ꞌGalaaꞌthia 2:8 - ꞌBuuk cĩ Thõõth cĩ Nyekuci

⁸ Nyekuc ꞌcĩ aaꞌnya nganĩĩt ꞌtirrian ꞌcĩ hĩĩnnĩ ꞌthooyyiahit cĩ eet ꞌcĩg hõllõngaa ĩĩn ꞌJudeei, hĩ baa aaꞌnyĩk nẽẽ Pẽẽtũrũ hĩĩ ꞌthooyyiahit cĩ eet cĩg ꞌJudeei.

ꞌGalaaꞌthia 2:8 ပူးပေါင်းရင်းမြစ်များ

Dtiicanĩ cĩg ꞌThooyyiahu 1:25

hirigith dtiic cĩ ꞌthooyyiahit baa ũũnnĩk ꞌJuuda Ithkarioote nẽ ũũk ngaatĩnnĩ.”

Dtiicanĩ cĩg ꞌThooyyiahu 1:8

Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria hĩ looc vẽlẽk.”

Dtiicanĩ cĩg ꞌThooyyiahu 15:12

Ma ho, ĩjjaaktõ eeta vẽlẽk hĩthĩhĩt thõõth ꞌcĩ aduha Baarnaba hĩ Paaulo. Baa aduhaak nẽẽg eet ꞌgõõl ꞌcĩ baa aaꞌnyĩkĩ Nyekuci ĩhõõggõ ꞌtirrian ꞌcĩ adticanĩ thooꞌthiok ꞌcĩg ĩnaat eeta ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 19:26

Nẽẽthĩ, baa ĩthĩktu niig ꞌgõõl ꞌcĩ alũllũũmanĩ ẽẽtĩ ciee haĩ Paaulo ho eeta. Alũllũũman nẽẽ eet Eevvetho ĩꞌthõng loonyin vẽlẽk Aaꞌthia. Aduha Paaulo aĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg ẽhẽnyta eeta ho, hõllõngaa ĩĩn nyekuꞌnya ꞌcĩg ĩĩn dĩdĩ ũdũt.

Dtiicanĩ cĩg ꞌThooyyiahu 21:19

Ĩꞌtha Paaulo ĩhõõggõ nẽ uduhaak ꞌgõõl ꞌcĩ baa adticaniini Nyekuci ĩnõõnnõ, hẽẽl eet ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 22:21

“Nĩngĩtĩ anneeka Makayyioohiti, ‘Bĩtõ, hĩꞌthooyyii naa nganiit bĩĩt hĩ eet ꞌcĩg hõllõngaa ĩĩn ꞌJudeei.’ ”

Dtiicanĩ cĩg ꞌThooyyiahu 4:4

Nẽẽthĩ hinnia, baa ĩthĩhĩt eeta ꞌcĩg mẽẽlĩg nyeemuut nẽ elemita, nĩngĩtĩ ĩttoorini lothippiti cĩ lemmioohu hĩĩtõ aalibꞌnya ꞌtur (5,000).

Dtiicanĩ cĩg ꞌThooyyiahu 8:17

Ma ho, ataaddik Pẽẽtũrũ hĩ Yõaannẽ athĩn ootinii cĩg lemmioohu, nĩngĩtĩ alluucciakĩ Lorii ꞌcĩ Ẽllẽẽmĩth ĩhõõggõ.

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

1 Korinthia 15:10

Nẽẽthĩ, bũnnaiittaa cĩ Nyekuci, hĩĩna naa nganĩĩt hĩ ꞌyioko ho nẽ baa hõllõngaa hahirangĩĩ naa bũnnai cĩ Nyekuci haaga. Aitiõõ ũdũt, baa hadticannii naa hĩllõõan ꞌthooyyiak vẽlẽk, nẽẽthĩ, baa hõllõngaa nganĩĩt ẽmmẽn ꞌcĩ hadticannii ho, baa hadticannii hĩnĩngĩtĩ baa aaĩ bũnnai cĩ Nyekuci hĩ nganĩĩta.

1 Korinthia 9:2

Tananga hõllõngaa hĩĩnĩ naa ꞌthooyyiahit hĩ eet ũgĩ, hĩĩnĩ ꞌthooyyiahit hĩ ngagiit dĩdĩ! Hĩnĩngĩtĩ iiginnu eet dẽẽdẽ ꞌcĩg aggamoothĩka nganĩĩt dtiici ꞌcĩ hĩĩnnĩ ꞌthooyyiahit cĩ Makayyiookto ho.

ꞌGalaaꞌthia 3:5

Aaꞌnyuung ngagiit Nyekuci Lori ꞌcĩ Ẽllẽẽmĩth nẽ idtican thooꞌthiok ꞌcĩg ĩnaattu niiga. Adtican nẽẽ thooꞌthiok iccig, hĩnĩngĩtĩ anuyyu niig nyattal cĩ ꞌJudeei hode, hĩnĩngĩtĩ ĩthĩktu niig nẽ elemtu Yeesu Krĩstõ?

Kolooꞌthe 1:29

Ĩnõõ cĩ hadticaniini naa gẽrrẽẽt ꞌtirriaanaa cĩnnĩ ĩbaa aaꞌnya nẽẽ nganĩĩt ko.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.