ꞌGalaaꞌthia 3:1 - ꞌBuuk cĩ Thõõth cĩ Nyekuci

¹ Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

ꞌGalaaꞌthia 3:1 ပူးပေါင်းရင်းမြစ်များ

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Maatteeo 7:26

Nẽẽthĩ, ẽẽtĩ ꞌcĩ hõllõngaa athĩhĩ thooꞌthiok cĩgannĩg ko nẽ idticanõõĩ, aaĩ nẽẽ hĩ ꞌgiiꞌthiahiti ꞌcĩ ẽhẽnyĩt ꞌcieeth ngaatĩ ĩĩn hathaac.

ꞌLuuka 24:25

Ma ho, ijin Yeesu ĩhõõggõ ĩĩnnĩk, “Aggiithennu niig hutuno hõlõ! Inni ꞌthinneeti cugguung hĩĩtõ gigigigi ngaatĩ ẽlẽmmĩ thooꞌthiok vẽlẽk baag aduha põrõvẽtaaꞌnya ho?

Dtiicanĩ cĩg ꞌThooyyiahu 16:6

Baa õvvõ Paaulo hĩ ꞌgõõnõgĩ looc cĩ Virigia hĩ ꞌGalaaꞌthia hũtũrũũr. Nẽẽthĩ, baa hõllõngaa ẽlẽmaakĩ Lorii ꞌcĩ Ẽllẽẽmĩth ĩhõõggõ hillimattõõ looccaa cĩ Aaꞌthia.

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

ꞌRooma 10:16

Nẽẽthĩ, baa hõllõngaa ẽlẽmĩ eeta cĩg Ĩꞌthĩraẽlĩ vẽlẽk nyeemuut ꞌcĩ abũnnaa ho. Hĩnĩngĩtĩ baa ajin põrõvẽtaacĩ Iꞌthaia Makayyioohit anneek, “Nganĩ baa ꞌcĩ ẽlẽm nyeemuut cĩnaang?”

ꞌRooma 2:8

Nẽẽthĩ, eeta ꞌcĩg ammĩnan eleeti cĩggĩĩng hĩ ꞌcĩg abũrĩ thõõth ꞌcĩ ĩĩn dĩdĩ nẽ ũnnẽẽcõ thooꞌthiok ꞌcĩg abathĩ, alĩĩllĩk hatĩ Nyekuci ĩhõõggõ gẽrrẽẽt.

ꞌRooma 6:17

Nẽẽthĩ ꞌyioko, ĩlaallẽ hĩ Nyekuc, tananga baa gõõng ĩĩgĩnnu niig appahacaaꞌnya cĩg ꞌthẽccaanak, iita ithiktu niig ꞌlimman baa allimanoothikuung ngagiita.

1 Korinthia 11:26

Hĩnĩngĩtĩ ma hatĩ gõõng aduku ũbũnĩ icci nẽ uhuddu biyyi iccig, aduhaannu hatĩ daahĩth cĩ Makayyiookto, ĩꞌthõng hatĩ hõbõda nẽẽnĩ.

1 Korinthia 2:2

Nẽ dĩdĩ, baa nga harũmĩ naag hĩ ngagiita, baa hẽbẽra ngaatĩ hõthõõthĩ thõõth cĩ Yeesu Krĩstõ, baa odooddothoothĩk hurucceea diooni.

2 Korinthia 10:5

Hĩ ꞌgii vẽlẽk ꞌcĩ ĩĩn ꞌrianĩĩth ꞌcĩ õhõõrran eet ngaatĩ agaĩ thõõth cĩ Nyekuci. Haggamma naag muhẽẽnĩt cĩ eetu nẽ haanytĩha ĩhõõggõ hitingolli Krĩstõ.

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

ꞌGalaaꞌthia 1:2

Nẽ hĩꞌthaayyuung naag hõdẽĩ hĩ ꞌgotoonoga hĩ ngoonoga, ngagiit lothippiꞌnya cĩg lemmiook cĩg ꞌGalaaꞌthia. Waraga ꞌcĩ eheedothoothĩk lemmiook ꞌtaaũnnioohĩĩ cĩg looc cĩ ꞌGalaaꞌthia.

ꞌGalaaꞌthia 1:6

Homoꞌthi naa thõõth ꞌcĩ utuburru niig Nyekuc hĩdĩĩkoothong, hĩnĩngĩtĩ baa ẽbẽraauung nẽẽ ngagiit bũnnaiittaa cĩ Krĩstõ, nẽẽthĩ, ma helemmu nyeemuut umwa cĩrrĩĩng,

ꞌGalaaꞌthia 2:14

Ma baa hacini ngaatĩ arahanĩ Pẽẽtũrũ thõõthaa ꞌcĩ ĩĩn dĩdĩ ĩcĩ nyeemuut ꞌcĩ abũnnaa ho, hikia heggerenyeeha ĩnõõnnõ hõrggẽẽnaa cĩ eet vẽlẽk hĩĩnnĩha, “Ĩĩnĩ nii ꞌJudeeinit nẽ aau hĩ ẽẽtĩ ꞌcĩ hõllõngaa ĩĩn ꞌJudeeinit. Inni gõõng nii ꞌtĩnganeek eet ꞌcĩg hõllõngaa ĩĩn ꞌJudeei hũnnẽẽcõ nyattalliook cĩg ꞌJudeei ho?

ꞌGalaaꞌthia 3:3

Adĩĩtennu niig noho inni? Má iꞌthiattaayyu niig ngaatĩ anuyyu Lori ꞌcĩ Ẽllẽẽmĩth, inni ꞌyioko idiimit edecciaak thõõth baa iꞌthianaaĩ Lorii ꞌcĩ Ẽllẽẽmĩth niig ẽmmẽn ko?

ꞌGalaaꞌthia 4:9

Nẽẽthĩ, hĩcĩ ꞌyioko agayyu niig Nyekuc ko, hode ĩꞌnya da hĩĩ naa, ikia agauung Nyekuci ngagiita, inni idiimit oboddiooth ĩĩtõ appahacaaꞌnya tarĩ cĩg loriẽẽt ꞌcĩg hõllõngaa attiran, ꞌcĩg abathĩ dtẽc cĩg looc nicci ho?

ꞌGalaaꞌthia 5:11

ꞌGotoonoga hĩ ngoonoga, má nga hallimani naa thõõth ꞌcĩ occa etteedini eleeti cĩg eet ꞌcĩg maacĩg, inni haccanattaa eeta cĩg ꞌJudeei nganĩĩt ko? Occa hõllõngaa ĩĩn nyeemuut cĩ hurucceeo, thõõth umwa ꞌcĩ abathĩ, hatĩ nga hanneehi naa eet etteedit eleeti.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

Eevvetho 5:15

Nẽẽthĩ, ĩcĩnĩt authet ꞌcĩ aattiyyu jurrung. Ma haattiyyu hĩ ꞌgiiꞌthiaha, aaut hĩ ꞌgeeꞌnyiaha.

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

1 Timotteeo 6:4

aduul ẽlẽ cĩnnĩ haaga nẽ ẽrẽk thõõth ꞌcĩ aga buúk. Õmmõõrĩ õõ cĩnnĩ, adiim ẽppẽhanõõnĩ hĩ ꞌgõõnõgĩ thooꞌthiok ꞌcĩg aꞌnyaha bathi, hĩ ngaatĩ alĩĩlĩ hẽlẽggĩ cĩg ꞌgoonoginni,

Ebereei 11:8

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 4:17

Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?

2 Pẽẽtũrũ 2:18

Athĩngõõnyan nẽẽg, hĩnĩngĩtĩ ꞌgiithẽnĩt cĩnĩĩng ko. Nẽ alũllũũman eet ꞌcĩg baag nga ũũnnĩk thooꞌthiok ꞌcĩg abathĩ thõng, ngaatĩ allimanĩ ĩhõõggõ annẽẽkĩ, aitiõõ thõõth ꞌcĩ ĩĩn ꞌriiring hõllõngaa abathĩ hatĩ adĩmannu niig thooꞌthiok ꞌcĩg adiim eleeti cugguung.

Terethiinit 18:3

Ũhũdĩt loonyini vẽlẽk viino cĩ thooꞌthiok cĩgĩnnĩg ꞌcĩg ĩĩn ꞌriiring. Iita atagguutho habuẽẽta cĩg looc vẽlẽk hĩ ngaa nicci. Nẽ tarĩ, iita aballio tũjaarrioha cĩg looc nicci vẽlẽk buúk, hĩnĩngĩtĩ ngaa nicci.”

Terethiinit 2:20

“Aaĩ thõõth hõdẽẽthõng diooni ꞌcĩ hatabi haduhaakuunga. Alahatteehu tarĩ niig ngaa ꞌcĩ haĩ ꞌJeꞌthebeela hataa, hoolongeek eet gẽrrẽẽt, aĩ hĩĩnĩ põrõvẽtaac cĩ Nyekuci nẽ illimaneek eet õlõng nẽ tarĩ, ũlũllũũmaneek dticcianniook cĩgannĩg, huduhit ꞌgẽẽn ꞌcĩ aaꞌnyĩk ngarĩta hẽlẽggĩ ꞌcĩg aar eeta hĩĩtõ nyekuꞌnya nẽ illimaneek hidticanit thooꞌthiok ꞌcĩg ĩĩn ꞌriiring buúk.