haga naag ngaatĩ ẽlẽmmĩ Nyekuci eet ꞌcĩg ẽlẽmĩ Yeesu Krĩstõ diooni, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ, hatĩ athĩhĩ thooꞌthiok cĩg nyattaalak diooni. Hẽlẽmĩ naag Yeesu Krĩstõ, hĩnĩngĩtĩ athĩhĩ nẽẽ Nyekuc, ĩnõõ ꞌcĩ elemeet Nyekuci ngagĩĩt, hĩnĩngĩtĩ lemiinit cĩnaac ko.