ꞌGalaaꞌthia 2:9 - ꞌBuuk cĩ Thõõth cĩ Nyekuci

⁹ Nẽ dĩdĩ, baa agayyi ꞌJeemithi hĩ Pẽẽtũrũ hĩ Yõaannẽ, ngaatĩ ĩĩnnĩ hitiirrwa cĩg lothippit cĩ lemmioohu. Baa agaoothi nẽẽg ꞌbaaninit baa aaꞌnya nganĩĩt Nyekuci nẽ ẽlẽmta nẽẽg nganĩĩt hĩ Baarnaba hidticattooa hõdẽĩ. Ma ho, iita ũkũtatteet nẽẽg ngagĩĩt hoottia hillimatta eet ꞌcĩg hõllõngaa ĩĩn ꞌJudeei nẽ õõt illimanit nẽẽg eet ꞌcĩg ĩĩn ꞌJudeei.

ꞌGalaaꞌthia 2:9 ပူးပေါင်းရင်းမြစ်များ

Maatteeo 16:18

Nẽẽthĩ ꞌyioko, hutuvvii hatĩ gõõng naa nganiit hiinnihii Pẽẽtũrũ, nĩngĩtĩ aĩ, ‘Lõbarab.’ Nẽ lõbarabaa cĩ, hehenyiti hatĩ naa lothippit cĩ lemmioohu nẽ aitiõõ hatĩ ꞌtirriani cĩ daahĩthõõ hõllõngaa ũũlũ ĩhõõggõ.

ꞌLuuka 22:8

ikia ĩꞌthõ Yeesu Pẽẽtũrũ hĩ Yõaannẽ anneek, “Õõt ũkũmatteek ꞌgẽẽn ꞌcĩ hadahĩ Kõr cĩ Haangittõõ.”

Yõaannẽ 1:42

Ma nĩngaata, ikia ũũhĩ Andrea ꞌgõtõnĩ Pẽẽtũrũ hĩ Yeesu. Ma ho, udtuuha Yeesu Pẽẽtũrũ nẽ ĩĩnnĩk, “Ĩĩnĩ nii ꞌThimõõnẽ ngeertĩ Yõaannẽ. Hĩĩtõ hatĩ ꞌthaar cugunnig, ꞌCeeva, nĩngĩtĩ aĩ, Pẽẽtũrũ.”

Dtiicanĩ cĩg ꞌThooyyiahu 12:17

Ma ho, othoothĩk Pẽẽtũrũ eet athĩnĩ hĩjjaaktõ nẽ ẽddẽẽbak ĩhõõggõ ꞌgõõl ꞌcĩ õõganĩ Makayyioohiti ĩnõõnnõ baabuutha ho. Nẽ tarĩ ĩĩnnĩk Pẽẽtũrũ ĩhõõggõ, “Uduktaak ꞌJeemith hĩ nuyyiook ũgĩ vẽlẽk thõõth icci.” Nĩngĩtĩ õkõõĩ nẽẽ ĩĩmwaanĩ.

Dtiicanĩ cĩg ꞌThooyyiahu 15:13

Ma baa ẽdẽcaak nẽẽg ngaatĩ õthõõthĩ ho, ĩtĩnga eet umwaa ꞌcĩ haĩ ꞌJeemith õthõõth ĩĩ, “ꞌGotoonoga hĩ ngoonoga, ĩthĩktaangu nganĩĩta.

Dtiicanĩ cĩg ꞌThooyyiahu 15:7

Ma baa othooꞌthio hĩ ĩhõõggõ ĩꞌthõng, ikia ĩtĩnga Pẽẽtũrũ nẽ õthõõth ĩĩ, “ꞌGotoonoga hĩ ngoonoga, agayyu niig hũnũũk ngaatĩ ẽbẽraanna nganĩĩt Nyekuci hõrggẽẽnaa cunuung, hillimaneek eet ꞌcĩg hõllõngaa ĩĩn ꞌJudeei nyeemuut ꞌcĩ abũnnaa. Baa adĩman Nyekuci hoti, hátĩ hĩthĩktõ nẽẽg nẽ elemit ĩnõõnnõ.

Dtiicanĩ cĩg ꞌThooyyiahu 4:36

Baa aaĩ eet umwaa ꞌcĩ haĩ Yothebo ꞌcĩ aku Ciporo. Baa ĩĩn nẽẽ eet cĩ hattũũg cĩ ꞌLeevi. Baa avvĩ ꞌthooyyiaha ĩnõõnnõ anneek Baarnaba nĩngĩtĩ aĩ, Eet ꞌcĩ akũtan ꞌgõõnõgĩ.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 12:3

Hĩnĩngĩtĩ bũnnai baa aaꞌnyĩhoothĩkaa nganĩĩta, haduhaakuung naa ngagiit vẽlẽk hanneekuung, ma hathĩngõõnyannu gẽrrẽẽt, nẽẽthĩ ummuhit eleeti cugguung ꞌgõõlaa ꞌcĩ abũnnaa, ꞌgõõlaa ꞌcĩ attĩmaneeku lemiinit baa aaꞌnyuung Nyekuci ngagiita.

ꞌRooma 15:15

Baa hõllõngaa hiteelli naa ngaatĩ hẽhẽẽdakuung ngagiit thõõth haau hĩcĩ heterꞌtheekuung thooꞌthiok tĩko tarĩ, hĩnĩngĩtĩ bũnnai baa aaꞌnya Nyekuci nganĩĩt,

1 Korinthia 15:10

Nẽẽthĩ, bũnnaiittaa cĩ Nyekuci, hĩĩna naa nganĩĩt hĩ ꞌyioko ho nẽ baa hõllõngaa hahirangĩĩ naa bũnnai cĩ Nyekuci haaga. Aitiõõ ũdũt, baa hadticannii naa hĩllõõan ꞌthooyyiak vẽlẽk, nẽẽthĩ, baa hõllõngaa nganĩĩt ẽmmẽn ꞌcĩ hadticannii ho, baa hadticannii hĩnĩngĩtĩ baa aaĩ bũnnai cĩ Nyekuci hĩ nganĩĩta.

2 Korinthia 11:5

Nẽẽthĩ, hammuhi occa haduhoonna naag buúk, hĩ eet ꞌcĩg avvĩ eleeti cĩggĩĩng aĩ hĩĩgĩnna ꞌthooyyiak ꞌcĩg tiirik ko thõng.

2 Korinthia 12:11

Baa haarĩha naa ẽlẽ caannĩ haau hĩ ꞌgiiꞌthiahiti nẽ baa ngagiit ꞌcĩg attĩnganeekaangu nganĩĩt hĩdĩman noho ho, hĩnĩngĩtĩ occa baa ngagiit ꞌcĩg ẽẽllaangu nganĩĩta. Tananga haau naa hĩ ꞌgiimwa haaga, habũnna hinnia naa buúk huduktooa hĩ ꞌthooyyiak ꞌcĩg tiirik ko thõng.

2 Korinthia 8:4

Iita alayyieet lemmiooha ngagĩĩt aĩ, hátĩ hẽlẽmtaaha naag ĩhõõggõ haꞌnyahit taliinit, ngaatĩ attihaanĩ ꞌrabbẽẽt cĩggĩĩng nẽ eelli lemmiook cĩg Nyekuci ꞌJeruꞌthalẽma.

ꞌGalaaꞌthia 1:16

ngaatĩ eterꞌtheeka nganĩĩt ngeerĩnĩ, hátĩ huduhaak eet vẽlẽk ꞌcĩg hõllõngaa ĩĩn ꞌJudeei nyeemuut cĩnnĩ ꞌcĩ abũnnaa nẽ nga hijina eet umwaa nyeemuut icci ũdũt.

ꞌGalaaꞌthia 1:18

Ma baa urutaa cĩ irkiꞌnyia iyyio, hikia hidiimotha Pẽẽtũrũ ꞌJeruꞌthalẽma nĩngĩtĩ hau harũmeenna waathinniook õmmõtõ hĩ ꞌtur.

ꞌGalaaꞌthia 2:1

Ma baa urutaa cĩ irkiꞌnyia õmmõtõ hĩ ꞌwec, hikia hobodootha ꞌJeruꞌthalẽma. Kõr niccia, hiita hookorria hĩ Baarnaba nẽ baa haggameehi Tiito buúk aꞌthiit.

ꞌGalaaꞌthia 2:2

Baa hõkõ naa ĩĩca, hĩnĩngĩtĩ baa uppulanaaha Nyekuci heeroni niccia hũũhõ. Ma baa hõdõlana ꞌJeruꞌthalẽm, hõõt hutuhatta thõõth hĩ makayyiook ꞌcĩg obbitig ꞌcĩg baag ĩĩn ꞌJudeei nĩngaata, nyeemuut ꞌcĩ abũnnaa cĩ Yeesu, tuhan umwa ꞌcĩ baa haꞌnyaka ngadiiha. Nĩngĩtĩ hẽdtẽbanaanĩ thõõth cĩ Yeesu ꞌcĩ hallimaneehi eet ꞌcĩg hõllõngaa ĩĩn ꞌJudeei ho. Baa hõkõ haduhaahi ĩhõõggõ, hĩnĩngĩtĩ baa hõllõngaa hadiimi naa ꞌlimman icci hõꞌthõdanoothĩk haaga.

ꞌGalaaꞌthia 6:3

Má ammuk ẽẽtĩ umwaa aĩ hĩllõõani ꞌgõõnõgĩ nẽ hõllõngaa ĩllõõan buúk, ĩggõõl eet tĩho ẽlẽ cĩnnĩ.

Eevvetho 2:20

hõdẽĩ, hĩthakthoothĩk naag ꞌcieeth cĩnnĩ ꞌcĩ ẽhẽnytĩ nẽ aauto ꞌthooyyiaha hĩ põrõvẽtaaꞌnya hĩ õkõlakꞌnya nẽ aau Yeesu Krĩstõ hĩ miirihi.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Kolooꞌthe 1:29

Ĩnõõ cĩ hadticaniini naa gẽrrẽẽt ꞌtirriaanaa cĩnnĩ ĩbaa aaꞌnya nẽẽ nganĩĩt ko.

1 Timotteeo 3:15

Má hõllõngaa hakuu hĩdĩĩkoothong, etereꞌthii hatĩ waraga ciee ꞌgõõl ꞌcĩ occa haattiyyi naag lothippiti cĩ lemmiook cĩg halang cĩ Nyekuci jurrung, hĩnĩngĩtĩ hĩĩgĩn naag halang cĩ Nyekuci ꞌcĩ arũgĩ, ꞌcĩ ĩĩn hitiir ꞌcĩ õkõmĩ ꞌcĩ hammũdaanĩ thõõth ꞌcĩ ĩĩn dĩdĩ.

1 Yõaannẽ 1:3

Haduhaakuung naag ngagiit thõõth ꞌcĩ hĩcĩtta nẽ hĩthĩkta, hátĩ iita hũrũmtĩ hĩ ngagĩĩt hõdẽĩ. Nẽ hũrũmtĩ hõdẽĩ hĩ Baangeet hĩ Ngeerĩnĩ Yeesu Krĩstõ.

Terethiinit 3:12

Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng.