ꞌGalaaꞌthia 2:4 - ꞌBuuk cĩ Thõõth cĩ Nyekuci

⁴ Baa hooyyia naag ꞌJeruꞌthalẽma, hĩnĩngĩtĩ eet ꞌcĩg õõlõng aĩ, hĩĩgĩnna lemmiook nẽ ĩnĩktaaheet hĩ hoppoccwaana ꞌcĩg au orootteet aĩ, haggamtaeetu thõõth ꞌcĩ haattiyyia lõꞌngõõc thõõthaa cĩ Yeesu Krĩstõ, adiim aarreet hĩĩtta appahacaaꞌnya cĩggĩĩng.

ꞌGalaaꞌthia 2:4 ပူးပေါင်းရင်းမြစ်များ

ꞌLuuka 5:38

Occa ꞌthẽk aarĩhoothĩk mẽrta cĩ viinoo ꞌcĩ nga ĩĩn ngeju hutubaawa ꞌcĩ nga ĩĩn ngeju buúk.

Dtiicanĩ cĩg ꞌThooyyiahu 15:1

Baa au eeta ũgẽẽgĩ ĩĩcĩ looc cĩ ꞌJudeea, au õõ ĩĩcĩ ꞌtaaũn cĩ Antiohĩ, hõõt hiꞌthiattaaĩ hillimanit nuyyiook ꞌcĩg Makayyiooktak ꞌcĩg hõllõngaa ĩĩn ꞌJudeei hĩĩttĩk, “Hõllõngaa occa eelliannu niig hatĩ nga hetteeddi eleeti, hĩcĩ aduha nyattalĩ cĩ Mũũꞌtha.”

Dtiicanĩ cĩg ꞌThooyyiahu 15:24

Baa hĩthĩkta naag ꞌJeruꞌthalẽma ngaati aĩ, baa au eeta ũgẽẽgĩ eetinii cĩggaang, hiita huduktaahuung ngagiit thõõth ꞌcĩ abathĩ gẽrrẽẽt ꞌcĩ aliiliyyu. Nẽẽthĩ baa hõllõngaa hĩꞌthõõanna naag ĩhõõggõ.

Dtiicanĩ cĩg ꞌThooyyiahu 20:30

Au hatĩ eeta ũgẽẽgĩ cugguung ẽmmẽn, atalmaanyan nuyyiook cĩg Makayyiooktak, aduhaak nuyyiook õlõng, hátĩ hũnnẽẽcõ ĩhõõggõ.

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

2 Korinthia 11:13

Ĩĩn eeta ꞌcĩg aattĩg noho ꞌthooyyiak ꞌcĩg hõllõngaa ĩĩn dĩdĩ, oolongeekeet aĩ hĩĩgĩnna ꞌthooyyiak cĩg Krĩstõ.

2 Korinthia 11:17

Nẽ baa haꞌnyahi naa ꞌrianĩĩth icci, haꞌnyahi hĩ ꞌgiiꞌthiahiti haaga, hõllõngaa haꞌnyahi, hĩnĩngĩtĩ Makayyioohit.

2 Korinthia 11:20

Nẽ dĩdĩ, nga aalla anuꞌthaannu niig eet ꞌcĩg aarruung ngagiit ĩĩtõ appahacaaꞌnya noho, arratannuunga nẽ igorithit ijjio cugguung nẽ tarĩ õdõng eleeti cĩggĩĩng hĩllõõattuung ngagiita nẽ atabaangtuung ngagiit muumti cũrũmũũm nĩĩcĩ noho.

2 Korinthia 11:26

Nẽ weetaa caannĩ hõvvõõyyĩ ho vẽlẽk, hammũda naa pĩĩrnanĩt ngaatĩ habaahinii hidiowwẽẽn, homotoonna hĩ igorriaak nẽ hũmmũda pĩĩrnanĩt hĩ eet cĩg looc caannĩ dẽẽdẽ nẽ tarĩ, hũmmũda pĩĩrnanĩt hĩ eet ꞌcĩg hõllõngaa ĩĩn ꞌJudeei. Baa hammũda naa pĩĩrnanĩt ꞌtaaũnnioohĩĩ ꞌcĩg obbitig nẽ hũmmũda pĩĩrnanĩt battaalliohĩĩ ꞌcĩg õdõhõhĩĩ hĩ bũlũccwaanĩ ꞌcĩg obbitig, hĩ eetinii ꞌcĩg aĩ hĩĩgĩnna nuyyiook cĩ Makayyiookto.

2 Korinthia 3:17

Nẽẽthĩ ꞌyioko, ĩĩn Makayyioohiti Lori ꞌcĩ Ẽllẽẽmĩthĩ nẽ nĩngĩtĩ aayyi Lorii cĩ Makayyiookto, aattĩg eeta ngaatĩho lõꞌngõõc.

ꞌGalaaꞌthia 1:7

ꞌcĩ hõllõngaa ĩĩn dĩdĩ. Nẽẽthĩ, aattĩg eeta ũgẽẽgĩ ꞌcĩg aaꞌnyuung ngagiit pĩĩrnanĩt nẽ adiimmuung ngagiit ũtũbũrĩt nyeemuut ꞌcĩ abũnnaa cĩ Krĩstõ.

ꞌGalaaꞌthia 4:25

Nẽẽthĩ ꞌyioko, ĩthakꞌthoothĩk Hagaarĩ Muur cĩ ꞌThĩnaĩ ꞌcĩ aaĩ looccaa cĩ Arabia nẽ ĩthahĩthoothĩk eet cĩg ꞌJeruꞌthalẽmĩ, hĩnĩngĩtĩ ĩĩn nẽẽg hĩ lõhõlĩ cĩgĩnnĩg vẽlẽk appahacaaꞌnya cĩg nyattaalak.

ꞌGalaaꞌthia 4:3

Baa haattĩg naag ꞌJudeei buúk noho, baa hĩĩgĩn naag buúk appahacaaꞌnya nyattaalaa cĩ looc nicci hĩ lohollia ꞌcĩg hidiciẽẽgĩ.

ꞌGalaaꞌthia 5:1

Nẽẽthĩ ꞌyioko, õõgaeet ngagĩĩt Yeesu Krĩstõ haaut lõꞌngõõc. Nẽ tarĩ, uꞌthuutti thõõth ꞌcĩ aattiyyu lõꞌngõõc ko jurrung, ma nga hĩĩgĩnnu appahacaaꞌnya cĩg nyattal cĩ Mũũꞌtha tarĩ.

ꞌGalaaꞌthia 5:10

Nẽẽthĩ, iiginnu niig eet cĩg Makayyiooktak. Nẽ haini naa dĩdĩ, anuyyu hatĩ niig thõõth ꞌcĩ haduha naana nẽ utuburru nyeemuut ꞌcĩ aduha eet umwaanĩ. Nẽẽthĩ, uuk hatĩ Nyekuci eet ꞌcĩ ataddaannuung ngagiit ko.

2 Timotteeo 3:6

Ĩĩn eeta nicciag, eet ꞌcĩg maacĩg ꞌcĩg õvvõ halaꞌngiõõhĩĩ cĩg eetuk, nẽ ũlũllũũmanit ngaaĩ ꞌcĩg hõllõngaa attiran, ꞌcĩg ẽꞌthẽcattõõ ꞌcĩg aggam muhẽẽnĩtĩ ꞌcĩ abũranẽẽkĩ thooꞌthiok vẽlẽk ꞌcĩg abathĩ.

ꞌJeemith 1:25

Nẽẽthĩ, ẽẽtĩ ꞌcĩ arrĩcanaa ngaatĩ ammũdaanĩ thõõth ꞌcĩ aduha nyattalĩ ꞌcĩ abũnnaa, baa õõga eet haauto lõꞌngõõc nẽ aala ĩdĩman thõõth icci nẽ hõllõngaa ataarrothi thõõth baa athĩhĩ nẽẽnĩ nẽ ĩdĩmana, aggatan hatĩ Nyekuci ĩnõõnnõ, hĩnĩngĩtĩ thõõth ꞌcĩ adĩman nẽẽ ho.

1 Pẽẽtũrũ 2:16

Hĩnĩngĩtĩ õõgtau niig aauttu lõꞌngõõc, nẽẽthĩ, nga iiginnu appahacaaꞌnya cĩg Nyekuci noho, nẽẽthĩ, ma hadticaniinnu thõõth ꞌcĩ ooggiannu aaut lõꞌngõõc ko, ĩdĩmattĩ thooꞌthiok ꞌcĩg abathĩ.

2 Pẽẽtũrũ 2:19

Ĩggõõl nẽẽg ĩhõõggõ anneek haaꞌnyuung aaut lõꞌngõõc nẽ ĩĩn nẽẽ nẽẽg appahacaaꞌnya cĩg ꞌthẽccaanak, hĩnĩngĩtĩ ĩĩn eeta appahacaaꞌnya cĩg hẽlẽggĩ ꞌcĩg aggam ĩhõõggõ.

1 Yõaannẽ 4:1

ꞌGotoonoga hĩ ngoonoga, ma helemmu eet vẽlẽk ꞌcĩg aĩ haꞌnyaka Lori cĩ Nyekuci. Ĩttĩmanit ĩhõõggõ vẽlẽk, hátĩ ummuddia, hatĩ aꞌnyak nẽẽg lori ꞌcĩ aku hĩ Nyekuc dĩdĩ. Mẽẽlĩg põrõvẽtaaꞌnya ꞌcĩg ĩĩn oloꞌngiaak ꞌcĩg ĩꞌthaattothoothĩk looc nicci ẽlẽk.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.