ꞌGalaaꞌthia 2:2 - ꞌBuuk cĩ Thõõth cĩ Nyekuci

² Baa hõkõ naa ĩĩca, hĩnĩngĩtĩ baa uppulanaaha Nyekuci heeroni niccia hũũhõ. Ma baa hõdõlana ꞌJeruꞌthalẽm, hõõt hutuhatta thõõth hĩ makayyiook ꞌcĩg obbitig ꞌcĩg baag ĩĩn ꞌJudeei nĩngaata, nyeemuut ꞌcĩ abũnnaa cĩ Yeesu, tuhan umwa ꞌcĩ baa haꞌnyaka ngadiiha. Nĩngĩtĩ hẽdtẽbanaanĩ thõõth cĩ Yeesu ꞌcĩ hallimaneehi eet ꞌcĩg hõllõngaa ĩĩn ꞌJudeei ho. Baa hõkõ haduhaahi ĩhõõggõ, hĩnĩngĩtĩ baa hõllõngaa hadiimi naa ꞌlimman icci hõꞌthõdanoothĩk haaga.

ꞌGalaaꞌthia 2:2 ပူးပေါင်းရင်းမြစ်များ

Maatteeo 10:16

“Hĩꞌthooyyuung naa ngagiit aaut hĩ aꞌtha ꞌcĩg hĩꞌthooikuung hõrggẽẽnaa cĩ huduumwanu. Nẽẽthĩ, õõt eggeenyit aaut hĩ hũkaaꞌnya nẽ iittu tarbalĩg hĩ ngabuuthiꞌnya.

Dtiicanĩ cĩg ꞌThooyyiahu 15:12

Ma ho, ĩjjaaktõ eeta vẽlẽk hĩthĩhĩt thõõth ꞌcĩ aduha Baarnaba hĩ Paaulo. Baa aduhaak nẽẽg eet ꞌgõõl ꞌcĩ baa aaꞌnyĩkĩ Nyekuci ĩhõõggõ ꞌtirrian ꞌcĩ adticanĩ thooꞌthiok ꞌcĩg ĩnaat eeta ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 15:2

Nẽ baa aaꞌnyĩk thõõth ciee Paaulo hĩ Baarnaba hẽppẽhattõõ hĩ ĩhõõggõ gẽrrẽẽt, hĩnĩngĩtĩ ꞌlimman icci. Ma ho, iita eberria lemmiooha Paaulo hĩ Baarnaba hĩ eet ũgĩ ꞌcĩg abadtẽc nẽ ĩꞌthõõcõ hõõt ꞌJeruꞌthalẽma, hõõt hothoothito thõõth icci hĩ ꞌthooyyiak hĩ makayyiook cĩg lemmioohu.

Dtiicanĩ cĩg ꞌThooyyiahu 15:4

Ma baa õdõlanit Paaulo hĩ Baarnaba ꞌJeruꞌthalẽm, ikia ĩꞌtha lothippiti cĩ lemmioohu hĩ ꞌthooyyiak hĩ makayyiook ĩhõõggõ. Ma nĩngaata, uduktaak Paaulo hĩ Baarnaba eet thõõth vẽlẽk ꞌcĩ ẽẽlĩ Nyekuci ĩhõõggõ hĩdĩmanit.

Dtiicanĩ cĩg ꞌThooyyiahu 18:9

Ma baalin umwa, ikia uduhaak Makayyioohiti Paaulo honoothittatõõ ĩĩnnĩk, “Ma hiteelli, thõõth nẽẽ nii noho, ma hĩjjaaki.

Dtiicanĩ cĩg ꞌThooyyiahu 23:11

Ma baalin niccia, uppwaanna Makayyioohiti Yeesu hikia hĩbĩl ngaatĩ aayyi Paaulo nẽ ĩĩ, “Aꞌnyĩĩk ꞌthĩnĩt hõkõm! Hĩcĩ eteretheehu nii eet thõõth caannĩ ꞌJeruꞌthalẽma ho, õkõ ꞌthẽk hatĩ eterꞌtheehi ꞌRoomattĩ buúk.”

Dtiicanĩ cĩg ꞌThooyyiahu 5:34

Tõjõhõ eet umwa ꞌcĩ baa ĩĩn Variꞌtheenit ꞌcĩ haĩ ꞌGamalieel. Baa ĩĩn ꞌGamalieelĩ ꞌlimmannioohit cĩ nyattaalõ nẽ itieelli eeta vẽlẽk ĩnõõnnõ. Ma ho, ĩtĩnga nẽẽ hĩbĩl ꞌjieena nẽ uduhaak eet hootti nõõ ꞌthooyyiak battaala hĩdĩĩc.

ꞌRooma 9:16

Nẽẽthĩ hoti ho, arũgĩ hẽlẽggĩ vẽlẽk tamaatittaa cĩ Nyekuci nẽ hõllõngaa hĩnĩngĩtĩ ꞌgii ꞌcĩ adiim hode adtican eeta.

1 Korinthia 1:23

nẽẽthĩ, hallimaneeka naag eet thõõth ꞌcĩ odooddini Krĩstõ hurucceea. Õkõmĩ hĩ eet cĩg ꞌJudeei thõõth cieeni nẽ ummuhit eeta ꞌcĩg mẽẽlĩg ꞌcĩg hõllõngaa ĩĩn ꞌJudeei ĩĩtõ, ĩĩn thõõth ciee ꞌgiithẽnĩt.

1 Korinthia 2:2

Nẽ dĩdĩ, baa nga harũmĩ naag hĩ ngagiita, baa hẽbẽra ngaatĩ hõthõõthĩ thõõth cĩ Yeesu Krĩstõ, baa odooddothoothĩk hurucceea diooni.

1 Korinthia 9:24

Hõllõngaa agayyu niig aĩ ireta, avvir irettiooha nẽ ũmmũda ẽẽtĩ hõdẽẽthõng ꞌbaaninit? Ukulit niig buúk noho, hátĩ ummuddia ꞌbaaninit.

1 Korinthia 9:26

Nẽẽthĩ, hõllõngaa hairi naa hĩ ẽẽtĩ ꞌcĩ avvir tahatak, hõllõngaa hajanĩ naa jore hĩ ẽẽtĩ ꞌcĩ uuk ngõõt haaga.

2 Korinthia 12:1

Occa ꞌthẽk hirriani naa thõng, nẽẽthĩ, aitiõõ hinnia ꞌgii ꞌcĩ hammũda naa hĩ ꞌrianĩĩth tõõ. Nẽẽthĩ, occa hirrianĩ naa honoothi hĩ hẽlẽggĩ ũgĩ ꞌcĩg eterꞌtheeka Makayyioohiti nganĩĩta.

ꞌGalaaꞌthia 1:12

Baa hõllõngaa hammũda naa nyeemuut icci hĩ eet umwa haaga, baa eterꞌtheeka nganĩĩt Yeesu Krĩstõ Nyeemuut icci.

ꞌGalaaꞌthia 1:16

ngaatĩ eterꞌtheeka nganĩĩt ngeerĩnĩ, hátĩ huduhaak eet vẽlẽk ꞌcĩg hõllõngaa ĩĩn ꞌJudeei nyeemuut cĩnnĩ ꞌcĩ abũnnaa nẽ nga hijina eet umwaa nyeemuut icci ũdũt.

ꞌGalaaꞌthia 1:6

Homoꞌthi naa thõõth ꞌcĩ utuburru niig Nyekuc hĩdĩĩkoothong, hĩnĩngĩtĩ baa ẽbẽraauung nẽẽ ngagiit bũnnaiittaa cĩ Krĩstõ, nẽẽthĩ, ma helemmu nyeemuut umwa cĩrrĩĩng,

ꞌGalaaꞌthia 2:6

Nẽ eeta ꞌcĩg baag aattĩg hĩ makayyiooha, baa hõllõngaa haallahi naa ĩhõõggõ, hĩnĩngĩtĩ etteedĩk Nyekuci eet thõõth ꞌgoolliohĩĩ ꞌcĩg aattiyyi nẽẽgĩ nẽ hõllõngaa ĩttoorĩk nẽẽg thõõth umwa ꞌlimmaanaa caannĩ.

ꞌGalaaꞌthia 2:9

Nẽ dĩdĩ, baa agayyi ꞌJeemithi hĩ Pẽẽtũrũ hĩ Yõaannẽ, ngaatĩ ĩĩnnĩ hitiirrwa cĩg lothippit cĩ lemmioohu. Baa agaoothi nẽẽg ꞌbaaninit baa aaꞌnya nganĩĩt Nyekuci nẽ ẽlẽmta nẽẽg nganĩĩt hĩ Baarnaba hidticattooa hõdẽĩ. Ma ho, iita ũkũtatteet nẽẽg ngagĩĩt hoottia hillimatta eet ꞌcĩg hõllõngaa ĩĩn ꞌJudeei nẽ õõt illimanit nẽẽg eet ꞌcĩg ĩĩn ꞌJudeei.

ꞌGalaaꞌthia 5:7

Baa elemtu niig ngaatĩ ookorru hĩ Yeesu Krĩstõ nẽ ĩĩ nganĩ ꞌcĩ occa aku ataddaannuung ngagiit ꞌgõõlaa ꞌcĩ elemmu thõõth ꞌcĩ ĩĩn dĩdĩ ho?

Pilippi 2:16

Uꞌthuutti thõõth ꞌcĩ aꞌnyaha rũgẽt jurrung, hátĩ ma õbõda Krĩstõ, hirriani hatĩ naa gẽrrẽẽt haini, ĩko baa hõllõngaa hadticannii haaga, ĩko baa abũnnaa dtiici caannẽẽnĩ.

Pilippi 2:29

Iita ũrũmtĩ hĩ ĩnõõnnõ hõrggẽẽnaa cunuung lõꞌngõõc hĩ lemmioohiti cĩ Makayyiookto nẽ itingollieeu eet ꞌcĩ aaĩ hĩ nẽẽnĩ,

1 Tẽꞌthaloonika 3:5

Ĩnõõ ꞌcĩ hõllõngaa hẽmmẽẽꞌthĩ naa thõõth cĩ heeroni icci ho nẽ hĩꞌthõõa Timotteeo, haĩ hikia hũmmũda hatĩ nga aꞌthuunnu lemiinit cunuung hĩ Nyekuc. Baa hiꞌngolli haini, ikia mõnõ lũllũũmannioohiti ꞌThĩttaanĩ ũlũllũũmanuung ꞌgõõlaa umwaanĩ nẽ hatĩ ikia dtiici baa naang ko, ĩĩ olongit haaga.

2 Timotteeo 4:7

Baa hidticana naa jore ꞌcĩ abũnnaa, hẽdẽcaaha iret buúk nẽ hũꞌthũũtĩ lemiinit dĩdĩ.

Ebereei 12:1

Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.